APOCALIPSIS 11:15 - Zapotec Isthmus

¹⁵ Oraque biiya bixhidxi ra izaa gadxe ángel que trompeta ucuá stale ridxi ibá', na: Ma bidxiña dxi guiaana irá xixé ni runi mandar ladxi ná Dios ne Cristu sti', ne qué ziaana dxí de guni mandar.

APOCALIPSIS 11:15 ပူးပေါင်းရင်းမြစ်များ

Mateo 24:31

Oraque zaxidxi trompeta reciu ne zuseenda be ca ángel stibe gueda topa irá ni ma ulí be de idubi naca guidxilayú.

Mateo 6:13

Ne cadi udiiu lugar cuba yu binidxaba laadu, sínuque bilá laadu de lu ná be. Purti lii nga jma nandxó' lo' ne jma risaca lu que irá xixé, ne qué ziuu dxi guiaana dxí lu de guni mandar lu'. Amén.

Lucas 1:33

Zaca be rey sti irá cani za de Israel, ne qué ziuu dxi guiasa be. Qué ziuu dxi guiaana dxí be de guni mandar be.

Lucas 15:10

Zacaca nga rabe laatu. Nabé rieche ca ángel sti Dios ora gueda naba tobi ni cuchee perdón Dios.

Lucas 15:6

Nindá né be laame ralidxi be, nibidxi be ca xhamigu be ne ca xpecinu be, ñabi be laaca': “Latá', guieche né tu naa, purti bidxela dendxu stinne ni biniti.”

Hechos 4:26

Uyuu ca rey de guidxilayú tobi si, laaca ne ca xaíque sti ca guidxi, para bicaa lú ca Dios ne Cristu ni ulí be.

HEBREOS 1:8

Peru ra riete Xiiñi Dios la? na ni bicaa salmo que rabi laabe: Lii nga Dios, ne qué ziuu dxi guiaana dxí de guni mandar lu', ne zuni mandar lu jneza.

APOCALIPSIS 10:7

ma chi aca ni gudxi Dios ca profeta aca', ucaa si ra izaa gadxe ángel que trompeta. Oraque zuluí' Dios binni ni qué nihuinni chiqué.

APOCALIPSIS 12:10

Oraque bina dia'ga ucuá ti ridxi de ibá': ―Ma bidxiña dxi ulá Dios stitu laanu. Ma chi usihuinni enda nandxó' sti', chi guni mandar, laa ne Cristu sti'. Purti ma uladxi be ni uluu xqueja ca hermanu stinu, dxa ni uluu xqueja ca nezalú be ridxí ne huaxhinni que.

APOCALIPSIS 15:4

Tuu nga qué idxibi lii ne usisaca lii ya', Señor, purti iruti ru casi lii. Ne zeda uzuxibi irá binni xa ñee lu' purti ma bihuinni jneza ni runi lu'.

APOCALIPSIS 16:17

Ra izaa gadxe ángel que bindaate copa sti lu bi, ne ucuá ti ridxi de lu trono ni nuu ndaani yu'du ro' ibá', na ni: ―Ma biluxe irá ni.

APOCALIPSIS 17:14

Zucaa lú ca Dendxu huiini que peru zaguixhe dxí laaca', purti laa nga Xaíque sti irá rey ne irá ni runi mandar. Ne cani nuu né laabe la? guridxi Dios laaca ne ulí laaca para aca ca xpinni be ne qué zusaana ca laabe.

APOCALIPSIS 19:1

Udi'di si irá nga, bina dia'ga cacá ridxi ibá', casi ora cucaa stale binni ridxi, na ca': ¡Aleluya! Usisaca nu Dios stinu purti nandxó' ne bilá laanu.

APOCALIPSIS 19:6

Laca bina dia'ga ti ridxi casi ora rucaa ridxi stale binni, ne casi ora rixidxi ra zidi'di stale nisa ne casi rixidxi rayu ro', na: Usisaca nu Señor Dios stinu ni jma nandxó', purti ma bizulú cayuni mandar.

APOCALIPSIS 20:4

De raqué biiya caadxi trono zuba cani ma gudixhe Dios cu' bia' stonda binni. Laca biiya xhialma cani bigá cabe yanni purti canayuí' xpinni Jesús laa, ne canayuí' stiidxa Dios, ne qué nuzuxibi ca xa ñee dxa mani ngola que ne xpidó', ne qué nudii ca lugar nicá seña stime lucuá ca' nin lu ná ca'. Biiya bibani cabe ne bini mandar né cabe Cristu ti mil iza.

APOCALIPSIS 8:12

Ra bixhidxi raidapa ángel que trompeta ucaná tindaa gubidxa ne tindaa beeu ne caadxi luceru. Ne biaana tindaa dxi ne tindaa gueela sin biaani'.

APOCALIPSIS 9:1

Ra bixhidxi ra izaa gaayu ángel que trompeta biiya biree ti luceru de ibá' biaba guidxilayú ne bidii cabe laa llave sti ti bizé ro' ni qué gapa ra iluxe.

APOCALIPSIS 9:13

Ra bixhidxi ra izaa xhoopa ángel que trompeta bina dia'ga ucuá ti ridxi lade idapa cachu sti altar de oro ni zuhuaa nezalú Dios que.