HEBREOS 5:11 - Testament Cobə deʼen choeʼ dižəʼ c̱he ancho Jesocristənʼ

¹¹ Na' ṉe'e dech de'e zan de'en che'enda' əṉia' le'e c̱he de'en naquə Jeso'osən' bx̱oz c̱hechon', pero naquən zdebə əṉi'an par šeɉni'ilen, c̱hedə' bitoch chebeile gwzenagle c̱he Diozən'.

HEBREOS 5:11 ပူးပေါင်းရင်းမြစ်များ

SAN MATEO 13:15

Beṉə' Izrael quinga cuiczə bi rson chsa'aze', bac̱h nažɉoczə yic̱hɉla'ažda'oga'aque' na'anə'. Chse'enene' pero bito chse'eɉni'ine' bin' zeɉe de'en chse'enene'. Na' chesə'əle'ine' pero cabi chsa'acbe'ine' bi zeɉe de'en chəsə'əle'ine'enə' c̱hedə' bazɉənaque' beṉə' la'aždao' žod. Žalə' bito zɉənaque' beṉə' la'aždao' žod, gwse'eɉni'ine' bi zeɉen de'en chse'enene'enə', na' sa'acbe'ine' bi zeɉe de'en chesə'əle'ine'enə'. Gosyə'ədiṉɉlɉei xtoḻə'əga'aque'enə', na' gwso'elɉe' latɉə yocobə Diozən' yic̱hɉla'ažda'oga'aque'enə' žalə' chse'eɉni'ine'en na' žalə' chsa'acbe'ine'en.

SAN MARCOS 8:21

Nach gože' ḻega'aque': —¿Ebia'aczə bitoṉə' šeɉni'ile bi zeɉen de'en gwnia' le'e?

SAN LUCAS 24:25

Na' gož Jeso'osən' ḻega'aque': ―¡Prob le'e! Cui cheɉni'ile na' cui cheɉḻe'ele yoguə' de'en boso'ozoɉ profet ca'.

SAN JUAN 16:12

Ṉedech de'e zan de'e əṉia' le'e, pero zdebə naquən ṉa'a par šeɉni'ilen.

SAN JUAN 6:6

Jeso'osən' gwne' ca' parzə nic̱h ye' Lipən' nac chaquene' cheyaḻə' gonto', la' baṉezczene' naquən' gone'.

HECHOS 28:27

Cuiczə bi rson chazle. Bac̱h nažɉoczə yic̱hɉla'ažda'olen' na' bito chzenagle dižə' ḻin', bito chonḻe cas c̱hei, na' nic cheɉni'ilen, na' ni que chediṉɉele xtoḻə'əle ca'. Na' de'e na'anə' bito yebeɉa' le'e xni'a de'e malən'.

HEBREOS 5:10

Diozən' gwleɉe' ḻe' par naque' bx̱oz əblao c̱hecho na' gwxaquə'əlebene' ca bx̱oz Melquisedequən'.

HEBREOS 5:12

Bagoḻə' əgwsed əgwlo'ile beṉə' yeziquə'əchlə xtiže'enə', pero latɉe de'e gonḻe ca', chyažɉlele to beṉə' par əgwsed əgwlo'ine' le'e de'e yoblə ca de'en babsedle de'e nechən'. Na' laogüe de'en chyažɉele əgwsedəchle de'e ca', gwxaquə'əlebele ca bidao' ca' ṉe'e chsa'ažə', bi'i cuiṉə' gac sa'o.

2 PEDRO 3:16

Ḻeczə ca' yoguə' cart c̱he' ca' chso'en dižə' c̱he de'e ca' babzoɉa' le'e. Na' ḻe'e cart ca' de'en bzoɉ Pabən' zɉəlen de'en naquə zdebə šeɉni'icho. Na' baḻə beṉə' cuiṉə' se'eɉni'ine' bi zeɉe de'e ca' na' šayec̱hə šayen chsa'aque' len xtižə' Diozən'. Chse'eɉni'ine' clelə de'en bzoɉe'enə' can' chso'one' len bitə'ətezəchlə Xtižə' Diozən' de'en nyoɉən. Na' de'en chso'one' ca' yesə'əbiayi'e.