Rɔmɛn 12:8 - Yaouré

⁸ Ɛn -te min -tʋ -le vɛ a "nyian Zozinɔn "koe "tɔdɩ -a o da bɛ, 'e drɛ. Ɛn -te min -tʋ -le vɛ a "nyian fɛ -tʋ -nɔndɩ -a minnun lɛ bɛ, 'e drɛ 'e 'ci 'fɩdaa 'a. Ɛn -te min -tʋ -le vɛ a yiɛ -tɔdɩ -a -leglizi 'nɔn 'va bɛ, 'e drɛ 'e 'ta 'le "koe "a. Ɛn -te min -tʋ -le vɛ a "nyian min nyrinda 'sidɩ -a bɛ, 'e drɛ 'ci "nrandɩ -a.

Rɔmɛn 12:8 ပူးပေါင်းရင်းမြစ်များ

Matie 25:40

Tɔɔn 'an 'bɔ mingɔnnɛn, maan ve -wlɛ 'nan: ‹Maan ve 'cɛɛ 'wɩ tɩglɩ 'a 'nan, tʋ nɛn ka ya 'wɩnun zɩɛ -a drɛnan 'an "bʋɩnun 'gʋɛ o va min "wɛnnɛn 'tʋ lɛ bɛ, te 'an lɛ nɛn ka cɩ -a drɛnan.›

Drɛwɩ (Actes) 11:23

Zɩ e 'bɔla 'nan nun bɛ, Bali -le "yi "nɛn yaa drɛ -wlɛ "bɛ yaa -nan 'yɩ, ɛn yaa ci nran. -A -nan nɛn Barnaba o "koe "tɔ 'o da 'nan, te 'o 'si Minsan -sru "fo "dɩ.

Drɛwɩ (Actes) 13:12

Zɩ -kɔnmandan 'wɩ zɩɛ -a -nan 'yɩ bɛ, ɛn e -fɔ Zozi 'va. Minsan -le 'wɩ nɛn yaa 'man, ɛn yaa -nan 'yɩ bɛ, yaa 'kan 'e 'ciɩla "da.

Drɛwɩ (Actes) 13:15

Zɩ o cɛɛn Bali -le 'wɩ mandɩ man -pei 'fluba 'ji 'lee Bali 'lewei vɩnɔn 'le 'fluba 'ji bɛ, ɛn Zuif 'nɔn 'le cin yɩ 'kɔn 'tazan min 'pa 'sia Pɔl 'lee Barnaba -va 'nan 'o laabʋ -wlɔ 'nan: «"Bʋɩnun, -te 'wɩ -mie a 'ka 'ji -e 'ka 'kʋ "koe "tɔ 'kʋ da bɛ, 'ka vɩ "mɛn!»

Drɛwɩ (Actes) 15:32

Zudazi 'lee Sila nɛn Bali 'lewei vɩnɔn 'a bɛ, o 'wɩ "kaga tin 'ba -wlɛ, o man -tɔ 'plɛblɛ, ɛn o "koe "tɔ 'o da.

Drɛwɩ (Actes) 20:2

Pɔl 'bɔla Masedɔa, ɛn e Zozinɔn "koe "tɔ 'o da wei "kaga "a. "Bɛ -sru, ɛn e -kʋ Grɛk.

Drɛwɩ (Actes) 20:28

-Yee "wɛan 'ka drɛ "yi 'ka 'fli -va 'lee minnun nɛn Bali lei 'saun o -nɔn 'cɛɛ 'nan 'ka yiɛ 'tɔ o va bɛ o va. 'Ka yiɛ 'tɔ Bali -le -leglizi bɛ -a va, Minsan Bali -a 'lɔ 'e 'pɩ nyɛn -a.

Drɛwɩ (Actes) 4:36

Levi min -tʋ a o va, waa -ya Sipri 'lɛglɔn 'ji, -a 'tɔ nɛn Zozɛfʋ, ɛn Zozi 'le 'pasianɔn -a 'tɔ 'pa "nyian Barnaba, 'bɛ 'ci 'bɛ cɩ 'nan min nɛn e min "koe -tɔa 'e da.

Rɔmɛn 12:13

'Ka "bʋɩ Zozinɔn nɛn fɛ -tʋ 'wɩ -a o man bɛ, 'ka 'pa o va! Ɛn minnun nɛn o bɔala 'ka 'va bɛ, 'ka o 'kun 'ka 'pɛ "fli "a!

Rɔmɛn 13:6

'Wɩ zɩɛ -a bɔdɩ 'ka man -le "wɛan bɛ, 'ka 'sukɔlɛ -pan wʋ -wlɛ! Kɔɔ -te minnun tanɔn a -a -wɛɛnan 'nan, 'fla 'e 'fʋ -trɔɔ bɛ, Bali -le 'nyranman nɛn waa "paa.

1 Korɛnti 12:28

Bali 'nyranman -pɛba 'wʋ Zozinɔn 'tʋdʋ pɛɛnɔn 'lɔ -leglizi -ji. -A tɛdɛ nɛn Zozi 'le 'pasianɔn 'a, ɛn -a "flizan nɛn Bali 'lewei vɩnɔn 'a, ɛn -a yaagazan nɛn Bali -le 'wɩ "paanɔn 'a. -Wee -sru "bɛ, Zozinɔn nɛn o -cɛ -srɔn "wɩnun dra bɛ o nɛn. -Wee -sru "bɛ, Zozinɔn nɛn o -cɛ "sia minnun man bɛ o nɛn. -Wee -sru "bɛ, Zozinɔn nɛn o "paa minnun va bɛ o nɛn. -Wee -sru "bɛ, Zozinɔn nɛn o -tɔa -si 'lɛ bɛ o nɛn. -Wee -sru "bɛ, Zozinɔn nɛn o "we weinun nɛn blamin 'ka -a -ci maan dɩɛ -a -ji bɛ o nɛn.

1 Korɛnti 14:3

'Pian min nɛn e Bali 'lewei ve bɛ, blaminnun lɛ nɛn e 'wɩ tin "baa. E 'wɩ tin "baa -wlɛ, te -wee yi -tɛradɩ Bali da "paa "da, te e 'wɩ "paala -wlɛ, ɛn te e 'o "koe -tɔa 'o da.

2 Korɛnti 1:12

'Wɩ nɛn 'kʋ 'ci "nranman bɛ -nyrɛn 'nan, 'kʋ 'wulo -ji "nrɔndɩ 'ka tin tɛa 'kʋ da dɩ. Kɔɔ kʋ ta 'wʋ min -tʋdʋ pɛɛnɔn 'va 'kʋ 'ci 'fɩdaa 'a "le zɩ Bali -a dra bɛ -yee 'wɩ 'zʋ. Ɛn 'ka 'va nɛn kʋa drɛ "bʋʋ. 'Pian blamin -le 'wɩ 'tɔdɩ "cɛɛ -maan kʋ 'wɩ zɩɛ -a drɛ dɩ, Bali -le "yi "nɛn.

2 Korɛnti 11:3

'Wɩ nɛn -mlɛn -a drɛ 'li Ɛv lɛ bɛ, 'ka 'ci "nrɔn "da! E Ɛv man 'yɩ 'yee see "paa weinun -a. "Klan a 'an 'ji 'nan, te 'cee vɛ 'e drɛ zɩ dɩ! Kɔɔ an ya "vale 'nan 'ka 'fʋ Zozi Crizi -tʋwli -sru, ɛn 'ka 'fʋ -a -sru 'ka 'ci 'fɩdaa 'a.

2 Korɛnti 8:12

Maan ve 'cɛɛ 'nan, -te min fɛ -nɔn 'e 'ci 'fɩdaa 'a, "le zɩ -a -pɛ "sɔa -a bɛ -yee 'wɩ 'zʋ bɛ, -yɛɛ 'sɔ Bali lɛ. 'Pian 'bɛ nɛn min -pɛ 'ka 'sɔa 'bɛ 'nɔndɩ -a dɩɛ, Bali 'ka tin tɛa min da 'bɛ man dɩ.

2 Korɛnti 9:11

'Wɩ 'kpa, Bali -taa 'ka drɛlɛ fɛnɔn 'a -pɛ "kaga "ji, -e 'ka -kɔla "fɛ -nɔndɩ -a minnun lɛ 'kpa tɩglɩ. Tɔɔn 'cee "yi "nɛn kaa "paa 'kʋ 'lɔ -e 'kʋ 'kʋ -a bɛ, -yee "wɛan minnun -taa Bali muo "fɔlɛ.

2 Korɛnti 9:13

'Cee "yi "drɛdɩ zɩɛ, -te waa -nan 'yɩ bɛ, o Bali 'tɔ dra -dan. Kɔɔ ka ya 'ta wʋlanan Zozi Crizi -le 'wɩ 'nɔnnɔn da, ɛn ka fɛ -nɔan -wlɛ 'ka 'ci 'fɩdaa 'a, ɛn kaa dra zɩɛ min pɛɛnɔn lɛ.

2 Korɛnti 9:7

'Wɩ zɩɛ -a da nɛn 'ka 'ci "nrɔn, -e min -tʋ 'e 'nɔn "le zɩ e 'si -a souba man bɛ -yee 'wɩ 'zʋ. Te 'e -nɔn 'e 'ci "pou "a dɩ, ɛn te 'e -nɔn "le 'nan fɛ nɛn min a 'e 'tɔdɩ -a -sru "bɛ -yee 'wɩ 'zʋ dɩ. Kɔɔ min nɛn e fɛ -nɔan ci "nrandɩ -a bɛ -a san nɛn Bali -a ye "yi.

Efɛz 6:5

'Ka nɔannun bɛ, 'ka 'ta wʋla 'ka 'tanɔn wei da! 'Ka "klan Bali lɔ ɛn 'ka drɛ 'ka 'ci 'fɩdaa 'a! Ɛn 'ka 'ci "nrɔn 'nan, ka ya -a drɛnan Crizi lɛ!

Kolɔs 3:22

Kaa nɛn ka cɩ nɔannun -a bɛ, 'ka 'ta wʋla 'ka 'tanɔn wei da -pɛ pɛɛnɔn 'ji! Te 'ka drɛ o yiɛ lɛ 'saza 'nan -e 'o 'ka yɩ "yi "dɩ! 'Pian 'ka "klan Minsan lɔ, ɛn 'ka drɛ 'ka 'ci 'fɩdaa 'a!

1 Tesalonik 2:3

Kʋ "koe 'sia, ɛn kʋ 'wɩ zɩɛ -a drɛ. Kɔɔ Bali -le 'wɩ nɛn kʋa ve minnun lɛ bɛ, kʋ'a ve 'wlu 'a dɩ, ɛn kʋ'a ve 'ci "nrɔndɩ -wlidɩ "a dɩ, ɛn kʋ'a -dawli dra dɩ.

1 Tesalonik 2:8

Ɛn 'ka yɩdɩ "yi "bʋʋ "le "wɛan, Bali -le 'wɩ 'nɔnnɔn 'saza "cɛɛ kʋa 'vɩ 'cɛɛ dɩ, 'pian 'kʋ 'fli -nɔn 'cɛɛ "fo. 'Wɩ 'kpa, 'ka 'nan wɩ a 'kʋ man "bʋʋ, -yee "wɛan kʋa drɛ zɩ.

1 Timote 4:13

'Wɩ nɛn e cɩ "le 'i yiɛ 'trɔa "da "trilii 'vaa -e 'mɛn 'lʋdɩ 'e bɔ bɛ -nyrɛn 'gʋ: 'I Bali -le 'fluba ta vɩ Zozinɔn lɛ! Ɛn "nyian 'wɩ 'bɔ nɛn Bali -a 'vɩ bɛ 'i -ci 'si -wlɛ -e 'o "koe 'e 'tɔ 'o da! Ɛn "nyian 'i Bali -le 'wɩ "paa o ji!

1 Timote 5:17

Minnun nɛn o o -tɔ -leglizi min ceje -a bɛ, -te o yiɛ -tɔa -leglizi -va 'kpa bɛ, 'ka o muo "fɔ -pɛ "kaga "ji. 'Pian minnun nɛn ka o muo -fɔa 'e "mlianla "da "bɛ, minnun nɛn o Bali -le 'wɩ ve, ɛn o Bali -le 'wɩ "paaman bɛ o nɛn.

1 Timote 6:18

'I vɩ -wlɛ 'nan, 'o 'wɩ "yi "drɛ, ɛn o drɛ wɩ "yinun nɛn 'e 'kɔn "kaga. 'I vɩ -wlɛ 'nan fɛ 'e 'sʋ o man, ɛn 'o 'pa min va.

Ebre 10:25

Cin nɛn kaa ye -e 'ka Bali trʋ 'ba bɛ, te 'ka -nan -kʋdɩ 'le 'tɔ dɩ. Min -mienun 'wɩ zɩɛ -a drɛ 'e -trɔa waa 'va, te 'ka drɛ "le -wee 'wɩ 'zʋ dɩ! 'Pian 'ka cin "koe "tɔ 'ka da -e 'ka man 'e 'tɔ 'plɛblɛ -a -nan -kʋdɩ -a. Kɔɔ kaa -tɔa 'nan Minsan -tadɩ a bɔnan -kogo.

Ebre 13:17

'Ka "trɔɛn "tɔ 'wɩ nɛn 'ka 'lɛnɔn -a ve 'cɛɛ bɛ -yrɛ, ɛn 'ka 'ta wʋla "da! -Wɛɛ yiɛ -tɔa 'ka 'va, ɛn 'wɩ pɛɛnɔn nɛn waa dra bɛ waa 'sinan "paa Bali lɛ. -Te ka o wei 'man ɛn ka 'ta 'wʋla "da "bɛ, o -wee 'nyranman "paa ci "nrandɩ -a. Kɔɔ -te o 'nyranman 'pa 'wɩ 'nanmandɩ -a bɛ, e 'ka 'cee 'wɩ "yi "a "fo "dɩ.

Ebre 13:22

'An "bʋɩ Zozinɔn, 'wɩnun nɛn maan 'pla 'cɛɛ bɛ, te 'ka -fɔla 'ka "trɔɛn -sru "dɩ, kɔɔ e 'ka 'wɩ "kaga "a dɩ.

Ebre 13:24

An 'ka 'lɛnɔn pɛɛnɔn 'tɔ bo, ɛn an Zozinɔn 'tɔ bo. Zozinɔn nɛn Itali bɛ, o 'nan 'o 'ka 'tɔ bo.

Ebre 13:7

'Ka 'lɛnɔn nɛn o Bali -le 'wɩ 'paa 'ka 'ji 'e tɛdɛ bɛ, 'ka 'ci "nrɔn -wee 'wɩ drɛdɩ da, ɛn 'ka 'ci "nrɔn -wee -kadɩ da! 'Cee yi -tɛra Zozi da -ji bɛ, 'o drɛ 'cee 'wɩ -kɔɔn "mannɔn 'a.