Rɔmɛn 14:4 - Yaouré

⁴ -Tɩ nɛn 'i 'bɔ "le "a, ɛn 'i tin -tɛa "min pee 'suzan da? -A 'wɩ a -a 'bɔ 'lee 'e 'tazan yei. -Yɛɛ ve 'nan, e ya -si tɩglɩ da, -tɛ 'bɛ "cɛɛ dɩ e 'si -si tɩglɩ da. Maan ve 'yiɛ 'nan 'plɛblɛ a Minsan Bali lɔ -e min zɩɛ 'e vɩlɛ 'e 'si -si tɩglɩ da dɩ.

Rɔmɛn 14:4 ပူးပေါင်းရင်းမြစ်များ

Drɛwɩ (Actes) 11:17

Bali 'yee lei 'saun 'nɔn minnun nɛn o 'ka Zuif 'nɔn 'a dɩɛ -wlɛ "le zɩ yaa -nɔn -cɛɛ te -kaa wɩɩ Minsan Zozi Crizi -le 'wɩ man bɛ -yee 'wɩ 'zʋ. -Tɩ nɛn maan -e 'an vɩ Bali lɛ 'nan, te 'e 'wɩ zɩɛ -a drɛ dɩ?»

Rɔmɛn 11:23

Ɛn Izraɛl 'nɔn 'bɔ 'le vɛ bɛ, -te -wee "trɔɛn "yuyu zɩɛ o 'si -a 'tandɩ man ɛn o yi -tɛradɩ 'sia Zozi da bɛ, Bali o -tɔa 'o "pa 'ji "nyian. Kɔɔ Bali a 'plɛblɛ -e 'e 'wɩ zɩɛ -a drɛ.

Rɔmɛn 14:3

Min nɛn e fɛ pɛɛnɔn 'ble bɛ, te 'e min nɛn e fɛ -mie -blɩdɩ ye 'wɩ 'wlidɩ "drɛdɩ -a bɛ -a drɛ 'e 'pɛla koda "fo "dɩ! Ɛn "nyian bɛ, min nɛn e fɛ -mie -blɩdɩ ye 'wɩ 'wlidɩ "drɛdɩ -a bɛ, te 'e tin -tɛ min nɛn e fɛ pɛɛnɔn 'ble bɛ -a da "fo "dɩ! Kɔɔ Bali -a drɛ 'yee min -a.

Rɔmɛn 16:25

-Kaa Bali 'tɔ bɔ! -Yɛɛ 'ka 'man -tɔa 'plɛblɛ 'cee yi -tɛradɩ Zozi da -a. Zozi Crizi -le 'wɩ 'nɔnnɔn nɛn maan ve minnun lɛ bɛ, -a 'bɔ 'a nɛn e 'ka 'man -tɔa 'plɛblɛ. 'Wɩ 'nɔnnɔn zɩɛ -yɛɛ Bali -le 'wɩ yɔɔdɩ nɛn e -fʋ 'e yɔɔdɩ minnun man -a -nan lɛ 'ka lɛ va dɩɛ, -a 'ta bɔala minnun lɛ.

Rɔmɛn 9:20

E ya "le 'an laabʋ 'nan: «-Tɩ nɛn blamin -a, ɛn e -sa -fɔa Bali 'nɛan?» Kɔɔ blamin a Bali -pɛ drɛ fɛ "tun "a. Ɛn -pɛ drɛ fɛ 'ka 'kɔlaman -e 'e 'wɩ 'tɔ 'e drɛzan man dɩ.

Ebre 7:25

'Bɛ nɛn 'gʋɛ, minnun nɛn o ciɩla Zozi 'va, ɛn o pli Bali man bɛ, Zozi o "sia 'wɩ 'ji 'li "fo "le vɛ -a. Kɔɔ Zozi yiɛ a "man 'li 'trilii, 'nan te e Bali trʋ "baa -wlɛ.

1 Piɛri 1:5

Ka yi -tɛra Bali da, -yee "wɛan Bali 'e yiɛ -tɔa 'ka 'va, 'nan -e 'e 'ka 'si 'wɩ 'ji. 'Cee 'sidɩ 'wɩ 'ji zɩɛ -a ta bɔala yi -fɔla "da "ji.

'Fluba nɛn Zud -a crɛn -tɛ 1:24

'Tɔ -dan 'e 'kɔn Bali -le vɛ -a! E -kɔlaman 'e yiɛ 'tɔdɩ -a 'ka 'va, -e 'ka vɩlɛ 'ka 'wɩ 'wlidɩ "drɛ dɩ. 'Tɔ -dan 'e 'kɔn Bali -le vɛ -a! E -kɔlaman e -ko 'kaa, -e 'ka -yee -dan ci yɩ, te 'tɔ 'ka 'e 'padɩ 'ka man dɩ, te ci "nrandɩ a 'ka 'lɔ.