1 CORINTOS 7:29 - Testament Cobə deʼen choeʼ dižəʼ c̱he ancho Jesocristənʼ

²⁹ Beṉə' bišə', che'enda' nia' le'e de que bito socho zan iz par goncho xšin Diozən'. De'e na'anə' šə nitə' xo'olle, cheyaḻə' gwzenagle c̱he Diozən' na' gonczle xšine'enə' can' gonḻen žalə' cui no xo'olle zo.

1 CORINTOS 7:29 ပူးပေါင်းရင်းမြစ်များ

SAN LUCAS 14:20

Na' yetoe' gože'ene': “Ze'e bšagna'a. De'e na'anə' bito gaquə yida'.”

1 CORINTOS 7:28

Pero na' notə'ətezle bito gaple doḻə' šə əgwšagna'ale, na' ni le'e no'ol güego' bito gaple doḻə' šə əgwšagna'ale. Pero de'en gac c̱hele de'e zan de'e c̱hi' saquə'əle lao yežlyo ngan', ḻenṉə' cui che'enda' gac c̱hele ənia' ca'.

1 CORINTOS 7:30

Na' šə chegüine'echo por ni c̱he bi de'en chac c̱hecho, cheyaḻə' soczcho goncho xšin Diozən' caczə chon beṉə' cui bi bi chac c̱hei. Na' šə de de'en cheba chezaquə'əlažə'əcho, cheyaḻə' gonczcho xšin Diozən' can' goncho žalə' cui chac to de'e güen c̱hecho de'en goncho xbab c̱hei. Na' šə bagwxi'icho to de'e gwc̱hincho, bito cheyaḻə' gonteccho xbab c̱hei sino cheyaḻə' gonczcho xšin Diozən' can' goncho žalə' cui gwxi'ichon.

1 CORINTOS 7:31

Ca naquə zocho yežlyo nga na' chc̱hincho bi de'e ca' de'en de yežlyo nga, bito cheyaḻə' cue'echgua yic̱hɉcho c̱he bi de'en deicho o bi de'en chac c̱hecho c̱hedə' de'e te c̱hei yežlyo nga chle'icho ṉa'a.

1 PEDRO 1:24

Xtižə' Diozən' nyoɉən, nan: Chio'o beṉac̱h gwxaquə'əlebecho ca yix̱ə' de'en chla'ac do yoba, c̱hedə' šložgan' zocho. Na' yoguə' de'en de yežlyo nga de'en chebeicho gwxaquə'əleben ca loɉei ca', c̱hedə' te c̱hega'aquən'. Can' chac len yix̱ə' ca', chesə'əbižən nach chesə'əyiṉɉ loɉei ca', ca'atezəczən' chac len chio'o na' len de'e ca' zɉəde yežlyo nga.

1 PEDRO 4:7

Bazon baozə šo'o fin c̱he yežlyon', na' de'e na'anə' to tocho cheyaḻə' socho len tozə xbab na' ṉabia' cuincho par goncho can' chazlažə' Diozən'. Cheyaḻə' goncho ca' par nic̱h güe'elažə'əcho goncho orasyonṉə'.

1 JUAN 2:17

De'e te c̱hei yežlyo nga na' ḻeczə de'e te c̱hei de'e ca' chəsə'əzelažə' beṉə' ca' cui zɉənombia' Diozən'. Pero šə choncho can' chene'e Diozən' nachən' socho zeɉḻicaṉe.