APOCALIPSIS 17:11 - Testament Cobə deʼen choeʼ dižəʼ c̱he ancho Jesocristənʼ

¹¹ Na' bežən' bian' gwzo antslə na' bitoch zob ṉa'a zeɉen yeto rei beṉə' gaquə ca beṉə' ca' gažə. Gone' yoguə'əḻoḻ de'e mal ca de'en gwso'one'enə' na' ṉabi'e xte catə' gon Diozən' par nic̱h cuiayi'e zeɉḻicaṉe.

APOCALIPSIS 17:11 ပူးပေါင်းရင်းမြစ်များ

APOCALIPSIS 13:10

Beṉə' ca' choso'ozo beṉə' yoblə xni'aga'aque'enə' ca pres o ca esclabos, can' chso'one' ca' gac c̱hega'aque'. Na' beṉə' ca' chso'ot beṉə' len yes ya, ḻeczə can' sa'ate'. De'e na'anə' chonən byen sotezə so chio'o bagwleɉ Diozən' par naccho lažə' ne'enə' gonḻilažə'əchone' bitə'ətezə chac c̱hecho.

APOCALIPSIS 13:12

Na' bežən' bian' ble'ida' de'e neche bemb par nic̱h bež əgwchopen' gwnabia'ab lao ḻeb na' bnežɉob ḻeb doxen yeḻə' gwnabia' de'en gwdapəbən'. Nach bia əgwchopen' bemb par nic̱h beṉə' ca' ža' yežlyon' gwso'elaogüe'e bia nechən' bian' naquə güe' yic̱hɉeinə', güe' de'en goquə ca to de'e gatlemb.

APOCALIPSIS 13:3

Na' ble'ida' to yic̱hɉ bežən' naquəchguan güe', na' naquən ca to de'e gatlemb pero bito gotəb. Na' yoguə'əḻoḻ beṉə' besyə'əbanene' de'en beyaquebən' na' gwnitə'əcze' xni'abən'.

APOCALIPSIS 17:8

Bežən' bian' ble'ido'on gwzob to tyemp. Bitoch zob ṉa'a, pero güidəb de'e yoblə la' əchoɉəb ḻo'o yech gabiḻən' gan' yo'ob ṉa'a, na' ḻeczə na'an yeyo'ob gaquəb castigw zeɉḻicaṉe. Na' beṉə' ca' ža' yežlyon' beṉə' ca' cui zɉənyoɉ laga'aque'enə' ḻe'e ḻibr gan' nyoɉ la beṉə' ca' zɉənapə yeḻə' mban zeɉḻicaṉen', yesə'ənaogüe' bežən' na' yesyə'əbanene' can' gwzob antslə, na' ca'aczən' sob ṉabi'ab de'e yoblə ḻa'aṉə'əczə cui zob ṉa'a. Catə'ən cuiṉə' x̱e yežlyon' banyoɉ la beṉə' ca' zɉənapə yeḻə' mban zeɉḻicaṉe ḻe'e ḻibrən'.