Rɔmɛn 12:12 - Yaouré

¹² Fɛ nɛn 'ka 'bli cɩ -yrɛ "bɛ -yee "wɛan 'ka 'ci 'e 'fʋ 'e "nrandɩ! Ɛn 'wɩ 'tɔndɔn pɛɛnɔn nɛn e bɔa 'ka man bɛ, 'ka 'pɛ -tɔ 'ka -pɔan "da! Ɛn te 'ka "koe 'e 'nyan Bali trʋ 'badɩ -a dɩ!

Rɔmɛn 12:12 ပူးပေါင်းရင်းမြစ်များ

Matie 5:12

'Ka 'ci 'e "nran 'e 'ciɩla "da, kɔɔ 'ka 'kopa -kɔan -dan laji. Bali 'lewei vɩnɔn nɛn 'ka 'lɔ 'e 'flin bɛ, 'wɩ 'tʋwli zɩɛ minnun -wee drɛ.»

Zozi Crizi -le 'wɩ 'nɔnnɔn nɛn Luk -a crɛn -tɛ 10:20

Ɛn te 'ka 'ci 'e "nran 'nan, cɛɛ cɩ -yʋ -wlidɩnun da dɩ! 'Pian 'ka 'ci 'e "nran 'nan, 'ka 'tɔ a 'e 'crɛn -tɛdɩ Bali va!»

Zozi Crizi -le 'wɩ 'nɔnnɔn nɛn Luk -a crɛn -tɛ 21:19

'Pian 'ka -pɔan 'e 'sɔ -e 'ka 'belidɩ nɛn ya'a 'nyaan dɩɛ -a yɩ.»

Zozi Crizi -le 'wɩ 'nɔnnɔn nɛn Luk -a crɛn -tɛ 8:15

Min -mienun -le vɛ bɛ, 'wɩ nɛn e 'bɔ 'saa 'wlɛ nɛn e -sran 'trɛ "yi "da bɛ -a man bɛ, -yɛɛ bɔa "nyian -wee "man. O Bali -le 'wɩ 'nɔnnɔn maan 'o 'ci 'fɩdaa 'a. Waa paala 'o 'ji te o 'ta wʋla "da -e -a "nɛn 'e bɔla.»

Drɛwɩ (Actes) 1:14

O 'ci a -tʋwli, ɛn o pɛɛnɔn Bali trʋ "baa 'kɔn zɩɛ -a -ji tʋ pɛɛnɔn man. -Wɛɛ cɩ 'o 'vale lɩmɔn -mienun 'lee Zozi "bʋ Mari 'lee Zozi "bʋɩnun -a.

Drɛwɩ (Actes) 12:5

Piɛri a -pʋ 'kuin, 'pian te Zozinɔn -yee Bali trʋ "baa 'kpa tɩglɩ.

Drɛwɩ (Actes) 2:42

Ɛn tʋ pɛɛnɔn man 'wɩnun nɛn Zozi 'le 'pasianɔn -a "paaman o ji bɛ, waa maan te o 'ta wʋla "da 'o 'ci 'fɩdaa 'a. O ci a -tʋwli, o "paa 'o cin va te 'o cin man wɩ dra. O pɛɛnɔn fɛ -tʋwli "ble 'e cin va Minsan -cin -trɔadɩ o ji -a, ɛn o Bali trʋ "baa 'e cin va.

Drɛwɩ (Actes) 6:4

-Cee vɛ bɛ, -e -kaa yiɛ 'trɔa Bali -le 'wɩ da te -kaa Bali trʋ "baa.»

Rɔmɛn 15:13

Bali nɛn 'ka 'bli a -yrɛ 'nan e -kaa "sia 'wɩ 'ji bɛ, maan trʋ "baa 'nan, 'e ci "nrandɩ 'lee -fʋdɩ -trɔɔ -nɔn 'cɛɛ 'cee yi -tɛradɩ Zozi da -ji. Bali 'e 'wɩ zɩɛ -a drɛ, -e -yee lei 'saun 'le 'plɛblɛ 'e 'ka 'bli 'fʋ -yrɛ 'kpa tɩglɩ.

Rɔmɛn 15:4

'Wɩ pɛɛnɔn nɛn 'e 'crɛn -tɛdɩ Bali -le 'fluba 'ji bɛ, minnun -a crɛn -tɛ 'nan -e 'e 'wɩ "paa -kaa 'ji. Bali wei zɩɛ e -pɔan 'sɔdɩ "paaman -kaa 'ji, ɛn e -kaa "koe -tɔa -kaa da, 'nan -e -kaa 'bli 'e 'fʋ Bali lɛ.

Rɔmɛn 2:7

'Belidɩ nɛn ya'a 'nyaan dɩɛ, yaa -nɔan "minnun nɛn o "koe 'ka 'nyanlɛ Bali ci 'sɔ wɩ drɛdɩ -a dɩɛ -wlɛ. Kɔɔ tʋ pɛɛnɔn man bɛ, waa -wɛɛman 'nan Bali 'e 'tɔ -dan 'nɔn 'wlɛ, ɛn waa -wɛɛman 'nan 'belidɩ nɛn ya'a 'nyaan dɩɛ 'e drɛ 'wee vɛ -a.

Rɔmɛn 8:25

'Pian -cee vɛ bɛ, fɛ nɛn -ka'a ye tian -kaa yiɛ -a dɩɛ, -a lɛ nɛn -kaa 'bli a, ɛn -kaa 'man a 'e -srandɩ -a man -pɛndɩ -a.

1 Korɛnti 13:13

Tʋ nɛn -kaa cɩ -ji 'gʋɛ, 'wɩ nɛn e -fʋ min man 'nan 'e drɛ bɛ, -nyrɛn 'gʋ: Min -le yi -tɛradɩ Bali da a -tʋ, ɛn min 'bli 'fʋdɩ Bali lɛ a -tʋ, ɛn min -le min yɩdɩ "yi "a -tʋ. 'Pian o yaaga zɩɛ -a -dan nɛn "va "bɛ, -nyrɛn min yɩdɩ "yi "a.

2 Korɛnti 12:8

An Minsan trʋ 'ba 'e 'pa -a yaaga 'nan, 'e Satan -le 'pasiazan zɩɛ -a 'si 'an man.

Filipʋ 3:1

'Bɛ nɛn 'gʋɛ 'an "bʋɩ Zozinɔn, 'ka 'ci 'e "nran 'nan ka drɛ Minsan -le vɛ -a. 'Wɩ -tʋwli "nɛn maan 'vɩ 'cɛɛ 'va bɛ, -te maan ve tian 'cɛɛ bɛ, -a vɩdɩ 'ka 'an "koe 'nyaan "fo "dɩ. Ɛn "nyian bɛ e ya 'cee 'wɩ "yi "a.

Filipʋ 4:4

'Ka 'ci 'e 'kɔn tʋ pɛɛnɔn man 'e "nrandɩ 'nan 'ka drɛ Minsan -le vɛ -a! Maan ve "nyian 'cɛɛ 'nan, 'ka 'ci 'e "nran!

Kolɔs 1:11

Ɛn kʋ Bali trʋ 'ba "nyian 'nan, -yee 'plɛblɛ nɛn -a -kɔɔn "manvɛ "ka "dɩɛ, 'e 'ka 'tɔ 'plɛblɛ -pɛ pɛɛnɔn 'ji. Bali 'e drɛ zɩ, -e 'ka "koe 'e vɩlɛ 'e 'si 'ka da dɩ, -e 'ka 'man -sran 'wɩ 'ji, te ci "nrandɩ a 'ka 'lɔ.

Kolɔs 1:27

Kɔɔ -a -cin a Bali ji 'e 'cɛn 'nan, 'e 'wɩ yɔɔdɩ zɩɛ -a ta bɔala 'yee minnun lɛ -e 'o -tɔ 'nan, 'wɩ yɔɔdɩ 'bɔ a -dan, ɛn -a -kɔɔn "manvɛ "ka "dɩ. Ɛn minnun nɛn o 'ka Zuif 'nɔn 'a dɩɛ, e ya -wee vɛ -a "nyian. 'Wɩ yɔɔdɩ 'bɔ nɛn 'nan, kaa nɛn ka 'ka Zuif 'nɔn 'a dɩɛ, Crizi a 'ka yei, ɛn -yɛɛ -maan 'ka 'bli a "da 'nan Bali -le mingɔnnɛn trɛ bɛ, "ka -koo "da.

Kolɔs 4:12

Epafra nɛn 'ka 'va min -a bɛ, e 'nan 'e 'ka 'tɔ bo. Zozi Crizi 'suzan tɩglɩ nɛn. Tʋ pɛɛnɔn man bɛ, e ya 'e kɔaladɩ Bali trʋ 'badɩ man 'cɛɛ. Yaa laabo Bali lɔ 'nan, te 'ka 'pɛ -sru 'e tɔa -yee 'wɩ 'ji dɩ, ɛn "nyian 'nan 'ka drɛ ceje -yee 'wɩ 'ji. Ɛn yaa laabo -yrɔ "nyian 'nan, 'wɩ nɛn e cɩ Bali 'bɔ 'ci 'sɔ 'a bɛ, 'ka -kɔla -a drɛdɩ -a.

Kolɔs 4:2

Te 'ka "koe 'e 'si 'ka da Bali trʋ 'badɩ -a dɩ! 'Ka yiɛ -trɔa "da, ɛn 'ka Bali muo "fɔ!

1 Tesalonik 1:3

'Cee 'nyranman nɛn kaa "paa yi -tɛradɩ Zozi da -a, 'lee 'nyranman 'plɛblɛ nɛn kaa "paa -a yɩdɩ "yi "a, 'lee 'ka yiɛ nɛn e cɩra -kaa 'san Zozi Crizi lɛ bɛ, -a -cin a 'kʋ 'ji yi -tʋdʋ pɛɛnɔn man -kaa "tɩ Bali trʋ 'banan.

1 Tesalonik 5:8

'Pian -cee vɛ bɛ, te 'e 'kɔn zɩ dɩ, kɔɔ -kaa ya yidɛa 'nɔn 'a. -Yee "wɛan -kaa 'fli 'pla! -Kaa yi -tɛra Zozi da, ɛn -kaa yɩ "yi! -Yɛɛ cɩ "le -kaa 'kɔlɛ da yɔɔ vɛ -le 'wɩ 'zʋ -kuli -lɔ! Bali -taa -kaa 'silɛ 'wɩ 'ji. -Kaa -tɔ "da 'plɛblɛ! -Yɛɛ cɩ "le -kaa wulo -man yɔɔ 'kpɔngbo kle "le 'wɩ 'zʋ -kuli -lɔ!

2 Tesalonik 1:4

-Yee "wɛan kʋ 'ka 'sɩ -fɔa Bali -le -leglizi -mienun 'lɛ. Kʋa dra zɩ, kɔɔ minnun a 'tɛ 'panan 'ka da, ɛn ka ya 'ka yra yɩnan, 'pian ka yi -tɛra Zozi da, ɛn ka'a 'silɛ Bali -sru "dɩ.

2 Tesalonik 3:5

Kʋa laabo Minsan lɔ 'nan, 'e 'cee ci "nrɔndɩ 'pla Bali -le min yɩdɩ "yi "da, ɛn e 'pla -pɔan 'sɔdɩ nɛn Zozi 'ji bɛ -a da.

1 Timote 6:11

'Pian 'i 'bɔ Bali -le 'nyranman 'pazan bɛ, te 'wɩnun zɩɛ 'o -pli 'i man "fo "dɩ. 'I -wɛɛ 'nan, 'i 'wɩ nɛn 'e 'sʋdɩ "ji "bɛ -a dra. 'I -wɛɛ 'nan, 'i 'fo 'i lɛadɩ Bali man. 'I -wɛɛ 'nan, 'i yi -tɛala Bali da. 'I -wɛɛ 'nan, 'i Bali ye "yi, ɛn 'i min ye "yi. 'I -wɛɛ 'nan, 'i -pɔan 'e 'sɔ 'wɩ 'ji. Ɛn 'i -wɛɛ 'nan, 'i -kɔan "min -trɔɔ -a.

2 Timote 3:10

'Yie vɛ bɛ, i 'ta 'wʋla Bali -le 'wɩ "paadɩ tɩglɩ da "le 'mɛn 'wɩ 'zʋ. Ɛn zɩ 'mɛn 'ta wʋ -pɛ cɩ bɛ, 'lee 'wɩnun nɛn -a -cin cɩ 'an 'ji 'nan 'an dra bɛ, yia -tɔa ɛn -a da nɛn i cɩ -a drɛnan. 'Mɛn yi -tɛradɩ Zozi da, 'lee 'mɛn man -srandɩ 'wɩ 'ji bɛ, 'lee 'mɛn Bali yɩdɩ "yi "bɛ, 'lee 'mɛn min yɩdɩ "yi "bɛ, yia -tɔa ɛn -a da nɛn i cɩ -a drɛnan. 'Wɩnun nɛn o 'bɔ 'an man 'e pɛɛnɔn te 'an -pɔan "sɔa -ji bɛ, yia -tɔa ɛn -a da nɛn i cɩ -a drɛnan.

'Fluba nɛn Pɔl -a crɛn -tɛ Tit lɛ 2:13

-Kaa drɛ zɩ, te -kaa ci "nran yi -dan bɛ -a man -pɛan. Yi zɩɛ -a da nɛn -kaa 'sizan 'wɩ 'ji Zozi Crizi nɛn -cee Bali -dan a bɛ, e -taa 'yee 'tɛ 'san -a.

'Fluba nɛn Pɔl -a crɛn -tɛ Tit lɛ 3:7

Bali -le "yi "le "wɛan bɛ, e -kaa drɛ min tɩglɩ 'a 'e 'lɛ. -Yee "wɛan -a -cin a -kaa 'ji 'nan 'belidɩ nɛn ya'a 'nyaan dɩɛ, yaa -nɔan -cɛɛ.

Ebre 10:32

'Wɩnun nɛn o 'bɔ 'ka man te ka yi -tɛra Zozi da 'e tɛdɛ bɛ, 'ka 'ci "nrɔn "da. 'Wɩ "kaga 'bɔ 'ka man, ɛn ka yra 'yɩ "kaga, 'pian 'ka 'pɛ -sru 'ka tɔalɛ -e 'ka 'si Zozi -sru "dɩ.

Ebre 10:36

'Ka -pɔan -sran 'e cin da 'dʋ -e 'ka -kɔla 'wɩ nɛn e cɩ Bali ci 'sɔ 'a bɛ -a drɛdɩ -a. -Te kaa drɛ zɩɛ, fɛ nɛn e -tɔ "da 'nan 'e -nɔan 'cɛɛ bɛ, e dra 'cee vɛ -a.

Ebre 12:1

-Cee vɛ bɛ minnun "kaga zɩɛ -wɛɛ drɛ -cee 'wɩ -kɔɔnmannɔn 'a, -yee "wɛan nɛn -kaa -pɔan 'e 'sɔ -cee Bali -sru 'ta wʋdɩ -ji "le -wee 'wɩ 'zʋ! -Kaa 'pɛ 'e 'si 'wɩ nɛn e -si -tɔa -cee Bali -sru 'ta wʋdɩ lɔ bɛ, -a -sru! 'Wɩ zɩɛ 'wɩ 'wlidɩnun nɛn tʋ pɛɛnɔn man o ya "vale 'o -kaa man ye bɛ, -nyrɛn.

Ebre 3:6

'Pian Crizi -le vɛ bɛ, Bali -pɩ nɛn, ɛn Bali 'yee minnun pɛɛnɔn 'pɛba 'wʋ -yrɔ. -Kaa ya Bali -le minnun -a, 'pian e ya 'nan te -kaa 'pɛ -sru 'e 'tɔa dɩ, ɛn -kaa yi -tɛra Minsan da ci "nrandɩ -a.

Ebre 5:7

Tʋ nɛn Crizi a 'trɛda bɛ, e Bali trʋ 'ba 'plɛblɛ, te -a yiɛ 'yi -sɛan 'e da. Ɛn Bali nɛn e -kɔlaman -a 'sidɩ -a -ka 'lɔ bɛ, ya'a wei 'tʋɩlɛa nan dɩ, kɔɔ Crizi man a 'e wʋʋdɩ -e 'e 'ta wʋla 'wɩ pɛɛnɔn nɛn Bali -a ve bɛ -a da.

Ebre 6:12

Kʋ 'ka "va 'nan 'ka 'pɛ 'e plʋ Bali -sru 'ta wʋdɩ man dɩ. Minnun nɛn o yi -tɛra Bali da, ɛn o -pɔan 'sɔ bɛ, 'o drɛ 'cee 'wɩ -kɔɔn "mannɔn 'a! Kɔɔ minnun 'bɔ zɩɛ, fɛ nɛn Bali -tɔ "da 'nan 'e -nɔan "minnun lɛ bɛ, o -taa -a yɩlɛ.

Ebre 6:15

Abraam 'e -pɔan "sran 'e cin da, ɛn 'wɩ nɛn Bali -a 'vɩ bɛ yaa man -pɛn. -Yee "wɛan "bɛ -sru e drɛ -yee vɛ -a.

Zaji 5:7

'An "bʋɩ Zozinɔn, 'ka -pɔan 'e 'sɔ 'trilii, -e Minsan -ta tʋ 'e bɔ. 'Ka 'ci "nrɔn fei 'pazan nɛn e 'yee fɛ 'wlɛ -fɔa 'trɛ 'ji bɛ -a da. Yaa man -pɛan -pɔan 'sɔdɩ -a -trilii, -e laa 'e 'fɛn "man, -e -a -tɛ tʋ 'e bɔ.

1 Piɛri 4:13

Yra nɛn Crizi -a 'yɩ bɛ, 'cee vɛ nɛn ka cɩ "ka "yɩnan. -Yee "wɛan 'ka 'ci 'e "nran, -e tʋ nɛn Crizi -le -dan ta bɔala bɛ, te ci "nrandɩ a 'ka 'lɔ 'e 'ciɩladɩ "da.

1 Piɛri 4:7

Yi nɛn 'trɛ 'gʋɛ e -nyaan "man "bɛ, e 'bɔ 'kogo. -Yee "wɛan te 'ka 'wɩ drɛ "le minnun nɛn o -wulo 'ka 'o da dɩɛ -wee 'wɩ 'zʋ dɩ, 'pian 'ka 'fli 'kun, -e 'ka Bali trʋ 'ba!

2 Piɛri 1:6

Ɛn ka 'wɩ 'tɔ wɩ drɛ bɛ, "bɛ -sru -e 'ka 'fli 'pla. Ɛn 'ka 'fli 'pla bɛ, "bɛ -sru -e 'ka -pɔan 'e 'sɔ. Ɛn 'ka -pɔan 'sɔ bɛ, "bɛ -sru -e 'ka Bali ci 'sɔ wɩ drɛ.

Apokalis 13:10

Min nɛn Bali -a 'pla 'nan 'e 'pʋ 'kɔn 'blɩ bɛ, e -pʋ 'kɔn 'ble. Ɛn min nɛn Bali -a 'pla 'nan 'e 'ka -kuli 'tan sɛn "nɛn "bɛ, waa -tɛa -kuli 'tan sɛn -a. -Yee "wɛan nɛn e ya "le Bali -le minnun -pɔan 'e 'sɔ. Te -wee yi -tɛradɩ Bali da 'le 'e 'tɔ dɩ!