2 CORINTOS 7:8 - Testament Cobə deʼen choeʼ dižəʼ c̱he ancho Jesocristənʼ

^8-9 Chacbe'ida' tristən' bzoa' le'e ca de'en gwnia' le'e ḻe'e cartən'. Gwdechlə beyeɉda' ca naquən' bzoa' le'e tristən', pero ṉa'a bitoch cheyeɉda' c̱hedə' šložzən' gwzole trist. Caguə chebeidan' bosgüi'inda' yic̱hɉla'ažda'olen'. Con chebeida' de que lao zole chegüi'inḻažə'əle ḻo'o yic̱hɉla'ažda'olenə' bediṉɉele de'e mal c̱hele de'en benḻe. Na' chebei Diozən' de que bediṉɉelen. Can' naquən bitobi de'e mal benən len le'e de'en bzoɉa' le'e cartən', sino goclenən le'e.

2 CORINTOS 7:8 ပူးပေါင်းရင်းမြစ်များ

SAN JUAN 16:6

Na' de'en bagwnia' le'e de'e ca' bachacchgüeile ḻo'o la'ažda'olen'.

SAN JUAN 21:17

De'e əgwyoṉ lase gože'ene': ―Simon xi'iṉ Jonas, ¿əchacdo' c̱hia'? Na' Bedən' gocchgüeine' de'e gože'ene' de'e gwyoṉ lase: “¿Echacdo' c̱hia'?” Na' gože' ḻe': ―X̱ana' le' ṉeze nḻe'ido' yoguə'əḻoḻ. Le' ṉezdo' de que chacda' c̱hio'. Jeso'osən' gože' ḻe': ―Bsed blo'i beṉə' ca' chso'onḻilažə' nada'.

2 CORINTOS 7:11

Chebei Diozən' can' bediṉɉele xtoḻə'əlen' catə'ən gwzole trist. Na' de'en gwzole trist, ḻechguaḻe gone'ele benḻe can' chene'e Diozən' gonḻe, na' ḻechguaḻe gone'ele ṉezda' de que bito benḻe txen len ben' ben de'e malən', na' bža'ale por ni c̱he de'e malən' ben be'enə', na' bžeble chaquele šə yida' yedeyena' le'e castigw. Ḻechguaḻe gone'ele gonḻe ca yebeida'. Ḻechguaḻe gwche' yic̱hɉle gonḻe can' na Diozən'. Na' ḻeczə de'en gwzole trist benən par nic̱h bnežɉwle castigw c̱he ben' ben de'e malən'. Na' lao yoguə'əḻoḻ de'e quinga bagoc, naquən clar de que bitoch bi xtoḻə'əle de.

2 CORINTOS 7:12

Bito bzoɉa' le'e parzə nic̱h ben' ben de'e malən' si'e castigw, nique ṉacho parzə nic̱h ben' goquə de'e mal c̱hei yeyacxenḻaže'e. Ḻeczə bzoɉa' le'e par nic̱h lao Diozən' gocbe'ile de que ṉe'e chaquele c̱hia' na' ṉe'e chene'ele gonḻe can' nia'anə'.

2 CORINTOS 7:6

Pero Diozən' syempr cheyonxenḻaže'e beṉə' nitə' trist. Ḻe' beyonxenḻaže'e nada' de'en bela' Titonə'.

2 CORINTOS 7:7

Beyacxenḻaža'a caguə de'en bele'e na'azən' sino por ni c̱he rson de'en zeno'enə' de que bebeichgüeine' can' chonḻe. Be'e dižə' de que zelažə'əchguale yida' de'e yoblə delaṉa'a le'e. Na' ḻeczə ne' de que chegüi'inchgüeile ḻo'o yic̱hɉla'ažda'olen' ca naquə de'e mal de'en benḻen' na' chi' yic̱hɉle gonḻe can' gwnia' le'e. Na' bebeichgüeida' de'en bele'enə' pero mazəchlə bebeida' dižə' de'en be'e c̱hele.

APOCALIPSIS 3:19

Notə'ətezə beṉə' chacda' c̱hei cho'ane' consejw na' chona'ane' castigw catə' chone' de'e mal. De'e na'anə' ḻe'e cuec yic̱hɉle par yediṉɉele xtoḻə'əle ca'.