Rɔmɛn 13:8 - Yaouré

⁸ Te min -tʋ -le fiɛn 'e 'kɔn 'ka da "fo "dɩ! 'Pian fɛ nɛn 'e 'kɔn 'ka da "le fiɛn -le 'wɩ 'zʋ bɛ, -yɛɛ cɩ 'ka cin yɩdɩ "yi "a. Kɔɔ min nɛn 'e bɔɛzan ye "yi "bɛ, te 'wɩ nɛn Bali -le -pei -a 'vɩ bɛ, -a da nɛn e cɩ 'ta wʋlanan.

Rɔmɛn 13:8 ပူးပေါင်းရင်းမြစ်များ

Matie 7:12

'Wɩ pɛɛnɔn nɛn ka ya "va 'nan minnun 'o drɛ 'cɛɛ bɛ, -a 'wɩ 'bɔ -tʋwli zɩɛ -nyrɛn 'ka -wee "drɛ! 'Wɩ zɩɛ -a 'bɔ nɛn Moizi -le -pei -a 'vɩ 'nan blamin 'e drɛ. Ɛn -a -tʋwli "nɛn "nyian Bali 'lewei vɩnɔn -a 'vɩ 'nan blamin 'e drɛ.»

Zozi Crizi -le 'wɩ 'nɔnnɔn nɛn Zan -a crɛn -tɛ 13:34

An -pei -trɛ -tɔa 'cɛɛ, -nyrɛn 'nan 'ka cin yɩ "yi "le zɩ an 'ka 'yɩ "yi "bɛ -yee 'wɩ 'zʋ.

Rɔmɛn 13:10

Kɔɔ -te min 'e bɔɛzan ye "yi "bɛ, ya'a 'wɩ 'wlidɩ 'dra -yrɛ "dɩ. -Yee "wɛan min nɛn 'e bɔɛzan ye "yi "bɛ, te 'wɩ nɛn Bali -le -pei -a 'vɩ bɛ, -a da nɛn e cɩ 'ta wʋlanan.

Rɔmɛn 13:7

Fɛ pɛɛnɔn nɛn 'ka da fiɛn -a bɛ, 'ka 'nɔn minnun lɛ. -A -mie nɛn "le 'sukɔlɛ -pan wʋdɩ -zʋ, 'ka 'pan wʋ. Ɛn -a -mie nɛn "le 'cee fɛnun man -pan wʋdɩ -zʋ, 'ka -pan wʋ. Ɛn -a -mie nɛn "le yiɛ 'nandɩ min man -zʋ, 'ka yiɛ 'e 'nan min man. Ɛn -a -mie nɛn "le min bɔdɩ -zʋ, 'ka min bɔ.

Galatɩ 5:14

-Yɛɛ cɩ Bali -le -pei -tɔ wɩnun pɛɛnɔn 'lɛ sɔɔdɩ -a. Kɔɔ e ya 'e 'crɛn -tɛdɩ 'nan: «'I bɔɛzan -tʋ yɩ "yi "le 'yie 'wɩ 'zʋ!»

Kolɔs 3:14

Ɛn 'wɩ 'tʋwli "nɛn e cɩ -a pɛɛnɔn zɩɛ -a -wulo -a bɛ, -nyrɛn 'nan 'ka cin yɩ "yi. Kɔɔ 'ka cin yɩdɩ "yi 'bɛ -maan 'lɔɔ 'shɛ 'lee -sɛɛ -kɔan 'ka yei.

1 Timote 1:5

Bali -le 'wɩ "paadɩ 'le 'srannan "nɛn 'nan yɩdɩ "yi 'e 'kɔn 'ka yei. Ɛn yɩdɩ "yi zɩɛ 'ka drɛ 'ka 'ci 'fɩdaa 'a! Te 'ka 'wɩ drɛ te 'ka 'wulo -ji "nrɔndɩ tin -tɛa 'ka da dɩ! Ɛn yɩdɩ "yi zɩɛ, e 'si yi -tɛradɩ Zozi da nɛn e 'ka "ta lou 'e "tun "dɩɛ -a va.

Zaji 2:8

Bali -le 'fluba 'ji bɛ, -yee -pei -tɔ wɩ -dan tʋ -a. E ya 'e 'crɛn -tɛdɩ 'nan: «'I bɔɛzan -tʋ yɩ "yi "le 'yie 'wɩ 'zʋ!» -Te 'wɩ zɩɛ -a drɛnan nɛn ka cɩ bɛ, te ka 'wɩ "yi drɛ.

1 Zan 3:10

'Pian bii nɛn yi'a 'wɩ tɩglɩ 'dra dɩɛ, te Bali -le 'nɛn "cɛɛ 'yia dɩ. Ɛn -te yi'a 'i "bʋɩ -tʋ ye "yi "dɩɛ, te Bali -le 'nɛn "cɛɛ 'yia dɩ. 'Wɩnun zɩɛ -a man nɛn o Bali -le 'nɛn 'lee Satan -le 'nɛn -kɔnnɛn "ye.