'Fluba nɛn Pɔl -a crɛn -tɛ Tit lɛ 2:5 - Yaouré

⁵ Ɛn "nyian bɛ 'o "paa o ji 'nan, 'o 'fli 'kun 'wɩ pɛɛnɔn 'ji. Ɛn 'wɩ nɛn e 'tɔ "paa lɩmɔnnun man bɛ te 'o drɛ dɩ. Ɛn 'o drɛ -kɔnnɛn wlu lɩmɔn tɩglɩ 'a. Ɛn 'o 'ci 'e 'kɔn "yi. Ɛn 'o 'ta wʋla 'o -sran wei da. 'Wɩ pɛɛnɔn zɩɛ -a 'bɔ nɛn 'o "paa o ji, "tɔgɔ minnun 'o 'wɩ 'wlidɩ Bali wei man.

'Fluba nɛn Pɔl -a crɛn -tɛ Tit lɛ 2:5 ပူးပေါင်းရင်းမြစ်များ

Drɛwɩ (Actes) 9:36

Lɩmɔn -tʋ a Zozi 'va, e ya 'fla nɛn waa laabo Zope bɛ -a da. Lɩ zɩɛ -a 'tɔ nɛn Tabita, ɛn -te 'bɛ "cɛɛ dɩ Dɔrka. 'Tɔ zɩɛ -a -ci nɛn Grɛk wei -ji «srʋ». Lɩ zɩɛ, e "yi "dra min pɛɛnɔn lɛ, te e "paa 'yalɛ -tɛnɔn 'va.

Drɛwɩ (Actes) 9:39

Zɩ o 'bɔ Piɛri man bɛ, waa 'vɩ -yrɛ, 'nun tɔɔn ɛn 'o 'vale waa o -kʋ. Zɩ o 'bɔla 'nan nun bɛ, ɛn o -kʋ Piɛri -a 'kɔn "bʋ "ji lou. Lɩmɔnnun pɛɛnɔn nɛn o -sran -ka 'o da bɛ, o pli Piɛri man te o -wua, ɛn o Tabita -le -tralɛ 'lee -yee sɔnun nɛn yaa drɛ te o ya waa bɛ, -a kɔɔn -yrɛ.

Rɔmɛn 14:16

'Ka drɛ "yi, -blɩfɛnun nɛn Bali -a -si -nɔn 'cɛɛ 'nan 'ka -blɩ bɛ, te 'ka drɛ -e minnun 'o 'wɩ 'ka man -wlidɩ "dɩ!

Rɔmɛn 2:24

Ɛn e ya 'e 'crɛn -tɛdɩ Bali -le 'fluba 'ji 'e 'cɛn. Kɔɔ e ya 'e 'crɛn -tɛdɩ 'nan: «'Ka 'bɔ Zuif 'nɔn 'le "wɛan nɛn Bali 'tɔ a 'e srɛdɩ minnun nɛn o 'ka Zuif 'nɔn 'a dɩɛ o yei.»

1 Korɛnti 11:3

'Pian an ya "vale 'wɩ 'gʋɛ -a -cin 'e 'fɔla 'ka 'ji. 'Wɩ zɩɛ -nyrɛn 'nan: Crizi 'bɛ cɩ -klɔnmɔn tazan -a, ɛn -klɔnmɔn 'bɛ cɩ lɩmɔn tazan -a, ɛn Bali 'bɛ cɩ Crizi tazan -a.

1 Korɛnti 14:34

-Te Zozinɔn a 'o cin yɩdɩ ɛn o ya -leglizi drɛnan bɛ, lɩmɔnnun 'o 'lɛbo 'pla "da. Kɔɔ -a -si 'ka 'e 'nɔndɩ -wlɛ -e 'o 'wɩ 'si "va "fo "dɩ. 'Pian 'o 'ta wʋla 'wɩ nɛn -klɔnmɔn -a ve bɛ -a da! Zɩ e cɩ 'e 'crɛn -tɛdɩ Bali -le -pei 'fluba 'ji zɩɛ.

Efɛz 5:33

'Pian 'wɩ 'tʋwli zɩɛ e ya "nyian 'ka 'bɔ 'le vɛ -a. 'Ka -klɔnmɔnnun bɛ, 'ka nan yɩ "yi "le zɩ 'ka 'fli ye "yi "bɛ -yee 'wɩ 'zʋ! Ɛn 'ka lɩmɔnnun bɛ, 'ka 'sran 'sia min -a!

Kolɔs 3:18

Kaa nɛn ka cɩ min nannun -a bɛ, 'ka 'ta wʋla 'ka -sran wei da! 'Wɩ nɛn e cɩ "le 'ka drɛ bɛ -nyrɛn "bɛ, kɔɔ ka ya Minsan -le vɛ -a.

1 Timote 5:10

-A 'tɔ "yi 'e 'kɔn min 'le -yee 'wɩ "yinun nɛn yaa drɛ bɛ -a man. -A -mie nɛn "le 'nɛn 'lɛbʋdɩ sidɔ -le 'wɩ 'zʋ, ɛn -a -mie nɛn "le minnun nɛn o bɔala "va "bɛ o 'kundɩ 'e 'pɛ "fli "a -le 'wɩ 'zʋ, ɛn -a -mie nɛn "le Zozinɔn nɛn o bɔala "va "bɛ o cɛin -man "foedɩ -le 'wɩ 'zʋ, ɛn -a -mie nɛn "le minnun nɛn o ya see -ji bɛ, 'padɩ o va -le 'wɩ 'zʋ, 'lee 'wɩ "yi 'tɔ 'tʋdʋ pɛɛnɔn drɛdɩ.

1 Timote 6:1

Zozinɔn nɛn o ya nɔan -a bɛ, 'o 'o 'tanɔn 'sia min -a -pɛ pɛɛnɔn 'ji. 'O drɛ zɩɛ, 'dʋ -e minnun 'o vɩlɛ 'o 'wɩ 'wlidɩ Bali 'lee -cee 'wɩ "paadɩ man dɩ.

'Fluba nɛn Pɔl -a crɛn -tɛ Tit lɛ 2:4

-Te o ya 'wɩ zɩɛ -a drɛnan bɛ, -a -nan nɛn o -kɔlaman 'wɩ "paadɩ -a lɩmɔnnun ji. Ɛn zɩ kɔ lɩmɔn 'e -sran yɩ "yi "bɛ, 'o "paa o ji. Ɛn zɩ kɔ lɩmɔn 'e 'yee 'nɛnnun yɩ "yi "bɛ, 'o "paa o ji.