HEBREOS 5:6 - Testament Cobə deʼen choeʼ dižəʼ c̱he ancho Jesocristənʼ

⁶ Na' ga yoblə nyoɉ yeto de'en gože'ene': Naco' bx̱oz beṉə' zo zeɉḻicaṉe, na' naco' ca bx̱oz Melquisedequən'.

HEBREOS 5:6 ပူးပေါင်းရင်းမြစ်များ

HEBREOS 5:10

Diozən' gwleɉe' ḻe' par naque' bx̱oz əblao c̱hecho na' gwxaquə'əlebene' ca bx̱oz Melquisedequən'.

HEBREOS 6:20

Jeso'osən' bazɉəyezoe' gan' zo Diozən' na' chone' par nic̱h ḻeczə chio'o žɉəyezocho len ḻe'. Na' Jeso'osən' naque' bx̱oz əblao c̱hecho, ben' gwxaquə'əlebe ca bx̱oz Melquisedequən'.

HEBREOS 7:11

Žalə' bx̱oz ca' beṉə' ca' gwsa'alɉə lao dia c̱he de'e Lebin' goc so'one' par nic̱h yic̱hɉla'aždao' beṉə' gwlaž c̱hecho ca' əsa'aquən can' chene'e Diozən', bito byažɉecho yeto bx̱oz žalə' ca'. Pero de'en cui goquə so'one' par nic̱h əsa'ac yic̱hɉla'aždao' beṉə' can' chene'e Diozən', de'e na'anə' bidə Jeso'osən' par naque' bx̱oz c̱hechon' na' gwxaquə'əlebene' ca Melquisedequən'.

HEBREOS 7:15

Bx̱oz c̱hecho Jeso'osən' naque' ca bx̱oz Melquisedequən'. Bito golɉe' lao dia c̱he de'e Lebin' na' bito naque' bx̱oz can' na ḻei de'en bzoɉ de'e Moisezən'. Naque' bx̱oz c̱hedə' bito gwzoi yeḻə' gotən' ḻe', na' zocze' zeɉḻicaṉe.

HEBREOS 7:17

Na' de'e nga nyoɉən can' gož Diozən' Jeso'osən' nan: Naco' bx̱oz beṉə' zo zeɉḻicaṉe na' naco' ca bx̱oz Melquisedequən'.

HEBREOS 7:21

Beṉə' ca' gwsa'aque' bx̱oz segon can' bzoɉ de'e Moisezən', Diozən' bito gože' ḻega'aque' can' gože' Jeso'osən'. Nyoɉən' can' gože'ene', nan: Diozən' bzo cuine' testigw gwne': “Naquəczo' bx̱ozən' c̱hedə' zoa' naca' Dioz. Na' bito gwša'a can' ni'anə'. Le' naco' bx̱oz ben' zo zeɉḻicaṉe. Naco' ca Melquisedequən'.”

HEBREOS 7:3

Bito nyoɉən šə no goquə de'e x̱axna' Melquisedequən' na' nique nyoɉən šə no goquə de'e x̱axta'ogüe'e, na' nic nyoɉən batə'əquə' golɉe' na' batə'əquə' gote'. De'e na'anə' ṉezecho cuiṉə' te yeḻə' naquə bx̱oz c̱he'enə' na' ḻeczə de'e na'anə' gwxaquə'əlebene' ca Xi'iṉ Diozən'.

HEBREOS 7:8

Na' beṉə' ca' gwsa'ac bx̱oz segon can' na ḻei de'en bzoɉ de'e Moisezən' gosə'əzi'e tcuen lao ši cuen cuantzə bi de'en gotə' c̱he beṉə' Izrael ca' yeḻa'. Bx̱oz ca' gwsa'aque' beṉac̱h na' gwsa'ate'. Pero Melquisedequən' ben' gwxi' tcuen lao ši cuen de'en botobə de'e Abraanṉə', cho'en dižə' c̱he' ca beṉə' ṉe'e zoczə.