SAN LUCAS 22:70 - Testament Cobə deʼen choeʼ dižəʼ c̱he ancho Jesocristənʼ

⁷⁰ Nach yogue'e gwse'ene': ―¿Elen' naco' Xi'iṉ Diozən'? Na' gože' ḻega'aque': ―Ḻe can' nale nan' naca'.

SAN LUCAS 22:70 ပူးပေါင်းရင်းမြစ်များ

SAN MATEO 26:25

Nach Jodən', ben' bene' Jeso'osən' lao na' beṉə' contr ca', gože'ene': —Maestr, ¿ənadan' gona' le' lao na' beṉə' contr ca'? Jeso'osən' gože'ene': —Ṉezczədo' šə le'enə'.

SAN MATEO 26:64

Jeso'osən' gože'ene': —Ḻe ben' nao' na' nada'. Diozən' bseḻe'e nada' golɉa' beṉac̱h. Na' əchnia' le'e, gwžin ža le'ile nada' chi'a cuit Diozən' ben' napə ḻe'ezelaogüe yeḻə' guac xen, na' ṉabi'a txen len ḻe', na' le'ile nada' yetɉa' yoban' to ḻo'o beɉw.

SAN MATEO 27:11

Na' bžin Jeso'osən' gwzeche' lao goberṉadorən', nach goberṉadorən' gože'ene': —¿Elen' naco' Rei c̱he beṉə' Izrael ca'? Nach Jeso'osən' gože'ene': —Ḻe ben' nao' na' nada'.

SAN MATEO 27:43

Ḻe' chonḻilaže'e Diozən', la' gwne': “Xi'iṉ Dioz nada'.” Na' le'icho yosla Diozən' ḻe' ṉa'a šə chaquene' c̱he'.

SAN MATEO 27:54

Na' ḻeczə lao orən' catə'ən got Jeso'osən', capitanṉə' len soḻdad c̱he' ca' nite'e chsa'ape' Jeso'osən'. Na' besə'əžebchgüe' catə' besə'əle'ine' can' gwxo' na' bichlə de'e ca' goquə, na' gosə'əne': —De'e ḻiczə benga naque' Xi'iṉ Dioz.

SAN MATEO 3:17

Na' gwse'enene' gwna Diozən' ben' zo yoban': —Bengan' Xi'iṉa', ben' chacda' c̱hei, ḻechguaḻe cheba chezaquə'əlaža'a ḻe'.

SAN MATEO 4:3

Na' gwxiye'enə' bgüiguə'ən gan' zo Jeso'osən', gožə'ən ḻe': —Šə len' naco' Xi'iṉ Diozən', gož yeɉ quinga yesyə'əyaquən yetxtil.

SAN MARCOS 14:62

Jeso'osən' gože'ene': —Ḻe ben' nao' na' nada'. Diozən' bseḻe'e nada' golɉa' beṉac̱h na' əchnia' le'e gwžin ža le'ile nada' chi'a cuit X̱a' Diozən' ben' napə ḻe'ezelaogüe yeḻə' guac xen na' ṉabi'a txen len ḻe'. Na' le'ile nada' yetɉa' yoban' to ḻo'o beɉw.

SAN MARCOS 15:2

Pilatən' gože' Jeso'osən': —¿Elen' naco' rei c̱he beṉə' Izrael ca'? Nach Jeso'osən' gože'ene': —Ḻe be'en nao' nan' naca'.

SAN LUCAS 22:71

Nach gosə'əne': ―¿Nochxa testigw chyažɉecho? Chio'on babenecho ṉa'a chžia chnite'e Diozən' de'en ne' ca'.

SAN LUCAS 23:3

Nach Pilatən' gože'ene': ―¿Elen' naco' rei c̱he beṉə' Izrael ca'? Nach Jeso'osən' gože'ene': ―Ḻe can' nao' nan' naca'.

SAN LUCAS 4:41

Na' ḻeczə bebeɉ Jeso'osən' de'e x̱io' ca' zɉəyo'o zɉəyaz ḻo'o yic̱hɉla'aždao' beṉə' zan ca'. Na' besyə'əchoɉən gosə'ənan zižɉo: ―Len' naco' Xi'iṉ Diozən'. Jeso'osən' gwdiḻe' ḻega'aquən na' bito be'e latɉə yesə'əṉen c̱hedə' zɉəṉezczen de que naque' Cristən' ben' gwleɉ Diozən' par gaquəlene' beṉac̱hən'.

SAN JUAN 1:34

Nada' bable'ida' goc can' gwne'enə' na' cho'a dižə' de que bengan' Xi'iṉ Diozən'.

SAN JUAN 1:49

Nach Natanaelən' gože'ene': ―Maestr, len' naco' Xi'iṉ Dioz. Len' naco' Rei ben' chbezəto' yedəṉabia' neto' beṉə' Izrael.

SAN JUAN 10:30

Nada' na' X̱a'anə' tozə can' naquə yic̱hɉla'ažda'oto'onə', tozə can' naquə yeḻə' guac c̱heto'onə' na' tozə can' chonto'.

SAN JUAN 10:36

Ca naquə Diozən' gwne' zɉənaque' ca cuine', ¿bixc̱hen' nale de que chžia chnita'a Diozən' de'en gwnia' naca' Xi'iṉe'? Ḻe'enə' gwleɉe' nada' par gaquəlena' beṉac̱hən' na' bseḻe'e nada' yežlyo nga.

SAN JUAN 18:37

Nach gož Pilatən' ḻe': ―¿Ena' rein' naco'? Na' gwna Jeso'osən': ―De'e ḻin' bagwnao' de que nada' naca' rei. Babida' yežlyo nga golɉa' par nic̱h ṉabi'a na' par nic̱h əgwzeɉni'ida' beṉac̱hən' dižə' ḻi c̱he Diozən'. Beṉə' ca' bachoso'ozenag c̱he dižə' ḻi c̱he Diozən' ḻeczə choso'ozenague' c̱hia'.

SAN JUAN 19:7

Na' gwse' beṉə' blao c̱he ṉasyon Izrael c̱heton' ḻe': ―Segon ḻei c̱heto' de'en de cheyaḻə' gotchone' c̱hedə' ne' naque' xi'iṉ Dioz ḻa'aṉə'əczə naque' con to beṉac̱hzə.