'Fluba nɛn Pɔl -a crɛn -tɛ Tit lɛ 2:3 - Yaouré

³ 'I lɩmɔn cejenun -le vɛ 'vɩ "nyian zɩ. 'I vɩ -wlɛ 'nan, o drɛ wɩ 'e -kɔɔn 'nan 'o ya Bali -le vɛ -a. Ɛn 'i vɩ -wlɛ 'nan, te 'o 'wɩ min man -wlidɩ "dɩ. Ɛn 'i vɩ -wlɛ 'nan, te 'o -wɛn mlindɩ -trɔa 'o 'win -ji dɩ. Ɛn 'i vɩ -wlɛ 'nan, 'o 'wɩ "yi "paa minnun ji.

'Fluba nɛn Pɔl -a crɛn -tɛ Tit lɛ 2:3 ပူးပေါင်းရင်းမြစ်များ

Rɔmɛn 1:29

O 'wɩ 'wlidɩ 'tɔ 'tʋdʋ pɛɛnɔn dra. O ya min -wlidɩnun -a. O ya "vale fɛ pɛɛnɔn 'e 'kɔn 'wee vɛ -a. O ci a nyrannyrandɩ. O 'bli bo min lɔ fɛ man. O min -tɛa. O 'wɩ 'blɩdɩ ye "yi. O -dawli drɛdɩ ye "yi. Waa -wɛɛman 'nan 'wɩ 'e bɔ 'o bɔɛzan -tʋ man. O 'wɩ "paa min da.

Rɔmɛn 16:2

Maan ve 'cɛɛ 'nan, 'ka 'kun 'ka 'pɛ "fli "a 'cee -leglizi -ji "le zɩ e cɩ "le Bali -le minnun 'o drɛ bɛ -yee 'wɩ 'zʋ. Fɛ oo fɛ nɛn -a 'wɩ cɩ "man "bɛ, 'ka 'pa "va "a. Kɔɔ 'wɩ zɩɛ "e drɛ min "kaga "lɛ, ɛn yaa drɛ "nyian 'an 'bɔ "le "lɛ.

Efɛz 5:3

'Ka drɛ wɩ 'e -kɔɔn 'nan ka drɛ Bali -le minnun -a! Nyinnandɩ lɩ 'lee -kɔnnɛn -a te wa'a 'o cin 'palɛ dɩɛ, te 'e 'kɔn 'ka yei "dɩ! Ɛn 'wɩ pɛɛnɔn nɛn e min "tri -tɔa Bali 'lɛ, 'lee min yiɛ nɛn ya'a 'ciɩla fɛ da dɩɛ, te -a -tʋwli 'e 'kɔn 'ka yei "dɩ!

1 Timote 3:11

-Te lɩmɔnnun nɛn waa bɛ, -a -tʋwli "nɛn "nyian -wee vɛ -a. 'O 'kɔn lɩmɔnnun nɛn 'o drɛ wɩ -a -maan min 'yra -tɛa "o man bɛ waa. Te 'o 'kɔn lɩmɔnnun nɛn o 'le 'ble bɛ -a dɩ. 'O 'kɔn lɩmɔnnun nɛn 'o 'kɔlaman 'o 'fli 'kundɩ -a bɛ waa. 'O 'kɔn lɩmɔnnun nɛn min yi -tɛala o da 'wɩ pɛɛnɔn 'ji bɛ waa.

1 Timote 3:8

Minnun nɛn o "paa -leglizi 'lɛnɔn 'va bɛ 'wɩ 'tʋwli zɩɛ e ya -wee vɛ -a. 'O 'kɔn minnun nɛn o drɛ wɩ -a -maan min 'yra -tɛa "o man bɛ waa. Ɛn te 'o 'kɔn minnun nɛn 'o wei a "flivli "bɛ -a dɩ, ɛn te 'o 'fli -nɔn -wɛn mlindɩ lɛ dɩ, ɛn te 'o -dawli yɩ "yi "lala -nan dɩ.

1 Timote 5:23

Te 'i vɩ 'nan 'i 'fo 'yi 'saza 'mlindɩ man dɩ. 'Pian 'i man nɛn ya'a 'cɛan dɩɛ, 'lee 'i 'pɔn -ji -le "wɛan bɛ, 'i -wɛn mlin 'sɛzɛnɔn.

'Fluba nɛn Pɔl -a crɛn -tɛ Tit lɛ 1:7

'Wɩ 'kpa! E ya 'nan min nɛn 'e yiɛ -tɔa -leglizi -va bɛ, te 'tɔ 'tʋ 'e 'kɔn 'e 'padɩ "man "dɩ, kɔɔ Bali -le 'nɛnnun -pɛba a 'e wʋdɩ -yrɔ. Ɛn te 'e 'kɔn min nɛn e ya "vale 'wɩ pɛɛnɔn e 'cɛn 'yee 'wɩ da bɛ -a dɩ. Ɛn te 'bli 'e 'fɔ -a san ji tada dɩ. Ɛn te -a san 'e -wɛn mlindɩ -trɔa 'e 'win -ji dɩ. Ɛn te -a san 'e 'wɩ 'blɩdɩ yɩ "yi "dɩ. Ɛn te -a san "lala yɩ "yi "dɩ.

'Fluba nɛn Pɔl -a crɛn -tɛ Tit lɛ 2:4

-Te o ya 'wɩ zɩɛ -a drɛnan bɛ, -a -nan nɛn o -kɔlaman 'wɩ "paadɩ -a lɩmɔnnun ji. Ɛn zɩ kɔ lɩmɔn 'e -sran yɩ "yi "bɛ, 'o "paa o ji. Ɛn zɩ kɔ lɩmɔn 'e 'yee 'nɛnnun yɩ "yi "bɛ, 'o "paa o ji.

Ebre 5:12

Ka 'mɔn Bali -sru 'ta wʋdɩ -ji paan "le -e te ka drɛ 'ji ceje, 'pian kaa -kɔɔnman 'nan Bali -sru 'ta wʋdɩ -ji wɩ "wɛnwɛnnɛnnun bɛ, -a 'bɔ nɛn min 'e "paa 'ka 'ji. 'Ka 'fli dra tian "le 'nɛn 'linɛnnun -le 'wɩ 'zʋ, 'nɔnnɔn 'va nɛn ka cɩ, ka'a 'kɔlaman fɛ 'plɛblɛ 'blɩdɩ -a dɩ.

Apokalis 2:20

'Wɩ pɛɛnɔn nɛn kaa drɛ "yi "bɛ, maan -tɔa, 'pian 'wɩ 'tʋ a 'an 'ji -e 'an 'pla 'cɛɛ. 'Wɩ zɩɛ -nyrɛn 'nan, lɩmɔn nɛn waa laabo Zezabɛl bɛ, ka'a -si tɔa -yrɔ "dɩ. Yaa ve 'e 'fli man 'nan Bali 'lewei vɩzan nɛn 'yaa. 'Pian -yee 'wɩ "paadɩ -a -maan minnun nɛn 'cee -leglizi -ji bɛ, o 'wɩ 'wlidɩ "drɛdɩ 'sia. O -yʋ -panwi -blɩdɩ 'sia, ɛn o nyinnandɩ 'sia lɩ 'lee 'kɔnnɛn -a te wa'a 'o cin 'palɛ dɩ.