GALATAS 3:11 - Zapotec Isthmus

¹¹ Rihuinni dxichi qué zaxá stonda binni nezalú Dios tisi guni ni na ley. Purti sicarí cá lu Xqui'chi Dios: “Ni ma bixá stonda ra bini cre la? zabani.”

GALATAS 3:11 ပူးပေါင်းရင်းမြစ်များ

ROMANOS 1:17

Rusiene ni laanu ruxhá Dios stonda nu ra guni cre nu, ne gasti ru sti modo. Casi cá lu Xqui'chi Dios, ra na: “Ni ma bixá stonda ra bini cre la? zabani.”

GALATAS 2:16

Peru ra beda ganna du iruti zuxhá Dios stonda purti si guni ni na ley sínuque ra guni cre Jesucristu la? laadu laca bini cre du para bixá stonda du. Peru bixá ni purti bi'ni cre du laabe ne cadi purti runi du ni na ley. Iruti qué zaxá stonda pur guni ni na ley.

HEBREOS 10:38

Zabani cani ma bia ladxidó' purti runi cre ca'. Peru ni ibigueta atrá la? ma qué zieche nia dia' laaca', na Señor.

SANTIAGO 1:27

Ndi nga ni na Dios Bixhoze nu: Pa dxandí racala'dxi nu guni nu ni na, acané nu ca bizabi ne ca viuda ni cadi'di ra nagana, ne ibani nu jneza, ma cadi casi nabani ca binni ni qué rulabi Dios.

SANTIAGO 3:2

Irá nu ruché' nu. Peru pa nuu tuuxa qué riuu ora iní' ni cadi jneza la? laa huaxa ma biziidi guni ni na Dios, ne ma zanda ucueeza laca laa de guni intiica ni cadi jneza.

APOCALIPSIS 5:9

Cayuunda ca ti cantu cubi. Sicarí na ni: Lii risaca lu bia' para icaa lu gui'chi ca ne indadi lu ca sellu stini. Purti guti lu ne uzí' neu laadu rini stiu' para Dios, irá du ni za du de irá ladu, de irá guidxi ne de irá idioma ni riní' binni.