Rɔmɛn 14:12 - Yaouré

¹² 'Wɩ zɩɛ -yɛɛ -kɔɔnman 'nan, -kaa -tʋdʋ pɛɛnɔn -taa 'wɩnun nɛn -kaa drɛ bɛ, -a -sru "vɩlɛ Bali lɛ.

Rɔmɛn 14:12 ပူးပေါင်းရင်းမြစ်များ

Matie 12:36

Maan ve 'cɛɛ 'nan, yi nɛn Bali minnun -le tin "baa bɛ, 'wɩ pɛɛnɔn nɛn min a 'bɔla 'e 'le bɛ, yi zɩɛ -a da nɛn min -a -ci ve.

Matie 16:27

'Wɩ pɛɛnɔn zɩɛ maan -cin -tɔ 'ka 'ji, kɔɔ tʋ nɛn an -ta pee wo bɛ, 'an 'bɔ Blamin -pɩ, an -taa 'an "tɩ "le 'tɛ 'san da 'kʋ 'vale 'mɛn 'pasianɔn nɛn laji bɛ waa. Tʋ zɩɛ -a man nɛn min -tʋ 'e drɛ wɩ man -kopa ye.

Zozi Crizi -le 'wɩ 'nɔnnɔn nɛn Luk -a crɛn -tɛ 16:2

-A -nan nɛn fɛzan -a laabʋ, ɛn e 'wɩ 'gʋɛ -a laabʋ -yrɔ. E 'nan: ‹-Mɛ "wɩ nɛn maan 'man 'i man 'gʋ? Yi'a 'kɔlaman -e 'i 'fʋ 'an yɩfɛ da "nyian "fo "dɩ. -Yee "wɛan 'nyranman pɛɛnɔn nɛn yia 'pa bɛ, 'i -sru "vɩ 'mɛn!›

2 Korɛnti 5:10

Kɔɔ yi -tʋ bɔa "bɛ, -kaa tʋdʋ pɛɛnɔn bɔala 'ji Crizi cɛin -da. Yi zɩɛ -a da nɛn 'nyranman nɛn min -tʋ -a 'pa bɛ, yaa -sru "ve. Tʋ nɛn e ya 'trɛda 'gʋɛ, -te 'wɩ "yi "nɛn yaa drɛ bɛ, yaa man -kopa ye, ɛn -te 'wɩ 'wlidɩ "nɛn yaa drɛ bɛ, yaa man -kopa ye.

Galatɩ 6:5

Kɔɔ zɩ min -tʋ 'wɩ drɛ bɛ, -a da 'sinan nɛn e -taa -a 'palɛ.

1 Piɛri 4:5

'Pian Bali yi -tʋ 'pla, -e 'o 'wɩ zɩɛ -a -sru "vɩ. Yi zɩɛ e 'bɔ 'kogo. -A da nɛn e minnun nɛn 'o yiɛ cɩ "man, 'lee minnun nɛn o -ka bɛ, e -wee 'wɩ tin "baa.