'Fluba nɛn Pɔl -a crɛn -tɛ Tit lɛ 2:8 - Yaouré

⁸ Bali -le 'wɩ tɩglɩ nɛn min 'ka 'kɔlaman -a -sa -fɔdɩ -a dɩɛ, -a 'bɔ nɛn 'i "paa minnun ji. 'I drɛ zɩ -e 'yra 'e -kaa 'nanmannɔn 'tɛ, te wa'a 'kɔlaman 'wɩ 'wlidɩ "tʋwli "vɩdɩ -a -kaa man dɩ.

'Fluba nɛn Pɔl -a crɛn -tɛ Tit lɛ 2:8 ပူးပေါင်းရင်းမြစ်များ

Mark 12:17

Ɛn Zozi -a 'vɩ -wlɛ 'nan: «Fɛ nɛn Seza -le vɛ -a bɛ, 'cɛɛ 'nɔn Seza lɛ! Ɛn fɛ nɛn Bali -le vɛ -a bɛ, 'cɛɛ 'nɔn Bali lɛ!» 'Wɩ zɩɛ -a mandɩ o 'plo 'fɔ.

Mark 12:28

'Fluba 'ci vɩzan -tʋ -sa zɩɛ -a 'man. Zɩ yaa 'yɩ 'nan Zozi -a -ci 'vɩ Saduze 'nɔn lɛ fɛnyian bɛ, e pli Zozi man, ɛn yaa laabʋ -yrɔ 'nan: «Bali -le -pei -tɔ wɩ pɛɛnɔn bɛ, -a "cɛn 'bɛ cɩ "va -dan?»

Mark 12:32

Ɛn 'fluba 'ci vɩzan -a 'vɩ -yrɛ 'nan: «Bali -le 'wɩ "paazan, yia 'vɩ fɛnyian. 'Yie tin a 'nɔnnɔn -a vɩdɩ -a 'nan, Minsan 'bɛ cɩ Bali a 'e 'tʋwli, -a pee "ka "dɩ.

Mark 12:34

Zɩ Zozi -a 'yɩ 'nan, min zɩɛ yaa -sru 'vɩ 'wɩ 'tɔdɩ -a bɛ, ɛn e 'nan -yrɛ 'nan: «E -fʋ "wɛnnɔn -e Bali -le mingɔnnɛn -blɩdɩ 'e pou 'sia 'i 'va.» "Bɛ -sru 'wɩ laabʋdɩ -yrɔ "cin 'ka "nyian -tɔlɛ min -tʋ ji dɩ.

Zozi Crizi -le 'wɩ 'nɔnnɔn nɛn Luk -a crɛn -tɛ 13:17

Zɩ Zozi 'wɩ zɩɛ -a 'vɩ bɛ, ɛn 'yra -a 'nanmannɔn 'tɛdɩ 'sia. 'Pian te min pɛɛnɔn 'ci "nranman 'wɩ "yi 'tɔ 'tʋdʋ pɛɛnɔn nɛn Zozi a dra bɛ -yee "wɛan.

2 Tesalonik 3:14

Min nɛn ya'a 'ta wʋlɛa 'wɩ nɛn kʋa crɛn -tɛ zɩɛ -a da dɩɛ, 'ka 'san -kɔnnɛn 'pla, te 'ka "nran waa dɩ. 'Ka drɛ zɩɛ -e 'yra 'e -tɛ.

1 Timote 5:14

'Wɩnun pɛɛnɔn zɩɛ -yee "wɛan bɛ, an ya "va 'nan lɩmɔnnun nɛn o ya nɔnbɛ "a ɛn o -sran -ka bɛ, 'o -kɔnnɛn 'pa, 'o 'nɛn 'ya, 'o yiɛ 'tɔ 'wee "kɔnnɛn 'va, 'dʋ -e 'o vɩlɛ 'o -si -nɔn -kaa 'nanmanzan lɛ -e o 'tɔ 'e srɛ dɩ.

1 Timote 6:3

'Pian min -mienun a bɛ, o 'ka 'wɩ zɩɛ 'bɛ -sru "dɩ. 'Wɩ 'pee nɛn "o "paaman Zozinɔn 'ji. Wei nɛn e ya tɩglɩ ɛn e "sia -kaa san Zozi Crizi 'le bɛ, o 'ka 'bɛ 'va dɩ. Ɛn 'wɩ "paadɩ nɛn e yi -tɛradɩ Bali da -ci "sia min lɛ bɛ, wa'a 'ta 'wʋla "da "dɩ.

'Fluba nɛn Pɔl -a crɛn -tɛ Tit lɛ 3:14

Ɛn -kaa "bʋɩ Zozinɔn "nyian bɛ, e ya "le "o 'wɩ "yi "drɛdɩ -tranla fɛ nɛn -a 'wɩ a min man bɛ, -a -nɔndɩ -a -yrɛ! -Te o ya 'wɩnun zɩ -a drɛnan bɛ, te o 'ka 'trɛda 'e "tun "dɩ.

1 Piɛri 2:12

'Ka drɛ wɩ 'e 'kɔn 'e 'sʋdɩ "ji minnun nɛn wa'a Bali tɔa dɩɛ o va. -Te minnun 'wɩ 'wlidɩ 'tɔ -tʋdʋ pɛɛnɔn ve 'ka man oo, 'ka drɛ wɩ "yinun bɛ 'wɛɛ yɩ, -e tʋ nɛn Bali 'bɔ 'e 'fli -kɔɔnman -wlɛ "bɛ, 'o -yee -dan sɩ -fɔ.

1 Piɛri 2:15

Kɔɔ 'wɩ nɛn Bali cɩ "va "bɛ -nyrɛn 'nan, 'cee 'wɩ "yi "drɛdɩ 'e minnun nɛn wa'a tian Bali -tɔlɛ dɩ, ɛn o 'wɩ "tun "ve bɛ, o 'lɛbo 'pla "da.

1 Piɛri 3:16

'Pian 'ka 'ci vɩ -wlɛ -trɔɔ, ɛn 'ka "klan Bali lɔ. 'Ka man -wɛɛ 'nan 'cee 'wɩ pɛɛnɔn 'e 'kɔn 'e 'sʋdɩ "ji Bali 'lɛ. 'Ka drɛ zɩɛ, -te minnun 'wɩ 'tɔ 'ka man, te o 'wɩ 'wlidɩ "ve 'cee 'ta wʋdɩ Crizi -sru fɛnyian man bɛ, -e 'wɩ 'bɔ nɛn waa ve bɛ 'e tin -tɛ o da.