FILIPENSES 2:21 - Testament Cobə deʼen choeʼ dižəʼ c̱he ancho Jesocristənʼ

²¹ Beṉə' yeziquə'əchlə zɉəchi' yic̱hɉga'aque' bi de'en chse'enene' gaquə c̱hega'aque', na' bito zɉəchi' yic̱hɉga'aque' əye'elao' Cristo Jeso'osən'.

FILIPENSES 2:21 ပူးပေါင်းရင်းမြစ်များ

SAN MATEO 16:24

Gwde na' Jeso'osən' gože' disipl c̱he' ca': —Notə'ətezle šə che'enele gonḻilažə'əle nada' na' gwzenagle c̱hia' cheyaḻə' əchoɉ yic̱hɉle de'en chene'ele gon cuinḻe par nic̱h gonḻe con can' chene'e Diozən' na' bitobi gaquele c̱he de'en c̱hi' saquə'əle, ḻa'aṉə'əczə šə so'ot beṉə' le'e to ḻe'e yag coroz con gonḻilažə'əle nada'.

SAN LUCAS 14:26

―Notə'ətezle šə gaquəchele c̱he x̱ale, xna'ale, xo'olle, xi'iṉle, bišə'əle, zanḻe na' cuinḻe mazəchlə can' chaquele c̱hia', bito gaquə ṉaole nada' par gacle disipl c̱hia'.

HECHOS 13:13

Nach Pabən' len beṉə' ca' nžague'enə' besa'aque' Pafosən' gwso'e ḻo'o barcon' par besə'əžine' gan' nzi' Perge distrit c̱he Panfilia. Na' Juan ben' ḻeczə chse'e Marcos gwleɉyic̱hɉe' ḻega'aque' beyeɉe' Jerosalenṉə'.

HECHOS 15:38

Pero Pabən' bene' xbab bito naquən güen yesə'əc̱he'ene', c̱hedə' Juan Marcosən' gwleɉyic̱hɉe' ḻega'aque' Panfilian', bito bega'aṉlene' ḻega'aque' par so'one' xšin Diozən'.

1 CORINTOS 10:24

Ni tocho bito cheyaḻə' goncho bitə'ətezə de'en goncho šə naquən mal par lɉuežɉcho, ḻa'aṉə'əczə chaquecho naquən to de'e güen par chio'o.

1 CORINTOS 10:33

Ca'aczə nada' ža, bitə'ətezə de'en chona' əchyilɉəlaža'a naclən' chona'an par nic̱h gaquəlenən beṉə' yoblə. Choncha' xbab c̱he de'en gaquəlen beṉə' yeziquə'əchlə cle ca chona' xbab c̱he de'en gaquəlen nada', c̱hedə' che'enda' beṉə' zan yesyə'əchoɉ xni'a de'e malən'.

1 CORINTOS 13:5

Na' catə' chaquecho c̱he lɉuežɉ beṉac̱hcho, bito choncho nacze len ḻega'aque', bito choncho xbab c̱he cuinzcho, bito naccho beṉə' xtišɉw, na' bito naccho beṉə' ggo'olaže'e.

2 CORINTOS 1:5

Ḻechguaḻe chyi' chzaca'a can' gwdi' gwxaquə' Cristən', pero na' con zoczə Diozən' cheyonxenḻažə'əchgüe' nada' c̱hedə' chonḻilaža'a Cristən'.

FILIPENSES 2:4

Na' to tole ḻe'e yeyilɉlažə' naclə gonḻe par nic̱h gaquə güen c̱he lɉuežɉle caguə c̱he cuinzle.

2 TIMOTEO 1:15

Ṉezdo' de que Figelon' na' Ermogenesən' na' yezan beṉə' lɉuežɉcho ca' nitə' Asian' bagosə'əbeɉyic̱hɉe' nada'.

2 TIMOTEO 3:2

Ca tyemp na' ṉitə'əchgua beṉə' yesyə'əbeine' so'onchgüe' con can' na la'ažda'omalga'aque'enə', na' yesyə'əbeichgüeine' mech, na' so'elao' cuinga'aque', na' sa'alaže'e. Yoso'ožia yoso'onite'e beṉə' na' Diozən', na' bito yoso'ozenague' c̱he x̱axna'aga'aque'. Bito so'e yeḻə' chox̱cwlen c̱he Diozən' na' bito sa'ape'ene' respet.

2 TIMOTEO 4:10

Nia' ca' c̱hedə' Demasən' bagwleɉyic̱hɉe' nada' na' bazɉəyede' Tesalonican' de'en chi'ichgua yic̱hɉe' bin' gatə' c̱he' lao yežlyo nga. Na' ca naquə beṉə' ca' yeḻa' ža, Cresentən' bazde' Galasian', na' Titon' bazde' Dalmasian'.

2 TIMOTEO 4:16

Catə' boso'odie' nada' lao jostis ca' de'e nech, ni tozə cui no bidə par əṉe' fabor nada'. Yoguə' beṉə' ca' bena' xbab əṉe' fabor nada' gosə'əbeɉyic̱hɉe' nada'. Chona' orasyon lao Diozən' chṉaba' yezi'ixene' c̱hega'aque' de'en gosə'əbeɉyic̱hɉe' nada'.