HECHOS 21:1 - Testament Cobə deʼen choeʼ dižəʼ c̱he ancho Jesocristənʼ

¹ Beyož bzeišazə lɉuežɉto' dižə' len beṉə' ca', na' beyo'oto' ḻo'o barcon' zɉədato' ḻicha bežinto' gan' ne' Cos. Na' beteyo bezžinto' gan' ne' Rodas. Na' Rodas na' bezsa'ato' na' bezžinto' Patara. Na' bechoɉto' ḻo'o barcon'.

HECHOS 21:1 ပူးပေါင်းရင်းမြစ်များ

SAN LUCAS 5:4

Na' ca beyož be'e dižə'ənə' nach gože' Simonṉə': ―Bžiguə'əch barcw c̱hio'onə' gan' naquə nisən' zitɉoch, na' ḻe'e əgwzaḻə' yix̱ɉw c̱helen' par senḻe beḻən'.

SAN LUCAS 8:22

Na' gozac to ža Jeso'osən' gwyo'e to ḻo'o barcw len disipl c̱he' ca', na' gože' ḻega'aque': ―Eḻaguə'əcho yešḻa'alə nisda'onə'. Nach boso'ose'e barcon'.

HECHOS 27:2

Nach gwyo'oto' to ḻo'o barcw de'e za' Adramitio par əžinən Asia. Na' za'alen Aristarcon' neto'. Naque' beṉə' syoda Tesalonica de'en chi' gan' mbane Masedonian'.

HECHOS 27:4

Na' gozsa'ato'onə' na' zdato' to lcue'eɉ latə' yežlyo de'e nga'aṉ ḻo'o nisda'onə' de'en nzi' C̱hipre, c̱hedə' be'enə' chec̱hɉən clelə, na' yežlyo na'anə' bcue'eɉən neto' len be'enə'.

1 TESALONICENSES 2:17

Na' neto' beṉə' bišə', bachacchgüeito' c̱hedə' bitochəṉə' le'i lɉuežɉcho, pero chonto' xbab c̱hele. Nada' Pab zan las go'onda' delaṉa'a le'e, na' bchoɉ catə' beyilɉlažə'əto' naclə gonto' par nic̱h yežagcho de'e yoblə. Pero catə' gone'eto' yidəto' par delaṉə'əto' le'e, Satanasən' de'en chnabia' de'e x̱io' ca' bito be'en latɉə.