1 CORINTOS 15:57 - Testament Cobə deʼen choeʼ dižəʼ c̱he ancho Jesocristənʼ

⁵⁷ Chox̱cwlen Diozən' bseḻe'e X̱ancho Jesocristən' ben' chon par nic̱h cuich chzoi de'e malən' chio'o, na' ḻe'enə' babene' par nic̱h chio'o chonḻilažə'əchone' šə gatcho ḻeczə əžin ža yebancho ladɉo beṉə' guat ca'.

1 CORINTOS 15:57 ပူးပေါင်းရင်းမြစ်များ

SAN JUAN 16:33

Bagwnia' le'e ca' par nic̱h so cuezle binḻo len xbab de'e yo'o ḻo'o yic̱hɉla'ažda'olen' laogüe de'en chonḻilažə'əle nada'. Yežlyo nga c̱hi' saquə'əle, pero bito žeble, nada' babena' par nic̱h gwxiye'enə' cuich ṉabia'an le'e.

HECHOS 27:35

Na' beyož gwne' ca' bex̱e'e to yetxtilən' na' be'e yeḻə' chox̱cwlen c̱he Diozən' lao yoguə'əḻoḻ neto' ža'ato' ḻo'o barcon' nach gwxi'e to pedasən gwzolaogüe' chaogüe'en.

ROMANOS 8:37

Pero catə'ən za'ac bi de'e mal gac c̱hecho, bito chac c̱hop lažə'əcho, sino chebeichgüeicho la' ṉezecho zoczə Cristən' chaquene' c̱hechon'.

1 CORINTOS 15:51

Ṉa'a əchnia' le'e de'en cui noṉə' ṉeze antslə, caguə yoguə'əchon' gatcho, pero yoguə'əchon' yeža' can' gacchon'.

2 CORINTOS 1:11

Yosle' nada' c̱hedə' lenczə le'e chaclenḻe nada' chonḻe orasyonṉə' laogüe'enə' chṉabelene' yosle' nada'. Na' beṉə' zan naccho choncho orasyon lao Diozən' par nic̱h gaquəlene' nada'. Na' te gaquəlene' nada', yoguə'əḻoḻcho güe'echo yeḻə' chox̱cwlen c̱he Diozən' de'en bagoclene' nada'.

2 CORINTOS 2:14

Chox̱cwlen Diozən' babebeɉ Cristən' chio'o xni'a de'e malən' par nic̱h chnabi'e chio'o, na' ṉa'a ngodə'əcho txen len ḻe'. Na' ḻeczə chon Diozən' par nic̱h gatə'ətezə zocho na' gatə'ətezə cheɉcho choncho ca chsa'acbe'i beṉə' ca beṉə' güenṉə' naquə Cristən'.

2 CORINTOS 9:15

Chox̱cwlen Diozən' ca naquə goclen xen de'en bene' len chio'o beṉac̱h catə'ən bseḻe'e Xi'iṉe'enə' por ni c̱hecho. Bito de dižə' de'e güe'echo catec zaquə'ən de'en bseḻe'ene'.

EFESIOS 5:20

Cheyaḻə' güe'echo yeḻə' chox̱cwlen c̱he X̱acho Diozən' zeɉḻi bitə'ətezə de'e chac c̱hecho na' lao yoguə'əḻoḻ de'en babeṉe' chio'o, c̱hedə' la' chonḻilažə'əcho X̱ancho Jesocristən'.

HEBREOS 2:14

Na' chio'o naccho beṉə' belə' chen, chio'onə' naccho xi'iṉe'. De'e na'anə' ḻeczə ḻe' golɉe' goque' beṉə' belə' chen na' bsanḻažə' cuine' gwso'ot beṉə' ḻe' par nic̱h bṉitlaogüe' yeḻə' gwnabia' c̱he gwxiye'en de'en chon par nic̱h chatcho.

APOCALIPSIS 12:11

Beṉə' bišə'əcho ca' beṉə' ca' bagwsa'at, gosə'əzoine' cui boso'ozenague' c̱he gwxiye'enə' lao gosə'ənite'e c̱hedə' gwso'onḻilaže'e Jesocristən' ben' blalɉ xc̱hene'enə' por ni c̱hecho. Na' ḻeczə gosə'əzoine'en c̱hedə' gwso'e dižə' de que chso'onḻilaže'e Jesocristən'. Gwsa'acbe'ine' yeɉni'a sa'ate' cle ca yesə'əbeɉyic̱hɉe' Jesocristən' ben' gwxaquə'əlebe ca xilə' dao' ca' gwso'ot beṉə' Izrael ca' par gwnitlao xtoḻə'əga'aque'enə'.

APOCALIPSIS 21:4

Na' Diozən' gone' par nic̱h cuich ṉite'e trist, notoch no gat, na' notoch no no yegüine'e, ni que gaquə bi de'en yesə'əžaglaogüe' o bi de'en gon par yesə'əbeže'. Bagwde c̱he yoguə' de'e ca' zɉənac ca' de'en gotə' lao yežlyo nechən'.