1 CORINTOS 15:28 - Testament Cobə deʼen choeʼ dižəʼ c̱he ancho Jesocristənʼ

²⁸ Na' catə' Cristən' bagwlo'e lao na' X̱e' Diozən' yoguə'əte beṉə' na' len yeziquə'əchlə de'e zɉəde, cana'ach əgwlo'e de que ḻeczə ḻe' yo'e lao na' X̱e' Diozən'. Nach yoguə'əḻoḻ beṉə' əsa'acbe'ine' de que Diozən' naque' x̱anga'aque', na' ḻeczə ca' sa'acbe'i angl na' de'e x̱io' ca'.

1 CORINTOS 15:28 ပူးပေါင်းရင်းမြစ်များ

SAN JUAN 14:28

Babenele can' bagwnia' de que yeya'a gan' zo X̱a'anə', na' de que yida' de'e yoblə gan' zolen'. Žalə' chaquele c̱hia' can' cheyaḻə'ənə', gobeile de'en yeya'a, c̱hedə' X̱a'anə' zaquə'əche' ca nada'.

1 CORINTOS 11:3

Na' che'enda' əṉezele de que notə'ətezə beṉə' byo cheyaḻə' əgwzex̱ɉw yic̱hɉe' par nic̱h Cristən' ṉabi'ene'. Na' no'ol ca' cheyaḻə' yesə'əzex̱ɉw yic̱hɉga'aque' par nic̱h be'en c̱hega'aque' ca' yesə'ənabi'e ḻega'aque', can' chon Cristən' chzex̱ɉw yic̱hɉe' par nic̱h Diozən' chnabi'ene'.

1 CORINTOS 12:6

Ḻeczə tozə Dioz nan' zo ḻa'aṉə'əczə nža' nža' can' chone' len to tocho par nic̱h choncho xšine'enə'.

1 CORINTOS 15:29

Nitə' beṉə' chəsə'əchoe' nis de'e non c̱he beṉə' ca' bagwsa'at. Bito so'one' ca' žalə' cui chse'eɉḻe'e de que gwžin ža yesyə'əban beṉə' guat ca'.

1 CORINTOS 3:23

Na' laogüe de'en cho'ela'ocho Cristən' ngodə'əcho txen len ḻe' can' ngode'e txen len X̱e' Diozən'.

FILIPENSES 3:21

Na' catə'ən yide'enə' gone' par nic̱h cuerp c̱hecho de belə' chenṉə' yeyaquən to cuerp cobə de'en gaquə ḻechguaḻe güen can' naquə cuerp c̱he ḻe'enə'. Gone' ca' c̱hedə' nape' yeḻə' guac par nic̱h bitə'ətezə de'e zɉəde yoso'ozenaguən c̱he'.

COLOSENSES 3:11

Bitobi nonən par len Diozən' šə naccho beṉə' Izrael o šə cui naccho beṉə' Izrael. Bitobi nonən par ḻe' šə zocho señy de'en ne' sirconsision o šə cui zochon. Na' ḻeczə bitobi nonən par ḻe' šə naccho beṉə' zitə' ḻa'aṉə'əczə šə za'acho yež de'e ḻechguaḻe ṉe'e naquə serrado. Na' ḻe'egatezə ca' bitobi nonən par ḻe' šə naccho esclabos o šə cui naccho esclabos. De'en naquə de'e žialao xen, gonḻilažə'əcho Cristən'. Na' notə'ətezə naccho šə bachonḻilažə'əchone' ngodə'əcho txen len ḻe'.