HECHOS 22:29 - Testament Cobə deʼen choeʼ dižəʼ c̱he ancho Jesocristənʼ

²⁹ Nach beṉə' ca' banitə' probnid par yesə'əyine' Pabən' ḻe'e besyə'əbižə'əte' cuite'enə', na' ḻeczə ca' beṉə' gwnabia' c̱he soḻdad ca' bžebe' c̱hedə' gosə'əṉezene' bito de lsens len ḻein' par yoso'oc̱heɉe' notə'ətezə beṉə' naquə beṉə' ṉasyon Roman' šə cuiṉə' c̱hoglaon bi de'e mal none'.

HECHOS 22:29 ပူးပေါင်းရင်းမြစ်များ

HECHOS 21:33

Nach catə' bžin beṉə' gwnabia'anə' gan' ža' beṉə' ca', bene' mendad gwso'ox̱ə' soḻdad c̱he' ca' Pabən' na' boso'oc̱heɉe'ene' c̱hopə gden. Nach gwṉabene' beṉə' ca' ža'anə' bi le be'enə' na' bin' none'.

HECHOS 22:28

Nach beṉə' gwnabia' c̱he soḻdad ca' gože' Pabən': —Mech xen gwxaquə'əda' nada' par nic̱h naca' cuent len beṉə' ṉasyon Roman'. Nach Pabən' gože'ene': —Nada' golɉa' naca' beṉə' ṉasyon Roman'.

HEBREOS 11:35

Gwnitə' no'olə gwso'onḻilažə' Diozən' na' laogüe de'en gwso'onḻilaže'ene'enə' bosbane' no famiḻy c̱hega'aque' ladɉo beṉə' guat ca'. Na' gwnitə' beṉə' gwso'onḻilažə' Diozən' na' bito gwse'enene' yesə'əbeɉyic̱hɉe'ene' par yesyə'əchoɉe' lao de'en chəsə'əc̱hi' chəsə'əsaquə' beṉə' ḻega'aque', c̱hedə' gwnite'e lez yoḻis yosban Diozən' ḻega'aque' ladɉo beṉə' guat ca' par žɉəsyə'ənite'e len ḻe'.