HECHOS 21:30 - Testament Cobə deʼen choeʼ dižəʼ c̱he ancho Jesocristənʼ

³⁰ Na' gwso'onchgüe' zda zṉe. Nach ḻe'e besə'ədobte beṉə' zan cho'a yo'odao' əblaonə' nach gwso'e gwso'ox̱e'e Pabən' na' besyə'əxobe'ene' fuerlə yo'odao' əblaonə', na' ḻe'e besyə'əseyɉwte puert ca'.

HECHOS 21:30 ပူးပေါင်းရင်းမြစ်များ

SAN MATEO 2:3

Catə' bene Rei Erodən' xtižə'əga'aque'enə', de'e juisy de'e goquene', na' ḻeczə ca' yoguə'əḻoḻ beṉə' lao' syoda Jerosalenṉə'.

SAN MATEO 21:10

Na' catə' bžin Jeso'osən' Jerosalenṉə' yoguə' beṉə' ca' ža' syodan' besyə'əbanene', na' gosə'əne: —¿Noxa benga bla' nga?

SAN LUCAS 4:29

Na' ḻe'e besyə'əzoža'ate' na' besyə'əbeɉe' Jeso'osən' syodan' na' gosə'əc̱he'ene' to lao ya'a gaḻə'əzə gan' chi' syodan' gwse'ene'ene' yoso'ox̱ope'ene' par che'elə, pero bito goquə bi so'onene' ḻe'.

HECHOS 19:29

Nach to scandl juisy bachac lao' syodan' de'en gwsa'aque' tozə bosə'əṉize' beṉə' ca' zɉəle Gayo na' Aristarco, na' gosə'əxobe' ḻega'aque' xte besə'əžinte' gan' chəsə'ədobə yoguə' beṉə' lao' syodan'. Gayon' na' Aristarcon' zɉənaque' beṉə' Masedonia na' chsa'aše' txen len Pabən'.

HECHOS 26:21

Na' por ni c̱he de'en chzeɉni'ida' beṉə', de'e na'anə' beṉə' Izrael gwlaž c̱hecho ca' gosə'əzene' nada' ḻo'o yo'odao' əblao c̱hechon' na' gwsa'aclaže'e so'ote' nada'.

2 CORINTOS 11:26

Na' lao gwya'a ɉətix̱ɉui'a xtižə' Cristən' zan las bela' cui gota' o so'ot beṉə' nada'. Zan las goc zdebə tia' yao ca', zo catə' goca' lao na' beṉə' bguan, na' zo catə' beṉə' Izrael gwlaž c̱hia' ca' gwse'enene' so'ote' nada', na' ḻeczə zo catə' beṉə' cui zɉənaquə beṉə' Izrael gwse'enene' so'ote' nada'. Na' yelatə'əzə cui gota' do syodan' na' do ga cui no beṉə' ža'. Na' bašə gata' lao nisda'onə'. Na' do tyemp chxožda' cuiayi' xšin Diozən' por ni c̱he beṉə' ca' chsa'aš chəsə'əne' de que zɉəlene' chio'o pero caguə do lažə'əga'aque'enə'.