EFESIOS 3:21 - Zapotec Isthmus

²¹ Qué chu' dxi guiaana dxí binni de usisaca laabe pur enda nandxó' stibe ni bihuinni luguiá ca xpinni be ra bilá Cristu laaca'. Amén.

EFESIOS 3:21 ပူးပေါင်းရင်းမြစ်များ

Mateo 6:13

Ne cadi udiiu lugar cuba yu binidxaba laadu, sínuque bilá laadu de lu ná be. Purti lii nga jma nandxó' lo' ne jma risaca lu que irá xixé, ne qué ziuu dxi guiaana dxí lu de guni mandar lu'. Amén.

Lucas 2:14

Diuxquixe Dios ni nuu ibá', ne ndaani guidxilayú gata dxí ladxidó' cani guni ni na be.

ROMANOS 11:36

Purti irá xixé zeeda de laabe, ne pur laabe nuu irá ni, ne para laabe. Ne qué ziuu dxi guiaana dxí de isaca be. Amén.

ROMANOS 16:27

Tobi lucha Dios nga riene chaahui irá cosa, ne qué ziuu dxi guiaana dxí de usisaca cabe laa pur Jesucristu. Amén.

GALATAS 1:5

Qué chu' dxi guiaana dxí de isaca be. Amén.

EFESIOS 1:6

Nga runi cadi guiaana dxí nu de usisaca nu laabe pur modo guca be nacha'hui ne laanu, ne pur irá ni bidii be laanu ra uca né nu Xiiñi be ni nadxii be tobi si.

EFESIOS 2:7

Ne bi'ni be ni zacá para usihuinni be stobi dxi pabiá' nadxii be laanu ne pabiá' nacha'hui be ne laanu ra ma naca né nu Cristu Jesús tobi si.

EFESIOS 4:1

Yeguayuaa purti rune xhiiña Señor. Yáquexa ma ulí Dios laatu para gaca tu xpinni la? rinaba laatu sa tu jneza.

FILIPENSES 1:11

Ne zacané Jesucristu laatu ganda iquiiñe xpida tu para udxiiba cabe ne usisaca cabe Dios ra gu'ya cabe pabiá' jneza nabani tu.

FILIPENSES 2:11

ne iní' ca nezalú irá': “Jesucristu nga Señor”, ne zacá usisaca ca Dios Bixhoze be.

FILIPENSES 4:20

Laabe nga Dios stinu, ne qué ziuu dxi guiaana dxí de isaca be. Amén.

2 TIMOTEO 4:18

Ne nanna zulá Señor naa de irá ni nadxaba', ne zapa chaahui naa dede idxiña dxi chiné naa ibá' ra runi mandar. Qué chu' dxi guiaana dxí nu de usisaca nu laabe. Amén.

HEBREOS 13:21

Yanna rinaba lu Dios, ni riguixhe dxí ladxidó' binni, udii laatu irá ni naquiiñe tu para ganda guni tu ni na, ti irá nu aca nu modo racala'dxi aca nu. Ne zanda aca ni purti ma runi cre nu Jesucristu. Cadi guiaana dxí nu de usisaca nu laabe. Amén.

1 PEDRO 2:5

Laatu laca zeda gaca tu guie ni nabani. Nga runi laudii lugar iquiiñe Dios laatu ra ucuí xhiu'du ni qué rihuinni. Chiqué bisiga'de ca sacerdote dendxu Dios. Yanna ma racala'dxi be iquiiñe be laatu casi sacerdote stibe para usiga'de tu laabe ni riale ndaani ladxidó' to. Nga huaxa ziula'dxi be icaa be, ne zanda guni tu ni purti runi cre tu Jesucristu.

1 PEDRO 5:11

Laabe qué ziuu dxi guiaana dxí be de isaca be ne guni mandar be. Amén.

2 PEDRO 3:18

Sínuque lauyubi gunibiá' chaahui tu Señor Jesucristu ni bilá laanu, ne laca lauyubi gaca tu nacha'hui casi laabe. Laabe jma risaca be lade irá xixé, ne qué ziuu dxi guiaana dxí be de isaca be. Amen.