'Fluba nɛn Pɔl -a crɛn -tɛ Tit lɛ 1:10 - Yaouré

¹⁰ Min "kaga "a ve 'o 'fli man 'nan o yi -tɛala Zozi da, te o 'ka "vale 'o 'ta wʋla 'wɩ tɩglɩ da dɩ. Minnun zɩɛ o "kaga "a Zuif 'nɔn 'a, ɛn o min ci baaman -ji 'wɩ "kaga "vɩdɩ -a, te 'wɩ 'bɔ 'ci "ka "dɩ.

'Fluba nɛn Pɔl -a crɛn -tɛ Tit lɛ 1:10 ပူးပေါင်းရင်းမြစ်များ

Matie 23:14

['Fluba 'ci vɩnɔn 'lee Farizɛn 'nɔn, ka 'wɩ dra min yiɛ 'lɛ! 'Wɩ -taa "bɔlɛ 'ka man! Kɔɔ ka -calenun -le fɛnun "sia 'o 'lɔ -dawli -a. "Bɛ -sru -e 'ka Bali trʋ 'ba -plɔun 'nan -e minnun 'o 'ka "sia min tɩglɩ 'a. 'Wɩnun zɩɛ -yee "wɛan Bali -wee tin "paa 'plɛblɛ.]

Drɛwɩ (Actes) 11:2

Zɩ Piɛri 'li 'e da Zeruzalɛm bɛ, ɛn Zuif 'nɔn nɛn Zozi 'va bɛ, o 'wɩ 'tɔ "man -a vɩdɩ -a 'nan:

Drɛwɩ (Actes) 15:1

Min -mienun 'si Zude 'lɛglɔn 'ji. Zɩ o 'bɔla Antiɔs bɛ, ɛn o 'wɩ "paadɩ 'sia "bʋɩ Zozinɔn 'ji, waa 'vɩ -wlɛ 'nan: «-Te min 'ka 'fɔlɛ -klɔnmɔn -va "le zɩ Moizi -le -pei -a 'vɩ bɛ -yee 'wɩ 'zʋ dɩɛ, Bali 'ka -a san sia 'wɩ 'ji dɩ.»

Drɛwɩ (Actes) 15:24

Kʋa 'man 'nan, 'kʋ 'va min -mienun nɛn kʋ'a 'si -nɔnlɛ 'wlɛ "dɩɛ, o 'lʋ 'ka 'ci baalɛ -ji 'wee 'wɩ "paadɩ -a, ɛn o 'ka "koe 'si 'ka da.

Drɛwɩ (Actes) 20:29

Maan -tɔa 'nan, -te an -kʋ bɛ, minnun nɛn o ya "le plɔ wi -zʋ bɛ, o -taa -wlalɛa 'ka yei, -e 'o 'wɩ 'wlidɩ "drɛ minnun nɛn 'ka yiɛ -tɔa "o va bɛ -wlɛ.

Galatɩ 2:4

Min -mienun a 'kʋ yei "bɛ, o 'ka Zozinɔn tɩglɩ 'a dɩ. -Wɛɛ 'vɩ 'nan, Tit 'e 'kɔn 'e 'fɔdɩ -klɔnmɔn -va. O wla 'kʋ yei 'e yɔɔdɩ 'nan, -e 'o 'kʋ 'kun 'wee -pei -tɔ wɩ -tʋ man. Zozi Crizi -le 'kʋ 'si nɛn yaa 'wʋ -pei -le 'plɛblɛ 'wlu bɛ, o ya "saanan 'kʋ man 'nan -e 'o -nan yɩ 'kʋ 'lɔ. Kɔɔ e ya o ji 'nan, 'kʋ 'kɔn tian -pei -le 'plɛblɛ 'wlu.

Galatɩ 3:1

Galatɩ 'nɔn, 'cee 'wɩ mandɩ a 'plɛblɛ. -Tɩɛ 'e 'pɛ 'pa 'ka yra? Kɔɔ Zozi Crizi -le -ka nɛn yaa 'wʋ yiba "plan da bɛ, maan -ci 'vɩ 'cɛɛ 'wein 'va.

Efɛz 4:14

Yaa drɛ zɩɛ 'nan, -e -kaa vɩlɛ -kaa kɔn "nyian "le nannannun -le 'wɩ 'zʋ dɩ. Kɔɔ nannannun lɛ nɛn minnun see "paa wɩnun ve -pɛ "yi 'lee -pɛ bʋ -a, -e 'o -sɔɔnla o -sru. Min see "paanɔn zɩɛ o ya -wlidɩ, ɛn -dawli 'tɔ 'tʋdʋ pɛɛnɔn a o ji, -e 'o min 'si -si tɩglɩ da.

1 Timote 1:4

'Wɩnun zɩɛ, polunun nɛn Zuif 'nɔn -a bo bɛ 'lee o tranun kludanɔn "nrɔndɩ nɛn o -ko -a 'padɩ -a "da "bɛ, -a 'bɔ nɛn. 'I vɩ -wlɛ 'nan 'o 'le 'tɔ! Kɔɔ 'wɩnun zɩɛ o -taala -sa -fɔdɩnun -a. 'Nyranman nɛn Bali -a "paa min man 'lɔɔ -e 'e min 'si 'wɩ 'ji bɛ, ya'a 'sia 'wɩnun zɩɛ -a va "fo "dɩ, 'pian e "sia yi -tɛradɩ Zozi da va.

1 Timote 1:6

'Wɩnun zɩɛ "o 'ka wo 'bɛ drɛnan "fo "dɩ, 'pian 'o 'fli -nɔn 'wɩnun nɛn o ya 'wɩ "tun "a bɛ -a vɩdɩ lɛ.

1 Timote 1:9

Ɛn -a -cin 'e 'kɔn -kaa 'ji 'nan, minnun nɛn o cɩ tɩglɩ bɛ -wee "wɛan "cɛɛ -pei -tɔ wɩnun a dɩ, 'pian minnun nɛn o 'ka 'kpa dɩɛ, -wee "wɛan nɛn. 'Wɩnun nɛn waa dra bɛ -nyrɛn: O yiɛ 'ka 'naan Bali man dɩ, ɛn o 'wɩ 'wlidɩ 'tɔ 'tʋdʋ pɛɛnɔn dra. O 'tɔ srɔman Bali man, ɛn fɛnun nɛn Bali -le vɛ -a bɛ, o "we "man -wlidɩ. Min -tɛnɔn nɛn waa, 'o "tɩ 'lee 'o "bʋ -tɛa.

2 Timote 3:13

'Pian minnun -wlidɩ zɩɛ 'wlunɔn nɛn waa. 'Wee 'wɩ 'wlidɩ "ko 'mlinladɩ -a "da. O min see "paaman, 'pian te fɛ -tʋ 'bɛ o 'bɔ "le "see paa.

2 Timote 4:4

'O "trɔɛn "sia 'wɩ tɩglɩ 'va, -e 'o -sɔɔnla polunun nɛn min -a "sia 'e 'wulo -ji bɛ -a -sru.

'Fluba nɛn Pɔl -a crɛn -tɛ Tit lɛ 1:6

-Nyrɛn 'nan, min nɛn waa -tɔa -leglizi min ceje -a bɛ, 'tɔ 'tʋ 'ka 'kɔan 'e 'padɩ "man "dɩ. -Yɛɛ cɩ 'nan, lɩ -kɔan -a san wlu -tʋwli, ɛn ya'a tʋe -e 'e nyin lɩ pee -sru "dɩ. -Yee 'nɛnnun yi -tɛala Zozi da, 'tɔ 'ka 'kɔan 'e 'padɩ o man lɩ -wɛɛdɩ 'lee -kɔnnɛn -wɛɛdɩ da dɩ, ɛn o yiɛ "naan min man.

Zaji 1:26

Min nɛn e 'nan e ya Bali -sru, te ya'a 'kɔlaman 'e wei 'kundɩ -a dɩɛ, te e ya 'e 'fli sɛɛ wʋnan. Te -yee 'ta wʋdɩ Bali -sru "bɛ -a -ci "ka "dɩ.

1 Zan 2:18

'Mɛn 'nɛnnun, tʋ -nyranman -ji nɛn -kaa cɩ 'gʋ. Kaa 'man 'nan, Crizi 'nanmanzan -taa "talɛ. Ɛn 'bɛ nɛn 'gʋɛ, Crizi 'nanmannɔn 'bɔla "kaga 'va. 'Wɩ zɩɛ -yɛɛ -kɔɔnman 'nan tʋ -nyranman -ji nɛn -kaa cɩ.

1 Zan 2:4

Min nɛn yaa 'vɩ 'nan: «'An Bali -tɔa», te ya'a 'ta wʋla -yee -pei da dɩɛ, te 'wluzan nɛn -a san -a, ɛn te -a san 'lee 'wɩ tɩglɩ 'ka 'si -tʋwli "da dɩ.

1 Zan 4:1

'An beenun, te 'ka yi -tɛra minnun -tʋdʋ pɛɛnɔn nɛn waa ve 'nan Bali lei a 'o 'lɔ bɛ, o da dɩ. 'Pian 'ka o bʋʋ 'kpa -e 'ka -tɔ 'nan lei nɛn -wlɔ "bɛ, e "sia Bali va. -Yɛɛ cɩ 'nan, 'wlunɔn "kaga fuila "man 'trɛda, te o 'nan 'o ya Bali 'lewei vɩnɔn 'a.

Apokalis 2:14

'Wɩ pɛɛnɔn zɩɛ kaa drɛ "yi, 'pian 'wɩ 'tʋ a 'an 'ji -e 'an 'pla 'cɛɛ. 'Wɩ zɩɛ -nyrɛn 'nan, 'wɩnun nɛn Balam -a paa minnun ji 'li bɛ, min -mienun a -a drɛnan "nyian 'cee -leglizi -ji. -A -cin 'e 'tɔ 'ka 'ji 'nan, -si nɛn kɔ Izraɛl 'nɔn 'o 'ciɩla "da -e 'o 'wɩ 'wlidɩ "drɛ bɛ, Balam -a kɔɔn Balak lɛ, ɛn Balak -a kɔɔn -wlɛ. -A -nan nɛn Izraɛl 'nɔn -yʋ -pan wi -blɩdɩ 'sia, ɛn o nyinnandɩ 'sia lɩ 'lee 'kɔnnɛn -a te wa'a 'o cin 'palɛ dɩ.

Apokalis 2:6

'Wɩ nɛn kaa dra "nyian "yi "bɛ, -nyrɛn 'gʋ, 'wɩnun nɛn Nikolai -srunɔn -a dra bɛ, -a 'wɩ "naan 'ka man "le zɩ -a 'wɩ "naan 'an man bɛ -yee 'wɩ 'zʋ.