SAN MARCOS 3:5 - Testament Cobə deʼen choeʼ dižəʼ c̱he ancho Jesocristənʼ

⁵ Nach Jeso'osən' bgüie' ḻega'aque' znia tant gwzoe' trist c̱hedə' cui chse'enene' se'eɉni'ine' bin' chene'e Diozən' so'one'. Nach Jeso'osən' gože' be'enə': —Bḻi na'onə'. Nach bḻi na' be'enə' na' beyaquen.

SAN MARCOS 3:5 ပူးပေါင်းရင်းမြစ်များ

SAN MATEO 12:13

Nach Jeso'osən' gože' be'enə' mbižə ne'inə': —Bḻi na'onə'. Nach catə' bḻi na' be'enə' ḻe'e beyacten can' naquə de'en yešḻa'a.

SAN MARCOS 3:4

Jeso'osən' gože' beṉə' ca' ža' ḻo'o yo'oda'onə': —¿Ena ḻein' goncho de'e güen ža dezcanzən', o šə nan goncho de'e mal? ¿Enan goncho par nic̱h cui sa'at beṉə', o šə nan goncho par nic̱h sa'ate'? Pero beṉə' ca' ža'anə' bitobi gosə'əne'.

SAN LUCAS 13:15

Nach X̱anchon' gože'ene': ―¡Le'e beṉə' gox̱oayag! ¿Ecaguə lao ža dezcanzən' bia'aczə chsežle go'oṉ c̱hele o borr c̱hele gan' zɉəda'ab na' chgua'aga'acleb güe'eɉ nis?

SAN LUCAS 17:14

Na' Jeso'osən' catə' ble'ine' ḻega'aque' gože' ḻega'aque': ―Ḻežɉəya'ac lao bx̱oz ca' nic̱h yesə'əgüie' le'e. Na' goquən' lao zezyə'əngüe'e nezən' besyə'əyaquene'.

SAN LUCAS 6:10

Jeso'osən' bgüie' yogue'e nach gože' be'enə': ―Bḻi na'onə'. Nach bḻi na' be'enə', na' beyaquen.

SAN JUAN 9:7

Na' gože'ene': ―Gwyeɉ ɉəyedib ɉelaogo'onə' cho'a tanc de'en nzi' Siloe―. Na' Siloe zeɉen dižə' Nseḻə'. Na' gwyeɉe' na' beyib ɉelaogüe' ca'. Na' beze'e ɉəyede' bachle'ine'.

ROMANOS 11:25

Beṉə' bišə', che'enda' əṉezele de'e nga de'e cui no gwneze antslə par nic̱h cui gaquele de que yeḻə' beṉə' sin' c̱helen' nži'ilažə' Diozən' le'e. Baḻə beṉə' Izrael ca' zɉənaque' beṉə' yic̱hɉ žod, bito chse'eɉni'ine' bi'in chene'e Diozən'. Na' nic se'eɉni'iczene'en xte que catə'əch əžin ža bac̱h de yeḻə' mban zeɉḻicaṉe c̱he beṉə' ca' cui zɉənaquə beṉə' Izrael, con yoguə' beṉə' ca' əgwnežɉo Diozən' yeḻə' mban c̱hega'aque'.

2 CORINTOS 3:14

Beṉə' Izrael ca' bito gwse'eɉni'ine' de'en chebei Diozən' na' xte ža ṉeža catə' choso'olabe' ḻei de'en bzoɉ de'e Moisezən', bito chse'eɉni'ine' bi zeɉen. Con beṉə' ca' chso'onḻilažə' Cristən' chse'eɉni'ine' bi zeɉen, na' casi yoguə' beṉə' Izrael gwlaž c̱hia' ca' bito chso'onḻilaže'ene'.

EFESIOS 4:18

Nc̱hoḻ yic̱hɉla'ažda'oga'aque'enə'. Na' laogüe de'en zɉənaque' beṉə' godenag, bito chse'eɉni'ine' bin' chazlažə' Diozən'. De'e na'anə' bitobi yeḻə' mban zeɉḻicaṉe c̱hega'aque' de ca naquə de'en choṉ Diozən' chio'o.

EFESIOS 4:26

Catə' chža'acho bito cheyaḻə' goncho de'e mal. Cheyaḻə' yeyacxenḻažə'əcho lgüegwzə lao yeḻə' chža'a c̱hechon', bito ža'acho do ža.

EFESIOS 4:30

Na' bito goncho ca so Spirit c̱he Diozən' trist, la' zo Spiritən' ḻo'o yic̱hɉla'ažda'ochon' par nic̱h ṉezecho gwžin ža goṉ Diozən' chio'o cuerp cobən' na' gone' par nic̱h gaquə yic̱hɉla'ažda'ochon' cayaṉə'ən chene'ene'.

HEBREOS 3:10

De'e na'anə' bito bebeiga'acda'ane', na' gwnia': “Do tyemp naquəga'aque' beṉə' yic̱hɉla'aždao' žod, bitoṉə' se'enene' se'eɉni'ine' can' chona'.”

HEBREOS 3:17

De'e na'anə' bže'e ḻega'aque' c̱hoa iz de'en gwso'one' de'e malən' cuich boso'ozenague' c̱he', na' gwsa'ate' latɉə dašən'.

HEBREOS 5:9

Na' beyož goc c̱he Jeso'osən' yoguə'əḻoḻ can' gone'e Diozən', nach gwzolao chone' par nic̱h yoguə'əḻoḻ beṉə' ca' choso'ozenag c̱he', ṉite'e len ḻe' zeɉḻicaṉe.

APOCALIPSIS 6:16

Na' gosə'əne': —Žalə'əšga əca'a bdiṉɉ na' yeɉ quinga na' ya'a quinga yesə'əyenən chio'o nic̱h cui le'i Diozən' chio'o, Dioz ben' chi' chnabia', na' nic̱h cui goṉ Jesocristən' castigw c̱hecho, Jesocrist ben' gwxaquə'əlebe ca xilə' dao' ca' gwso'ot beṉə' Izrael ca' par gwnitlao xtoḻə'əga'aque'enə'.