FILIPENSES 2:19 - Testament Cobə deʼen choeʼ dižəʼ c̱he ancho Jesocristənʼ

¹⁹ Na' zoa' lez gon X̱ancho Jeso'osən' par nic̱h yob gaquə seḻa'a Temtion' gan' zolen' par yeyo'e rson nac chac c̱hele. Na' ḻechguaḻe yeyacxenḻaža'a catə' bagwṉezda' nac chac c̱hele.

FILIPENSES 2:19 ပူးပေါင်းရင်းမြစ်များ

SAN MATEO 12:21

Na' beṉə' zɉənaquə beṉə' Izrael len beṉə' cui zɉənaquə beṉə' Izrael yesə'əbeze' gaquəlene' ḻega'aque'.

HECHOS 16:1

Na' catə' Pabən' na' Silasən' besə'əžine' Derben' na' gosə'ədie' par besə'əžine' Listran'. Na' Listra na' zo to beṉə' chonḻilažə' Jesocristən' na' le' Temtio. Xna' Temtion' naque' beṉə' Izrael na' chonḻilaže'e Jesocristən', na' x̱e'enə' naque' beṉə' griego.

ROMANOS 15:12

Na' ḻeczə de'en bzoɉ de'e profet Isaiazən' nan: To beṉə' yidə ben' za' lao dia c̱he de'e Isain'. Ḻe' ṉabi'e yoguə'əḻoḻ beṉə'. Na' baḻə beṉə' ca' cui zɉənaquə beṉə' Izrael yesə'əbeze' gaquəlen be'enə' za'anə' ḻega'aque'.

ROMANOS 16:21

Temtio' ben' chonḻen nada' žin chguape' le'e diox. Na' ḻeczə ca' bišə' lɉuežɉa' quinga choso'oguape' le'e diox, Losion', Jasonṉə' na' Sosipaterən'.

1 CORINTOS 4:17

De'e na'anə' bseḻa'a Temtion' gan' zolenə'. Banona'ane' ca xi'iṉa' beṉə' chacda' c̱hei laogüe de'e bsed blo'ida'ane' par chonḻilaže'e X̱ancho Cristən'. Na' zoteze' chone' complir can' cheyaḻə' gone'. Na' Temtio na'anə' gone' par nic̱h əžɉsa'alažə'əle de'en babsed bablo'ida' le'e c̱he Cristən' ca de'en chsed chlo'ida' beṉə' ca' chəsə'ədopə chəsə'əžag chso'elaogüe'e Cristən' gatə'ətezə nite'e.

EFESIOS 1:13

Na' le'e ngodə'əle txen len Cristən', c̱hedə' ḻeczə bzenagle c̱he dižə' güen dižə' cobə de'en naquə de'e ḻi. Na' nan de que cui yeyeɉcho lao yi' gabiḻən' šə gonḻilažə'əcho Cristən'. Na' catə'ən benḻilažə'əle Cristən' bla' Spirit c̱he Diozən' zon ḻo'o yic̱hɉla'ažda'olen'. Zon len chio'o chonḻilažə'əchone' can' bene' lyebe par nic̱h ṉezecho bagwcue'e chio'o ca xi'iṉe'.

FILIPENSES 1:1

Nada' Pab chzoɉa' cart nga par le'e nitə'əle Filiposən' yoguə' le'e nacle lao na' Diozən' laogüe de'en ngodə'əle txen len Cristo Jeso'osən'. Na' ḻeczə chzoɉa'an par le'e naquə lao na'ale chgüia chyele yeziquə'əchlə beṉə' ca' chso'onḻilažə' Cristən' na' le'e nchoɉle nacle comisyon c̱he le'e chonḻilažə'əle Cristən' na'. Temtion' na' nada' chṉabto' sa'aclenšga X̱acho Diozən' na' X̱ancho Jesocristən' le'e na' so'one' ca so cuezle binḻo len xbab de'en yo'o ḻo'o yic̱hɉla'ažda'olen', neto' naquəto' beṉə' güen xšin Jesocristən'.

FILIPENSES 2:18

Ḻe'egatezə ca' ḻe'e yebei txen len nada'.

FILIPENSES 2:28

De'e na'anə' chosa'ane' yeyede' lgüegwzə par nic̱h ca' yebeile na' lencza' nada' cuitec soa' trist c̱he le'e šə ca'.

1 TESALONICENSES 3:5

Na' laogüe cuich chc̱heɉda' de'en cuichəṉə' le'i lɉuežɉcho, bseḻa'a Temtion' gan' zolenə' par nic̱h gwṉezda' šə zdaczle chonḻilažə'əle Cristən'. Go'onda' əṉezda' šə bagwzoi gwxiye'enə' bx̱oayaguən le'e. La' šə babx̱oayaguən le'e, bendadto' xšin Dioz na'anə' entr le'e šə ca'.

2 TESALONICENSES 1:3

Beṉə' bišə', neto' cheyaḻə' sotezə soto' güe'eto' yeḻə' chox̱cwlen c̱he Diozən' por le'e can' chonczəto'. Naquən güen chonto' ca' la' zda chonḻilažə'əchle Diozən' na' zdach chaquele c̱he lɉuežɉle.

2 TIMOTEO 1:12

Na' de'en chsed chlo'ida' xtiže'enə' de'e na'anə' chžaglaogua' nga. Pero bito cheto'ida' c̱he de'en chžaglaogua' dia' ližya nga, c̱hedə' nombi'a Diozən' ben' chonḻilaža'a. Baben cuina' lao ne'enə' na' ṉezda' de que nape' yeḻə' guac par gone' ca sotezə soa' gonḻilaža'ane' xte catə'əch əžin ža yidə Jesocristən' de'e yoblə.

SANTIAGO 4:15

Cheyaḻə' əṉacho: “Šə X̱ancho Diozən' güe'e latɉə əbancho na' goncho to de'e goncho.”

1 PEDRO 1:21

Na' de'en bosban Diozən' Cristən' ladɉo beṉə' guat ca' na' bnežɉue'ene' yeḻə' bala'aṉ xen, de'e na'anə' chonḻilažə'əcho Diozən' na' chebeicho ṉezecho gon Diozən' güen len chio'o.