HEBREOS 8:2 - Testament Cobə deʼen choeʼ dižəʼ c̱he ancho Jesocristənʼ

^2-3 Bx̱oz əblao ca' beṉə' ca' gwso'ot bia yix̱ə' ḻo'o yo'odao' de'en gwso'on de'e x̱axta'o chio'o beṉə' Izrael ɉso'e xc̱henga'aquəbən' gan' nzi' “Latɉə gan' zo Diozən'” par nic̱h Diozən' bezi'ixene' xtoḻə'əga'aque'enə' len c̱he beṉə' ca' yeḻa'. Na' de'en gwso'one'enə' naquən ca de'en chac yoban' gan' zo Diozən'. De'e na'anə' benən byen bnežɉw cuin Jeso'osən' gwso'ot beṉə' ḻe' par nic̱h naque' bx̱oz əblao c̱hechon' gan' zo Diozən', na' chone' par nic̱h Diozən' chezi'ixene' xtoḻə' chio'o chonḻilažə'əchone'.

HEBREOS 8:2 ပူးပေါင်းရင်းမြစ်များ

SAN LUCAS 24:44

Nach gože' ḻega'aque': ―Bagwni'a le'e catə'ən ṉezolena' le'e de que cheyaḻə' gaquə yoguə'əḻoḻ de'e ca' zɉənyoɉ c̱hia' ḻe'e ḻei de'en bzoɉ de'e Moisezən', na' ḻe'e ḻibr de'en boso'ozoɉ de'e profet ca', na' ḻeczə ca' ḻe'e ḻibr gan' žia Salmos ca'. Na' de'e ca' zɉənyoɉ c̱hia' bac̱h goquən ṉa'a.

ROMANOS 15:8

Echnia' le'e de que Cristo Jeso'osən' bide' par goclene' zgua'atec beṉə' Izrael ca'. Bedəyene' complir ca lyebe de'en ben Diozən' len x̱axtao' chio'o beṉə' Izrael, par nic̱h blo'e de que Diozən' cho'e dižə' ḻi.

2 CORINTOS 5:1

Ca naquə cuerp c̱hechon' gwxaquə'əleben ca to ranšzə. Žalṉez te c̱hei catə'ən gatcho. Pero na' ṉezecho Diozən' gone' par nic̱h žɉəyezocho zeɉḻicaṉe yoban' gan' zoe'enə'. Na' gan' žɉəyezochon' gwxaquə'əleben ca to yo'o gual c̱hedə' naquən to de'e ben Diozən' na' caguə de'e te c̱heinə'.

COLOSENSES 2:11

Na' ḻeczə de'en ngodə'əcho txen len ḻe' zocho to señy de'en zeɉen ca señy de'en ne' sirconsisionṉə'. Bito naquən señy de'en bzo beṉə' lao cuerp c̱hechon', sino de'en bagwleɉyic̱hɉcho cuich chzenagcho c̱he la'ažda'omalcho na'anə'. Cristən' babocobe' yic̱hɉla'ažda'ochon'.

HEBREOS 10:11

Beṉə' ca' zɉənaquə bx̱oz, yoguə' ža nitə'ətezə nite'e chso'ote' bia yix̱ə' par xtoḻə' beṉə' Izrael ca' yeḻa', len la' xc̱hen bia yix̱ə'ən bito gaquə yeca'an xtoḻə' beṉə'.

HEBREOS 10:21

Na' de'en naquə Jesocristən' bx̱oz əblao c̱hecho, na' de'en chaclene' chio'o naccho ca famiḻy c̱he Diozən', de'e na'anə' cheyaḻə' socho güe'ela'ocho Diozən' na' goncho orasyon laogüe'enə' do yic̱hɉ do lažə'əcho, gonḻilažə'əchone' sin cui gaquəžeɉlažə'əcho. Goncho ca' laogüe de'en blalɉ xc̱hen Jesocristən' par beque'e xtoḻə'əchon'. Na' ḻeczə bagwchoacho nisən'.

HEBREOS 11:10

Bito bi goque de'e Abraanṉə' de'en gwnite'e ḻo'o yo'o de lachə'əzə, c̱hedə' gwzoe' lez əžin ža soe' gan' zo Diozən', gan' naquə to syoda güen de'e cui te c̱hei, syoda de'en ben Diozən'.

HEBREOS 9:1

Cana'ate ben Diozən' mendad naclə so'on beṉə' Izrael gwlaž c̱hecho ca' par so'ela'ogüe'ene'. Na' ḻeczə bene' mendad so'one' to yo'odao' par ḻe'.

APOCALIPSIS 21:3

Nach do gan' chi' Diozən' chnabi'e benda' gwṉe to anglən' zižɉo gwne': —Syoda c̱he Diozən' babžinən gan' ža' beṉac̱hən' na' Diozən' soe' len ḻega'aque'. Beṉac̱h ca' əsa'aque' xi'iṉe' na' ḻe' gaque' Dioz c̱hega'aque' ben' əso'elaogüe'e.