SAN MATEO 19:4 - Testament Cobə deʼen choeʼ dižəʼ c̱he ancho Jesocristənʼ4 Nach gože' ḻega'aque': —Bablabczle can' nyoɉ Xtižə' Diozən' nan de que catə'ən gwxe yežlyon' Diozən' bene' beṉə' nech ca' beṉə' byo na' no'olə. အခန်းကိုကြည့်ပါ။ |
Na' ca naquən' chaquele bito yesyə'əban beṉə' guat ca', ¿əbito za'alažə'əle can' nyoɉ Xtižə' Diozən' de'en bzoɉ de'e Moisezən' can' gož Diozən' ḻe'. Moisezən' ble'ine' to yi' beḻ de'e chdoḻɉən to ḻo'o xis yešə'. Na' gož Diozən' de'e Moisezən': “Nada' naca' Dioz c̱he de'e x̱axta'ole Abraanṉə', na' Dioz c̱he de'e x̱axta'ole Isaaquən', na' Dioz c̱he de'e x̱axta'ole Jacobən'.”
Na' Jeso'osən' gože' ḻega'aque': —¿Ecabi za'alažə'əle de'en bablable can' ben de'e Rei Dabin' ca tyemp catə'ən goc Abiatarən' bx̱oz əblaoch? Nan de que to ža cui gotə' de'e əsa'o de'e Dabin' len beṉə' lɉuežɉe' ca' na' gosə'ədone'. Nach gwyeɉe' ḻo'o yo'odao' əblao c̱he c̱hio'o beṉə' Izrael. Na' gwxi'e yetxtil de'en bazɉəncua' bx̱oz ca' par Diozən', na' gwsa'ogüe'en len beṉə' lɉuežɉe' ca' ḻa'aṉə'əczə cui zɉənaque' bx̱oz, len yetxtilən' bito de lsens par gao notə'ətezə beṉə' ḻen, letga bx̱oz ca' chac əsa'ogüe'en.