1 PEDRO 2:8 - Zapotec Isthmus

⁸ Laca cá ni sicarí': Zaca be casi ti guie ni irenda ñee cabe para guiaba cabe, purti qué rulabi cabe stiidxa be, ne maca nexhe guiaba cani runi zacá.

1 PEDRO 2:8 ပူးပေါင်းရင်းမြစ်များ

Lucas 2:34

Oraque uluu Simeón ndaaya laacabe ne na rabi María jñaa Jesús: ―Pur ni zeda guni badu huiini ri' ziaba stale binni Israel, ne zaqueca pur laabe ziasa stale de laaca'. Zeda uluí' be binni xii nga racala'dxi Dios peru stale tu qué zaná ulabi laabe.

ROMANOS 9:22

Nga runi, xi gabi nu de Dios ya'. Purti laa gucala'dxi nusaba ná cani cuchiichi laa, cani ma nuu para initilú, ne gucala'dxi ñanna ca xii nga enda nandxó' sti'. Peru ni bi'ni be la? bicueeza be enda ridxiichi que xadxí.

1 CORINTIOS 1:23

Peru laadu la? rui né du binni guti Cristu lu cruz para ilá nu. Dxandí ruchenda ni ca judíu, ne napa cani cadi judíu ni de enda huati.

2 CORINTIOS 2:16

Para cani cananiti la? naca nu casi ti xho' ni rusietenala'dxi laaca de enda guti ni cabeza laaca'. Peru para cani ilá la? naca nu casi ti xho' naxhi sti enda nabani ni udii Dios laaca'. Tuu ndi ñanda ñuni irá nga.

GALATAS 5:11

Hermanu ca', pa ñaca canausiide naquiiñe gaca circuncidar binni la? ma qué nizabi nanda cabe naa, casi runi cabe ora rue nia laacabe naquiiñe guni cre cabe guti Cristu lu cruz para ilá cabe.

1 TESALONICENSES 5:9

Purti cadi gudixhe Dios laanu para guiaba ná nu, sínuque para ganda ilá nu pur Jesucristu Señor stinu.

1 PEDRO 2:6

Cá lu Xqui'chi Dios ra na: Caguixhe Cristu ndaani guidxi Sion casi ti guie para inaaze dxiichi yu'du stinne', ne yu'du ca nga ca xpinne'. Laabe nga ni ulié ni jma risaca. Tu guni cre laabe la? qué ziuu dxi gueeda malaya laa.

1 PEDRO 2:7

Risaca be para laatu, cani runi cre laabe. Peru para cani qué runi cre la? zeda gaca be casi ni cá lu Xqui'chi Dios: Guie ni bisa'bi cani cucuí yoo que, guie que pe naaze yoo que yanna.

2 PEDRO 2:3

Nisi bidxichi ricá ique cabe, nga runi zaguite cabe laatu ne zusiidi cabe laatu intiica ni cadi dxandí para si gaxha cabe stitu. Peru dede ma xadxí maca bidxiiba Dios donda ique cabe, ne qué zalá cabe de lu ná'.

JUDAS 1:4

Purti sin ganna nu ma biuu caadxi ni qué runi cre Dios lade nu. Ricaa cabe enda nacha'hui sti Dios para guni cabe ni na ique cabe. Ne zacá qué rusihuinni cabe pa Dios nga tobi lucha xaíque sti irá binni, laa ne Jesucristu Señor stinu. Dede chiqué maca cá lu Xqui'chi Dios xi enda naná gueda iluxe né cabe.