Rɔmɛn 12:14 - Yaouré

¹⁴ Minnun nɛn o 'tɛ "paa 'ka da bɛ, 'ka 'fɛa vɩ o man! Te 'ka wei 'pla o man dɩ, 'pian 'ka 'fɛa vɩ o man!

Rɔmɛn 12:14 ပူးပေါင်းရင်းမြစ်များ

Matie 5:44

'Pian 'an 'bɔ, "an "ve 'cɛɛ 'nan, 'ka 'ka 'nanmannɔn yɩ "yi, ɛn "nyian bɛ 'ka Bali trʋ 'ba minnun nɛn o 'tɛ "paa 'ka da bɛ, -wee 'wɩ man!

Zozi Crizi -le 'wɩ 'nɔnnɔn nɛn Luk -a crɛn -tɛ 23:34

-A -nan nɛn Zozi "e 'nan: «'An "tɩ, 'wɩ 'wlidɩ "nɛn o cɩ -a drɛnan 'mɛn bɛ, 'i o man wɩ 'cɛ. Kɔɔ 'wɩ nɛn o cɩ -a drɛnan bɛ, wa'a tɔa dɩ.» 'Sounjanun Zozi 'man sɔ pli 'lein 'wlɛ 'tuʋladɩ da.

Zozi Crizi -le 'wɩ 'nɔnnɔn nɛn Luk -a crɛn -tɛ 6:28

'Ka 'fɛa vɩ minnun nɛn o -yʋ -saanman 'ka man bɛ o man! Minnun nɛn o 'tɛ "paa 'ka da bɛ, 'ka Bali trʋ 'ba -wlɛ!

Drɛwɩ (Actes) 7:60

-A -nan nɛn 'e "po sɔɔn, ɛn e paan 'plɛblɛ 'kpa. E 'nan: «Minsan, 'i 'wɩ 'wlidɩ 'gʋɛ -a 'cɛ -wlɛ.» Zɩ e cɛɛn 'wɩ zɩɛ -a vɩdɩ man bɛ, ɛn 'e yiɛ 'lɛ 'wʋ.

Rɔmɛn 12:21

Maan ve 'yiɛ 'nan, te 'i 'fli 'tʋɩ -e 'wɩ 'wlidɩ 'e 'i 'klɩ dɩ, 'pian 'i 'wɩ 'wlidɩ 'klɩ 'wɩ "yi "drɛdɩ -a.

1 Tesalonik 5:15

'Ka drɛ "yi, te min -tʋ 'e 'wlidɩ "man -wlidɩ "drɛ 'e bɔɛzan lɛ dɩ! 'Pian tʋ pɛɛnɔn man bɛ, 'wɩ "yi "nɛn 'ka drɛ 'ka cin lɛ, ɛn 'ka drɛ "nyian min pɛɛnɔn lɛ!

Zaji 3:10

Min 'le 'a nɛn min -fɛa ve min man. Ɛn min 'le 'tʋwli zɩɛ -a 'bɔ 'a nɛn min 'e wei "paala min man. 'An beenun, te 'cee vɛ 'e 'kɔn zɩɛ dɩ!

1 Piɛri 3:9

-Te min -tʋ 'wɩ 'wlidɩ drɛ -cɛɛ bɛ, te 'ka man 'wɩ 'wlidɩ "drɛ dɩ! -Te min 'ka srɔn bɛ, te 'ka 'lɛji -tɔ dɩ, 'pian -fɛa nɛn 'ka vɩ -a san man! Kɔɔ Bali 'ka laabʋ 'nan, -e 'e -fɛa vɩ 'ka man, -yee "wɛan 'ka 'bɔ "nyian "ka -fɛa vɩ min man!