HECHOS 17:32 - Testament Cobə deʼen choeʼ dižəʼ c̱he ancho Jesocristənʼ

³² Catə' beyož gwse'enene' gwna Pabən' de que yesyə'əban beṉac̱hən' ladɉo beṉə' guat ca' baḻe' gwso'onene' borl na' yebaḻe' gwse'ene': ―Na' gwzenagyetši'ito' can' cho'o dižə'ənə' yetolə ža.

HECHOS 17:32 ပူးပေါင်းရင်းမြစ်များ

SAN LUCAS 14:18

Na' to toga'aque' gwse'e be'enə' bixc̱hen' cui zɉəzoe' latɉə žɉa'aque' gan' chone' lṉin'. Toe' gwne': “Ze'e gwxi'a to yežlyo. Cheyaḻə' žɉəgüia'an. Na' ye'ešgo' x̱ano'on de que bito gac yida'.”

SAN LUCAS 22:63

Na' x̱a'ag yo'odao' ca' beṉə' ca' gwso'ox̱ə' Jeso'osən' gwso'onene' borl na' gwso'ot gosə'əyine' ḻe'.

SAN LUCAS 23:11

Na' Erodən' len soḻdad c̱he' ca' gwzolao gosə'əzi'ic̱hiže'ene' na' gwso'onene' borl. Nach catə' beyož bosə'əguacue'ene' to lachə' xoche juisy, bosə'əseḻe'ene' lao Pilatən'.

SAN LUCAS 23:36

Nach soḻdad ca' ḻeczə gwso'onene' borl gosə'əbigue'e gaḻə'əzə gan' zo yag corozən' na' boso'onežɉue'ene' binagr.

HECHOS 13:41

Ḻe'e gon xbab, le'e chonḻe borl, gwžin ža cuiayi'ile por ni c̱he de'e cui cheɉḻe'ele. Ḻe'e yebane, c̱hedə' nada' Dioz ze'e gona' de'e zaquə' yebanele tyemp nga zole ṉa'a, na' bito šeɉḻe'ele ḻa'aṉə'əczə šə no əṉa le'e can' gaquən'. Can' gwna Pabən' bzeɉni'ine' beṉə' ca' ža' ḻo'o yo'oda'onə'.

HECHOS 17:18

Na' beṉə' ca' bazɉənao de'en choso'osed choso'olo'i epicoreo ca' na' estoico ca' gosə'əzolaogüe' gwso'elene' Pabən' dižə'. Nach baḻe' gosə'əṉe': ―¿Bi nga əṉa de'e güe' dižə' nga chio'o? Nach yebaḻe' gosə'əne': ―Zedəzenḻɉeine' chio'o c̱he yeto c̱hopə beṉə' cobən' šeɉṉi'alažə'əcho. Gosə'əne' ca' c̱hedə' Pabən' bzeɉni'ine' ḻega'aque' dižə' c̱he Jeso'osən' na' bzeɉni'ine' ḻega'aque' can' beban Jeso'osən' ladɉo beṉə' guat ca'.

HECHOS 17:31

La' Diozən' bambeɉe' Jesocristən' par əc̱hoglaogüe'en c̱he chio'o beṉac̱h šə nocho napcho doḻə'. Na' Diozən' banžie' bia' batən' c̱hoglaogüe'en c̱he chio'o beṉac̱h. Na' de'en bosban Diozən' Jesocristən' ladɉo beṉə' guat ca' ṉezecho de que de'e ḻi c̱hoglaogüe'en c̱he chio'o beṉac̱h na' zdacze' ḻicha ca de'en gone' ca'.

HECHOS 17:33

Ca' goquə beza' Pabən' Areopagon' gan' ža' beṉə' ca'.

HECHOS 2:13

Na' yebaḻe' gwso'one' borl gosə'əne': ―Beṉə' quinga chesə'əzožene'.

HECHOS 24:25

Nach Pabən' be'elene' ḻe' dižə' can' cheyaḻə' goncho par gaccho beṉə' güen lao Diozən' na' can' bito cheyaḻə' güe'echo latɉə ṉabia' la'ažda'omalchon' chio'o, na' can' əžin ža catə' Diozən' c̱hoglaogüe'en c̱he to to chio'o beṉac̱h šə nocho napcho doḻə'. Na' goberṉador Felsən' bžebe' xte juisy ca naquə dižə' de'en choe' Pabən'. Nach gože'ene': ―To ca'atə'ətə' gwzenaga' ṉa'a. Guaxcza' le' catə' gatə' to latɉə c̱hia'.

HECHOS 25:19

De'en chaczə c̱hega'aque' len ḻe', cui cheɉṉi'alažə' Pabən' can' chse'eɉṉi'alažə' ḻega'aque' na' chso'e dižə' c̱he to de'e beṉə' guat beṉə' gwle Jeso'os, na' Pabən' ne' de que mbancze'.

HECHOS 26:8

¿Bixc̱hexan' chaque le'e caguə de'e no šeɉḻe'enə' de que Diozən' choḻis chosbane' beṉə' guat ca'?

1 CORINTOS 1:23

Pero na' neto' chyix̱ɉue'eto' can' gwso'ote' Cristən' ḻe'e yag corozən'. Na' catə' chyix̱ɉue'eto'on beṉə' Izrael ca' bito chsa'azlaže'e na' bito chse'eɉḻe'e c̱hei. Na' ḻeczə beṉə' ca' cui zɉənaquə beṉə' Izraelən' catə' chse'enene' dižə' de'en chyix̱ɉue'eto', ḻeczə chsa'aquene' de que bito bi bi zaquə'ən.

1 CORINTOS 15:12

Na' bac̱h bsed blo'ito' le'e de que Cristən' beyas bebane' ladɉo beṉə' guat ca'. Pero le'e ža, ¿bixc̱hen' na baḻle de que bito yesyə'əban beṉə' guat ca'?

1 CORINTOS 4:10

Beṉac̱hən' chsa'aquene' bito bi bi zaquə'əto' por ni c̱he de'en chonto' xšin Cristən'. Pero na' le'e ža, chonḻe par nic̱h chsa'aquene' nacle beṉə' sin' ḻa'aṉə'əczə ngodə'əle txen len Cristən'. Neto' ṉezeto' caguə bi chac gonto', pero le'e chaquele chac gonḻe bitə'ətezə. Chso'elao' beṉə' le'e na' chəsə'əgue'ine' neto'.

2 CORINTOS 6:2

Nyoɉ can' gwna Diozən': Catə' bžin tyemp de'en bžia' bia' gona', bzenaga' c̱hio'. Na' catə' bžin ža bena'an, cana'achən' goquəlena' le'. Can' nyoɉən. Na' ža ṉeža babžin tyempən' gwne' ca', la' ža ṉeža zocze' par yebeɉe' le'e xni'a de'e malən' le'e cuiṉə' gonḻilažə'əlene'.

HEBREOS 11:36

Na' gwnitə' beṉə' ḻechguaḻe gosə'əzi'ic̱hižə' beṉə' ḻega'aque' na' gwso'ot gosə'əyine' ḻega'aque' na' boso'oc̱heɉe' ḻega'aque' gden, na' gosə'əyix̱ɉue' ḻega'aque' ližya.

HEBREOS 13:13

De'e na'anə' cheyaḻə' gonḻilažə'əcho Jesocristən' na' bitoch ṉaocho de'e ca' ḻa'aṉə'əczə šə beṉə' zan yesə'əgue'ine' chio'o de'en cuich ṉaochon.