Zaji 1:22 - Yaouré

²² Te 'ka 'fli sɛɛ wʋ 'nan ka ya Bali wei mannan dɩ! 'Pian -te kaa 'man bɛ, 'ka 'ta wʋla "da!

Zaji 1:22 ပူးပေါင်းရင်းမြစ်များ

Matie 12:50

Fɛ nɛn an 'wɩ zɩɛ -a 'vɩ bɛ, -yɛɛ cɩ 'nan min nɛn yaan "tɩ "nɛn laji bɛ -a ci 'sɔ wɩ dra bɛ, -yɛɛ cɩ 'an "bʋ "a, ɛn -yɛɛ cɩ 'an "blu -a, ɛn -yɛɛ cɩ 'an "bʋɩ -a.»

Matie 28:20

Ɛn 'wɩ pɛɛnɔn nɛn maan paa 'ka 'ji bɛ, 'ka "paa o ji, -e 'o 'ta wʋla "da "le "wɛan. Ɛn -a -cin 'e 'kɔn 'ka 'ji 'nan, an -fo 'ka 'va yi pɛɛnɔn man 'li 'trilii, -e 'trɛ 'nyan tʋ 'e bɔ.»

Zozi Crizi -le 'wɩ 'nɔnnɔn nɛn Luk -a crɛn -tɛ 11:28

'Pian Zozi "e 'nan -yrɛ 'nan: «Min nɛn e Bali wei maan te e 'ta wʋla "da "bɛ, -a san man nɛn Bali -le -fɛa cɩ.»

Zozi Crizi -le 'wɩ 'nɔnnɔn nɛn Zan -a crɛn -tɛ 13:17

'Wɩnun zɩɛ kaa -tɔa 'siɛn. -Te ka 'ta 'wʋla "da "bɛ, Bali -le -fɛa a 'ka man.

Rɔmɛn 2:13

Kɔɔ Bali 'ka min siala min tɩglɩ 'a 'nan 'e "trɔɛn -tɔa 'yee -pei -tɔ wɩnun lɛ -le "wɛan dɩ. 'Pian min nɛn e 'ta wʋla Bali -le -pei -tɔ wɩnun da bɛ, Bali -a "siala min tɩglɩ 'a.

1 Korɛnti 15:33

'Ka drɛ "yi, 'wɩ zɩɛ te 'ka 'fli 'tʋɩ -e 'e 'ka 'man yɩdɩ. Kɔɔ bee -wlidɩ "blɩdɩ bɛ, -yɛɛ -maan min 'wɩ 'wlidɩ "dra.

1 Korɛnti 3:18

Te min -tʋ 'e 'fli see "paadɩ! Maan ve 'cɛɛ 'nan, -te -a -cin a min -tʋ ji 'ka yei 'nan 'yɛɛ cɩ 'wɩ 'tɔzan -a bɛ, min zɩɛ 'e 'fli drɛ 'blʋzan -a 'trɛdanɔn 'lɛ. E drɛ zɩɛ, 'dʋ -e Bali 'e 'wɩ 'tɔdɩ -nɔn -yrɛ.

1 Korɛnti 6:9

'Wɩ 'gʋɛ -a -cin 'e -trɔa 'ka 'ji. -Nyrɛn 'nan minnun nɛn o 'wɩ dra -wlidɩ "min va bɛ, wa'a 'ko Bali -le mingɔnnɛn trɛda "fo "dɩ. Ɛn "nyian bɛ, te 'ka 'wɩ 'gʋɛ -a 'sia 'wlu wɩ -a "fo "dɩ! Minnun nɛn o ya -kɔnnɛn -wɛɛnɔn 'a bɛ, 'lee minnun nɛn o ya lɩ -wɛɛnɔn 'a bɛ, 'lee minnun nɛn o ya -yʋ -pannɔn 'a bɛ, 'lee minnun nɛn o min -sran -wɛɛman bɛ, 'lee minnun nɛn o min nan -wɛɛman bɛ, 'lee -klɔnmɔn 'lee -klɔnmɔn nɛn o nyianla "le lɩ 'lee -kɔnnɛn -le 'wɩ 'zʋ bɛ,

Galatɩ 6:3

Maan ve 'cɛɛ 'nan, -te min 'e 'fli 'sia 'nan 'e 'kpa "mlian 'e "bʋɩ Zozizan 'tʋ da bɛ, te e ya 'e 'bɔ 'fli see "paanan, kɔɔ -a tɩglɩ da bɛ -a 'bɔ "nyian "e 'ka 'wo fɛ -tʋ -a dɩ.

Galatɩ 6:7

Te 'ka 'fli see "paa dɩ! Wa'a Bali sɛɛ wo dɩ. 'Ka -tɔ 'nan, fɛ nɛn min -a -fɔ 'trɛ 'ji bɛ, -a 'bɔ nɛn yaa -tɛa.

Filipʋ 4:8

'An "bʋɩ Zozinɔn, maan -fɔala "nyian "va 'cɛɛ 'nan, 'ka 'ci "nrɔn 'wɩ nɛn e cɩ 'e 'sʋdɩ "ji "bɛ -a da. Ɛn 'wɩ nɛn yaa -maan min yiɛ "naan min man bɛ, 'ka 'ci "nrɔn "da. Ɛn 'wɩ nɛn e cɩ tɩglɩ bɛ, 'ka 'ci "nrɔn "da. Ɛn 'wɩ nɛn e cɩ 'saun Bali 'lɛ bɛ, 'ka 'ci "nrɔn "da. Ɛn 'wɩnun nɛn min a ye "yi ɛn min "we man "yi "bɛ, 'ka 'ci "nrɔn "da. Ɛn -te 'wɩ 'tʋ a, waa -nan ye min lɔ, te e "sɔa min lɛ ɛn e min 'bɔ 'tɔ dra -dan bɛ, 'ka 'ci "nrɔn "da.

Kolɔs 3:17

'Wɩ oo 'wɩ nɛn kaa dra 'lee kaa ve bɛ, 'e -kɔɔn 'nan ka ya Minsan Zozi -srunɔn 'a. Ɛn 'ka 'ciɩla "va -e 'ka -kaa "tɩ Bali muo "fɔ.

2 Timote 3:13

'Pian minnun -wlidɩ zɩɛ 'wlunɔn nɛn waa. 'Wee 'wɩ 'wlidɩ "ko 'mlinladɩ -a "da. O min see "paaman, 'pian te fɛ -tʋ 'bɛ o 'bɔ "le "see paa.

'Fluba nɛn Pɔl -a crɛn -tɛ Tit lɛ 3:3

Fɛ nɛn maan ve zɩɛ -yɛɛ cɩ 'nan, -kaa 'bɔ 'gʋɛ 'e tɛdɛ bɛ, te -ka'a 'wɩ 'tɔ wɩ dra dɩ, ɛn te -ka'a yiɛ 'ka 'naan min man dɩ. Ɛn "nyian bɛ -kaa yi -tɛala 'wɩ nɛn e 'ka 'wɩ tɩglɩ 'a dɩɛ -a da. Ɛn te -kaa ya fɛ -tʋ -tʋdʋ pɛɛnɔn yɩdɩ "yi "le nɔan -a 'lee blamin ci 'sɔ wɩnun 'tɔ 'tʋdʋ pɛɛnɔn 'le nɔan -a. Te -kaa nyannɛn drɛdɩ ye "yi, ɛn te -kaa min lɔ fɛ ye "yi "le 'e drɛ -cee vɛ -a. Te -kaa "naan min man, ɛn minnun "naan -cee "man.

Zaji 1:26

Min nɛn e 'nan e ya Bali -sru, te ya'a 'kɔlaman 'e wei 'kundɩ -a dɩɛ, te e ya 'e 'fli sɛɛ wʋnan. Te -yee 'ta wʋdɩ Bali -sru "bɛ -a -ci "ka "dɩ.

Zaji 4:11

'An "bʋɩ Zozinɔn, te 'ka 'wɩ 'ka cin man -wlidɩ "dɩ! Min nɛn e 'wɩ 'wlidɩ 'vɩ 'e "bʋɩ -tʋ man, -te 'bɛ "cɛɛ dɩ yaa 'tɔ 'tɛ bɛ, te e 'wɩ 'wlidɩ 'vɩ Bali -le -pei man, ɛn e tin -tɛ "da. -Yɛɛ cɩ 'nan, -te i 'wɩ 'wlidɩ 'vɩ Bali -le -pei man bɛ, te yi'a 'ta wʋlɛa "da "dɩ, 'pian te i drɛ -a man tin 'bazan 'a.

Zaji 4:17

Maan ve 'cɛɛ 'nan, min oo min nɛn e 'wɩ "yi "nɛn kɔ 'e drɛ bɛ -a -tɔa, ɛn ya'a drɛlɛ dɩɛ, te e 'wɩ 'wlidɩ drɛ.

2 Piɛri 2:13

'Wɩ 'wlidɩ "nɛn waa drɛ bɛ, o -taa -a "nɛn "yɩlɛ yra yɩdɩ -a. -Te tʋ cɛɛn bɛ, 'wɩ nɛn e 'o ci "nranman bɛ -nyrɛn "fɛdi -blɩdɩ -a. Minnun zɩɛ -te o yra 'cee -blɩfɛ -sru "bɛ, 'wɩ nɛn e ya paan "le 'e o -tɛ 'yra -a bɛ, e o ci "nranman. Wɛɛ -maan minnun 'ka 'tɔ srɛman.

1 Zan 1:8

-Te -kaa 'vɩ 'nan, 'wɩ 'wlidɩ 'ka -kaa man dɩɛ, te -kaa ya -kaa 'fli see "paanan, ɛn -ka'a 'ta 'wʋla 'wɩ tɩglɩ da dɩ.

1 Zan 2:3

'Wɩ nɛn yaa -kɔɔnman 'nan, -kaa Bali -tɔa "bɛ, -nyrɛn 'nan -kaa 'ta wo Bali -le -pei da.

1 Zan 3:7

'Mɛn 'nɛnnun, te min 'e 'ka see "paa dɩ! Min nɛn e 'wɩ tɩglɩ dra Bali 'lɛ bɛ, te e ya tɩglɩ, "le Zozi a tɩglɩ bɛ -yee 'wɩ 'zʋ.

3 Zan 1:11

'An bee, te 'i 'wɩ nɛn e cɩ -wlidɩ "bɛ -a -nan yɩ min lɔ -e 'i drɛ dɩ. 'Pian 'wɩ "yi "nɛn 'i drɛ. Min nɛn e 'wɩ "yi "dra bɛ, te Bali -le 'nɛn nɛn -a san -a. Ɛn min nɛn e 'wɩ 'wlidɩ "dra bɛ, te ya'a Bali tɔa dɩ.

Apokalis 12:9

-A -nan nɛn Bali -le 'pasianɔn o -pin laji, ɛn o 'ta 'tɔ o pɛɛnɔn man 'trɛda. -Mlɛn nɛn e blamin see paa 'li bɛ, -a 'bɔ nɛn. Waa laabo Bali 'nanmanzan, ɛn waa laabo "nyian Satan. -Yɛɛ 'wɩ 'wlidɩ "drɛdɩ "paa 'trɛda blamin lɔ.

Apokalis 22:7

Ɛn Zozi "e 'nan: «'Ka drɛ "yi! 'An 'lʋdɩ 'bɔ 'kogo. 'Wɩnun nɛn o -taa "drɛlɛ ɛn o ya 'o 'crɛn -tɛdɩ 'fluba 'gʋɛ -a -ji bɛ, min oo min nɛn e -tɔ "da "bɛ, Bali -le -fɛa a -a san man.»