Rɔmɛn 7:24 - Yaouré

²⁴ 'Wɩ -dan 'bɛ 'bɔ 'an man. -Tɩ nɛn maan ye -e 'yaan 'sʋ 'wɩ zɩɛ -yrɔ? Ɛn -tɩɛ 'an "sia -ka -lɔ?

Rɔmɛn 7:24 ပူးပေါင်းရင်းမြစ်များ

Matie 5:4

Minnun nɛn o cɩ -trunnan 'o 'man wɩnun lɔ bɛ, Bali -le -fɛa a o man, kɔɔ Bali o "siiman.

Matie 5:6

Minnun nɛn Bali -le 'wɩ tɩglɩ drɛdɩ dra o -tɛa "bɛ, Bali -le -fɛa a o man, kɔɔ Bali o ci -taa "tra 'wɩ zɩɛ -a drɛdɩ -a.

Zozi Crizi -le 'wɩ 'nɔnnɔn nɛn Luk -a crɛn -tɛ 4:18

«Minsan lei 'saun a 'an 'lɔ, kɔɔ yaan 'si "va, 'nan -e 'an Bali -le 'wɩ 'nɔnnɔn vɩ 'yalɛ -tɛnɔn lɛ, 'nan -e 'an minnun nɛn o cɩ 'o yra yɩnan bɛ, o 'si 'wɩ 'ji. 'Nan -e 'an minnun nɛn o yiɛ a 'e 'widɩ bɛ, -a 'lɛ 'sʋ, 'nan -e 'an minnun nɛn o cɩ 'tɛ 'panan o da bɛ o 'si 'wɩ 'lɔ.

Rɔmɛn 6:6

-Kaa -tɔ 'nan, min nɛn -kaa cɩ -a "nɛn 'e tɛdɛ bɛ, -yɛɛ ka 'o 'vale Crizi -a! -Yee "wɛan -cee 'wɩ 'wlidɩ "drɛ 'kɔlɛ nɛn -kaa da 'gʋɛ -a -nan a 'e 'nyandɩ. E drɛ zɩɛ 'nan -e 'wɩ 'wlidɩ "le 'plɛblɛ 'e vɩlɛ 'e 'kɔn "nyian -kaa da dɩ.

Rɔmɛn 8:13

Kaa -tɔa 'ka 'bɔ 'a 'nan, -te ka 'ta wʋla 'ka 'bɔ 'ci 'sɔ wɩnun da bɛ, -a 'le 'srannan "nɛn -kadɩ -a. 'Pian -te ka Bali lei 'saun 'tʋɩ ɛn e 'ka 'bɔ 'ci 'sɔ wɩnun yi -ka bɛ, 'belidɩ dra 'cee vɛ -a.

Rɔmɛn 8:2

Kɔɔ Bali lei 'saun 'bɛ o "paala. -Yee "wɛan 'belidɩ 'kpa drɛ -wee vɛ -a, ɛn o drɛ min -tʋwli "a o 'vale Zozi Crizi -a. 'Wɩ zɩɛ -yee "wɛan o 'sʋ 'wɩ 'wlidɩ "le 'plɛblɛ 'lɔ, ɛn -ka -le 'plɛblɛ 'ka "nyian o da dɩ.

Rɔmɛn 8:23

'Pian Bali -pɛ drɛ fɛnun 'bɔ 'saza "cɛɛ dɩ, -kaa 'bɔ "nyian -kaa nɛn Bali 'yee lei 'saun 'nɔn -cɛɛ fɛ 'tɛdɛ -a bɛ, -kaa ya -trunnan -kaa 'ji. -Kaa ya yi nɛn Bali -kaa dra 'yee 'nɛnnun -a 'e 'va nun bɛ -a -pɛnnan. Tʋ zɩɛ -a man bɛ, -ka -le 'plɛblɛ 'ka 'kɔan "nyian -kaa da dɩ.

Rɔmɛn 8:26

Bali lei 'saun 'bɛ -tɔa -kaa 'wlu 'wɩ zɩɛ -a drɛdɩ -a. -Kaa "koe 'ka -kaa da dɩ, ɛn zɩ kɔ -kaa 'wɩ tin 'ba Bali lɛ bɛ, -ka'a tɔa dɩ. -Yee "wɛan nɛn Bali lei 'saun 'bɔ 'bɛ -tɔa -kaa 'wlu -e 'wɩ nɛn blamin 'ka 'kɔlaman -a vɩdɩ -a dɩɛ 'e vɩ Bali lɛ.

Kolɔs 2:11

Ɛn "nyian 'cee lɛadɩ Crizi man bɛ, e ya 'ka 'fɔdɩ -klɔnmɔn -va -a. 'Ka 'fɔdɩ -klɔnmɔn -va zɩɛ, e 'ka 'nan blamin plɔ 'pla 'ka man 'e 'pɛ -a dɩ, 'pian Crizi -va nɛn e 'si, ɛn -a -ci nɛn 'nan 'ka 'vale 'wɩ 'wlidɩ "a ka cɛɛn 'e cin man.

2 Timote 4:18

-Yee "wɛan maan -tɔa 'nan, 'wɩ 'wlidɩ 'tɔ 'tʋdʋ pɛɛnɔn nɛn, minnun -a "vale 'nan 'o dra 'mɛn bɛ, Minsan 'an "so -yrɔ "nyian, ɛn yaan "sia 'wɩ 'ji, -e 'an 'kʋ laji -yee mingɔnnɛn 'trɛda. 'Tɔ -dan 'e 'kɔn Minsan -le vɛ -a 'li 'trilii! Amɛn!

'Fluba nɛn Pɔl -a crɛn -tɛ Tit lɛ 2:14

E wɩɩ "man ɛn e -kaa 'lɛji -ka 'wʋ. Yaa drɛ zɩɛ 'nan -e 'e -kaa 'si 'wɩ 'wlidɩ pɛɛnɔn 'le nɔanba -ji. Ɛn "nyian 'nan -e 'e -kaa drɛ minnun 'saun nɛn o cɩ 'e 'saza 'le vɛ -a bɛ waa. Yaa drɛ zɩɛ 'nan, -e -kaa kɔn minnun nɛn o cɩ 'o kɔaladɩ 'wɩ "yi "drɛdɩ man bɛ waa.

Ebre 2:15

E drɛ zɩɛ 'nan -e minnun nɛn -wee "klandɩ -ka 'lɔ -le "wɛan o ya Satan -le nɔannun a bɛ, Zozi 'e o 'si Satan -lɔ nɔanba -ji.

Apokalis 21:4

Bali 'bɔ 'bɛ -taa "o yiɛ 'yi bʋʋlɛ. -Kadɩ 'ka "nyian kɔan min man dɩ, ɛn -cɛ 'ka "nyian bɔa min da dɩ, ɛn -wuɔdɩ 'ka "nyian kɔan min man dɩ, ɛn 'wɩ 'nanmandɩ 'ka "nyian kɔan min man dɩ. Kɔɔ 'wɩnun nɛn e dra 'e tɛdɛ bɛ, 'bɛ yi -ka.»