2 CORINTOS 7:12 - Testament Cobə deʼen choeʼ dižəʼ c̱he ancho Jesocristənʼ

¹² Bito bzoɉa' le'e parzə nic̱h ben' ben de'e malən' si'e castigw, nique ṉacho parzə nic̱h ben' goquə de'e mal c̱hei yeyacxenḻaže'e. Ḻeczə bzoɉa' le'e par nic̱h lao Diozən' gocbe'ile de que ṉe'e chaquele c̱hia' na' ṉe'e chene'ele gonḻe can' nia'anə'.

2 CORINTOS 7:12 ပူးပေါင်းရင်းမြစ်များ

2 CORINTOS 11:11

Caguə de'en cui chacda' c̱helen' cui gonczəda' le'e zed gonḻe nada' mantenerən'. Diozən' ṉezene' chacda' c̱hele.

2 CORINTOS 11:28

Na' de'e zanch de'e chyi' chzaca'a de'en cui cho'a dižə' c̱hei. Pero mazəchlə chyi' chzaca'a, de'en chi'ichgua' yic̱hɉa' yoguə' ža nac chac c̱he le'e chdopə chžagle cho'ela'ole Cristən' to to yež.

2 CORINTOS 2:17

Nitə' beṉə' zan choso'ox̱oayague' chəsə'əše'e can' na xtižə' Diozən' parzə nic̱h beṉə' ca' choso'opeine' len xtižə'əga'aque'enə' choso'onežɉue' ḻega'aque' mech. Nada' bito chona' ca'. Do laža'a zotezəcza' chyix̱ɉui'a xtižə' Diozən' c̱hedə' ḻe'enə' bene' mendad chyix̱ɉui'an. Diozən' ṉeze nḻe'ine' naquən' chona' chyix̱ɉui'a xtiže'enə', nada' ngoda'a txen len Cristən'.

2 CORINTOS 2:9

Bzoɉa' le'e par əṉezda' šə gwzenagle c̱hia' ca naquə yoguə'əḻoḻ de'en gwnia' gonḻe.

2 CORINTOS 7:8

Chacbe'ida' tristən' bzoa' le'e ca de'en gwnia' le'e ḻe'e cartən'. Gwdechlə beyeɉda' ca naquən' bzoa' le'e tristən', pero ṉa'a bitoch cheyeɉda' c̱hedə' šložzən' gwzole trist. Caguə chebeidan' bosgüi'inda' yic̱hɉla'ažda'olen'. Con chebeida' de que lao zole chegüi'inḻažə'əle ḻo'o yic̱hɉla'ažda'olenə' bediṉɉele de'e mal c̱hele de'en benḻe. Na' chebei Diozən' de que bediṉɉelen. Can' naquən bitobi de'e mal benən len le'e de'en bzoɉa' le'e cartən', sino goclenən le'e.

1 TIMOTEO 3:5

La' šə to beṉə' bito chac ṉabi'e famiḻy c̱he'enə' binḻo, bito ṉezene' nac gone' par əggüia əgwye' beṉə' ca' bagwleɉ Diozən' par chesə'ədopə chesə'əžague' chso'elaogüe'e Jesocristən'.