Rɔmɛn 1:21 - Yaouré

²¹ Minnun -a -tɔa 'nan Bali a, 'pian wa'a 'wɩlɛ "man -e 'o 'tɔ -dan -nɔn -yrɛ "le zɩ e cɩ "le blamin 'e drɛ Bali lɛ bɛ -yee 'wɩ 'zʋ dɩ. Ɛn wa'a 'wɩlɛ "man -e 'o muo "fɔ dɩ. 'Pian -wee ci "nrɔndɩ pɛɛnɔn a fɛnun nɛn -a -ci "ka "dɩɛ -a da. Ɛn 'wɩ nɛn Bali cɩ "vale 'o drɛ bɛ, wa'a -kɔlalɛ -a -tɔdɩ -a dɩ, te o -ko -wladɩ -a klun va.

Rɔmɛn 1:21 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 3:19

'Wɩ nɛn -yee "wɛan, Bali 'trɛdanɔn 'le tin "baa bɛ, -nyrɛn 'gʋ, 'tɛ 'san -ta 'trɛda, ɛn minnun 'ka -a yɩlɛ "yi "dɩ, o klun 'yɩ "yi e mlin 'tɛ 'san da, o drɛnan wɩ a -wlidɩ "le "wɛan.

Drɛwɩ (Actes) 26:18

-e 'i o yiɛ 'lɛ 'sʋ, 'dʋ -e 'o 'si klun va, -e 'o 'ta 'tɛ 'san da, -e 'o 'si Satan -le 'plɛblɛ 'wlu, -e 'o 'ta Bali va. -Te o yi -tɛra 'an da -e Bali 'e -wee 'wɩ 'wlidɩ 'fui, -e 'o -nyrannan "yɩ minnun nɛn o cɩ Bali -le vɛ -a bɛ o va.›

Rɔmɛn 1:19

-A -nɔan da nɛn ɛn Bali -le nyran -blɩdɩ a 'e 'pladɩ o man. Kɔɔ 'wɩ nɛn blamin -kɔlaman -a -tɔdɩ -a Bali da bɛ, e ya 'wein -wee vɛ -a. Bali 'bɔ 'bɛ drɛ zɩ.

Rɔmɛn 1:28

Wa'a 'wɩlɛ "man -e Bali nɛn 'e drɛ o tazan -a dɩ. -Yee "wɛan Bali o -nɔn 'wee klin "wɩ drɛdɩ lɛ. Ɛn 'wɩ nɛn e 'ka "le blamin 'e drɛ dɩɛ waa dra 'o cin va.

Rɔmɛn 11:10

Bali 'e o yiɛ 'wi -e 'o vɩlɛ 'o fɛnan yɩ dɩ. Ɛn 'o 'fʋ nɔan -a 'li 'trilii.»

Rɔmɛn 15:9

Ɛn e -ta 'nan, -e minnun nɛn o 'ka Zuif 'nɔn 'a dɩɛ, 'o Bali 'tɔ -dan vɩ -yee o nyrinda 'sidɩ man. 'Wɩ 'bɔ zɩɛ e ya 'e 'crɛn -tɛdɩ 'e 'cɛn Bali -le 'fluba 'ji. Kɔɔ e ya 'e 'crɛn -tɛdɩ 'nan: «'Wɩ nɛn yia drɛ bɛ -yee "wɛan mɛin 'tɔ ve 'lɛglɔn 'tʋdʋ pɛɛnɔn 'ji, ɛn mɛin 'tɔ -fɔa "dre "a.»

2 Timote 3:2

Minnun 'o 'bɔ 'fli -le 'wɩ "yi -wɛɛman, ɛn "lala yɩdɩ 'bɛ -kɔan "o 'nanman wɩ -a. O -yɔɔdɩ ye "yi "min lɛ, ɛn 'o 'fli "siala -dandan. O "we "min man -wlidɩ, ɛn wa'a 'o 'mangulinun wei maan dɩ. -Te min 'wɩ "yi drɛ -wlɛ "bɛ, wa'a san tɔa "fo "dɩ, ɛn 'o yiɛ 'ka 'naan Bali man "fo "dɩ.

1 Piɛri 1:18

Fɛ nɛn Bali -a 'si, ɛn e 'ka 'ta pan 'wʋ 'a, 'nan -e 'ka 'si 'ka tranun drɛnan wɩ -sru "bɛ, kaa -tɔa. Fɛ nɛn e srɛman "le -siga 'lee "lala -zʋ bɛ, -njɛɛ yaa 'si dɩ.

1 Piɛri 2:9

'Pian 'cee vɛ bɛ, ka ya 'lɛglɔn nɛn Bali -a 'si "va "bɛ -a. Ka ya Bali nɛn mingɔnnɛn -a bɛ -a -pannɔn 'a, ka ya minnun 'pa 'tʋ nɛn o ya 'saun bɛ waa, ɛn ka ya minnun nɛn o ya Bali -le vɛ -a bɛ waa. Bali 'ka 'si "va 'nan -e 'ka 'yee 'wɩ -dandan vɩ minnun lɛ. Bali 'bɔ 'bɛ 'ka 'bɔla klun va, ɛn e -ta 'ka 'a 'yee 'tɛ 'san fɛnyian da.

Apokalis 14:7

Yaa 'vɩ wei 'plɛblɛ 'ji 'nan: «'Ka yiɛ 'e 'nan Bali man, ɛn 'ka Bali 'bɔ 'tɔ drɛ -dan! Tʋ nɛn e 'trɛdanɔn 'le tin "baa bɛ e 'bɔ. Bali nɛn e 'trɛ 'lee la 'lee jemie 'lee 'yi pɛɛnɔn drɛ bɛ, 'ka "po sɔɔn "wlu -e 'ka bɔ.»

Apokalis 15:4

-Tɩɛ 'ka 'klanman 'i 'lɔ dɩ? Ɛn -tɩɛ 'ka 'i 'tɔ -dan 've dɩ? -A san "ka "fo "dɩ. Kɔɔ yiɛ cɩ 'saun 'i -tʋwli. 'Lɛglɔn pɛɛnɔn 'ji 'nɔn 'o "po -sɔɔnmlan 'i 'wlu -e 'wei bɔ. Kɔɔ o -taa -a -tɔlɛ 'nan 'wɩnun nɛn o cɩ tɩglɩ bɛ, -nyrɛn yia dra.»