HEBREOS 7:21 - Testament Cobə deʼen choeʼ dižəʼ c̱he ancho Jesocristənʼ

²¹ Beṉə' ca' gwsa'aque' bx̱oz segon can' bzoɉ de'e Moisezən', Diozən' bito gože' ḻega'aque' can' gože' Jeso'osən'. Nyoɉən' can' gože'ene', nan: Diozən' bzo cuine' testigw gwne': “Naquəczo' bx̱ozən' c̱hedə' zoa' naca' Dioz. Na' bito gwša'a can' ni'anə'. Le' naco' bx̱oz ben' zo zeɉḻicaṉe. Naco' ca Melquisedequən'.”

HEBREOS 7:21 ပူးပေါင်းရင်းမြစ်များ

ROMANOS 11:29

Na' Diozən' bito cheyeɉene' c̱he de'e ca' chnežɉue' beṉac̱hən', na' nic cheyeɉene' c̱he beṉə' ca' mbeɉe' par zɉənaque' ṉasyon c̱he'enə'.

HEBREOS 5:6

Na' ga yoblə nyoɉ yeto de'en gože'ene': Naco' bx̱oz beṉə' zo zeɉḻicaṉe, na' naco' ca bx̱oz Melquisedequən'.

HEBREOS 7:17

Na' de'e nga nyoɉən can' gož Diozən' Jeso'osən' nan: Naco' bx̱oz beṉə' zo zeɉḻicaṉe na' naco' ca bx̱oz Melquisedequən'.

HEBREOS 7:20

Na' par nic̱h ṉezecho de que Jeso'osən' naque' bx̱oz c̱hechon', Diozən' bzo cuine' testigw gwne': Naquəcze' bx̱ozən' c̱hedə' zoa' naca' Dioz.

HEBREOS 7:23

Beṉə' ca' gwsa'aque' bx̱oz segon can' na ḻei de'en bzoɉ de'e Moisezən', gwsa'aque' beṉac̱h na' gwsa'ate', pero benitə'əteczə lgua'aga'aque'. De'e na'anə' gwsa'aque' beṉə' zan.

HEBREOS 7:28

Beṉə' ca' gwsa'ac bx̱oz əblao segon can' na ḻei de'en bzoɉ de'e Moisezən' gwsa'aque' beṉə' güen de'e mal can' zɉənaquə yeziquə'əchlə beṉə'. Zan iz bagoc bzoɉ de'e Moisezən' ḻei c̱he Diozən' catə' Diozən' bzo cuine' testigw de que seḻe'e Xi'iṉe'enə' par gaque' bx̱oz əblao c̱hechon' na' gwne': “Gaquəcze' bx̱oz əblaon' c̱hedə' zoa' naca' Dioz.” Na' Xi'iṉe' na'anə' zocze' zeɉḻicaṉe, na' naquə yic̱hɉla'aždaogüe'enə' cayaṉə'ən chene'e Diozən'.