Rɔmɛn 13:1 - Yaouré

¹ Min -tʋdʋ pɛɛnɔn nɛn 'trɛda bɛ, 'o 'ta wʋla 'wɩ nɛn minnun tanɔn 'a ve bɛ -a da! Kɔɔ minnun tanɔn pɛɛnɔn bɛ, Bali 'bɛ o -tɔ.

Rɔmɛn 13:1 ပူးပေါင်းရင်းမြစ်များ

Matie 6:13

Te 'i 'kʋ 'tʋɩ -e Satan 'e 'kʋ 'man yɩ dɩ. 'Pian 'i 'kʋ 'si -yrɔ. [Mingɔnnɛn -blɩdɩ, 'lee 'plɛblɛ, 'lee 'tɔ -dan a 'li 'e 'cɛn 'yie vɛ -a, -trilii. Amɛn!]

Zozi Crizi -le 'wɩ 'nɔnnɔn nɛn Zan -a crɛn -tɛ 19:11

Zozi "e 'nan -yrɛ 'nan: «Yi'a 'kɔlaman fɛ -tʋ drɛdɩ -a 'mɛn, te Bali "cɛɛ -si -nɔn dɩ, -yee "wɛan min nɛn yaan 'nɔn 'yiɛ bɛ, -yee 'wɩ 'wlidɩ 'bɛ cɩ -dan.»

Drɛwɩ (Actes) 2:41

Minnun nɛn o Piɛri wei 'man "yi "bɛ, Zozi 'le 'pasianɔn o -batize drɛ. Yi 'bɔ zɩɛ -a da, min -kpi yaaga bɛ 'o 'fli -nɔn Bali lɛ.

Rɔmɛn 12:21

Maan ve 'yiɛ 'nan, te 'i 'fli 'tʋɩ -e 'wɩ 'wlidɩ 'e 'i 'klɩ dɩ, 'pian 'i 'wɩ 'wlidɩ 'klɩ 'wɩ "yi "drɛdɩ -a.

Rɔmɛn 13:2

-Yee "wɛan min nɛn e o wei fuila 'nan bɛ, te Bali va nɛn e cɩ yiɛ 'plɛ 'tannan. Minnun nɛn o 'wɩ zɩɛ -a dra bɛ, Bali 'wɩ "nɛn -kɔɔnman -wlɛ.

Efɛz 5:21

'Ka cin wei man "yi! Zɩ ka "klandɩ Crizi -lɔ -ci -kɔɔn zɩɛ!

1 Timote 2:2

'Ka Bali trʋ 'ba minnun nɛn mingɔnnɛnnun -a bɛ -wlɛ, 'lee minnun nɛn min tanɔn 'a bɛ -wlɛ. 'Ka drɛ zɩɛ -e -kaa man 'e 'fɔla flɩɩ te "pɛn 'ka -kaa man dɩ. -A -nan nɛn -kaa -kɔlaman Bali 'sudɩ -a, ɛn -cee ta wʋdɩ minnun va bɛ e -kɔan 'e 'sʋdɩ "ji.

'Fluba nɛn Pɔl -a crɛn -tɛ Tit lɛ 3:1

'I -cin -tɔ Zozinɔn pɛɛnɔn 'ji 'nan, 'o 'ta wʋla minnun tanɔn wei da, ɛn 'wɩ nɛn waa ve bɛ 'o drɛ! Ɛn o man 'e 'kɔn 'e wʋʋdɩ tʋ pɛɛnɔn man 'wɩ "yi "drɛdɩ -a!

'Fluba nɛn Zud -a crɛn -tɛ 1:8

Minnun nɛn o wla 'ka yei "bɛ, 'wɩ 'tʋwli zɩɛ -a 'bɔ nɛn waa dra. Nyrin nɛn waa -tɛa "bɛ, -a da nɛn o 'wɩ "paa -e 'o 'wɩ 'wlidɩ "drɛ, -e 'o Bali wei -fɔla 'o "trɔɛn -sru, -e 'o 'tɔ srɔ Bali -le 'pasianɔn nɛn laji ɛn o cɩ -dan -a bɛ, o man.

Apokalis 1:5

Ɛn "nyian bɛ, Zozi Crizi 'e 'yee "yi 'lee 'yee -fʋdɩ -trɔɔ -nɔn 'cɛɛ. -Yɛɛ cɩ 'wɩ zɩɛ -a -nan yɩzan -a, ya'a 'wɩ ve 'wlu 'a dɩ. Ɛn -yɛɛ cɩ min nɛn Bali -a wluan -kanɔn 'va 'e tɛdɛ bɛ -a, ɛn -yɛɛ mingɔnnɛnnun pɛɛnɔn nɛn 'trɛda bɛ o "paala. Zozi Crizi -kaa ye "yi. E wɩɩ "man ɛn minnun -a -tɛ, 'nan -e -a nyɛn 'e -kaa 'sʋ 'wɩ 'wlidɩ 'lɔ.

Apokalis 17:14

Ɛn o -kʋ -kuli -tɔlɛ Bali -le 'bla man. 'Pian Bali -le 'bla o klɩ, kɔɔ -yɛɛ cɩ minsannun da Minsan -a, ɛn -yɛɛ cɩ mingɔnnɛnnun da mingɔnnɛn -a. Minnun nɛn Bali -le 'bla o laabʋ ɛn e o 'si "va 'yee vɛ -a bɛ, -wɛɛ -taa mingɔnnɛnnun 'klɩlɛ 'o 'vale Bali -le 'bla 'a.»

Apokalis 19:16

'Tɔ 'tʋ a 'e 'crɛn -tɛdɩ -yee sɔ da -a "pin "man. Waa crɛn -tɛ 'nan: Mingɔnnɛnnun da mingɔnnɛn, ɛn minsannun da Minsan.