Matie 26:10 - Yaouré

¹⁰ Zozi 'wɩ zɩɛ -a 'man, ɛn e 'nan -wlɛ 'nan: «-Mɛ "le "wɛan nɛn ka 'wɩ -tɔa lɩ 'gʋɛ -a man? E 'wɩ "yi drɛ 'mɛn.

Matie 26:10 ပူးပေါင်းရင်းမြစ်များ

Matie 26:11

'Yalɛ -tɛnɔn a 'ka 'va tʋ pɛɛnɔn man, 'pian "an 'ka 'wo 'ka 'va tʋ pɛɛnɔn man dɩ.

Matie 26:9

-Laziglɔ 'labɛ yaa -taan paan 'flɛ 'plɛblɛ 'a, -e 'e man "lala -pli 'yalɛ -tɛnɔn man.»

Mark 14:6

'Pian Zozi -a 'vɩ -wlɛ 'nan: «'Ka lɩ 'labɛ -a 'tʋɩ flɩɩ! -Mɛ "le "wɛan nɛn, ka 'wɩ -tɔa "man? E 'wɩ "yi drɛ 'mɛn.

Zozi Crizi -le 'wɩ 'nɔnnɔn nɛn Luk -a crɛn -tɛ 8:49

Zozi 'fʋ 'wɩ zɩɛ -a vɩnan, ɛn cin yɩ 'kɔn 'tazan Zairus -le "kɔnnɛn 'pasiazan -tʋ -ta, ɛn e 'nan Zairus lɛ 'nan: «'I 'lu 'ka 'va. Te 'i Bali -le 'wɩ "paazan "koe "nyan "nyian dɩ.»

2 Korɛnti 9:8

Ɛn "nyian bɛ, 'plɛblɛ a Bali lɔ 'nan -e 'e "yi 'tɔ 'tʋdʋ pɛɛnɔn drɛ 'cɛɛ. Yaa -nɔan 'cɛɛ 'e 'ciɩladɩ "da, 'nan -e 'ka 'bɔ "nyian 'ka -kɔla "yi 'tɔ 'tʋdʋ pɛɛnɔn drɛdɩ -a min pɛɛnɔn lɛ.

Galatɩ 1:7

Maan ve 'cɛɛ 'nan -si pee "ka -e min 'e 'si 'wɩ 'ji "da "dɩ. Minnun nɛn 'o -wɛɛman 'nan 'o 'ka 'ci baaman -ji bɛ, 'wɛɛ cɩ. 'Wɩ nɛn 'wlu 'a bɛ, -nyrɛn waa ve Crizi -le 'wɩ 'nɔnnɔn man.

Galatɩ 5:12

Minnun nɛn o -tɔa 'ka man 'nan, 'ka 'fɔ -klɔnmɔn -va bɛ, 'o 'kʋ 'o 'fli 'sa! 'Bɛ "yi mlin.

Galatɩ 6:17

An 'wɩ pɛɛnɔn 'ci 'vɩ 'cɛɛ 'va, -yee "wɛan te min -tʋ 'e "koe "nyan wɩ pee -nɔn "nyian 'mɛn dɩ! Kɔɔ an yra 'yɩ "kaga Zozi 'sudɩ -le "wɛan, -a plɔnun nɛn 'an man 'gʋ.

Efɛz 2:10

Bali 'bɔ 'bɛ -kaa drɛ. Ɛn e -kaa drɛ min -trɛ -a Zozi Crizi -ji 'nan, -e drɛ wɩ "yinun nɛn Bali -a man drɛ 'e 'cɛn bɛ, -kaa 'ta wʋla "da.

Kolɔs 1:10

Kʋ Bali trʋ 'ba zɩɛ 'nan, -e 'cee 'ta wʋ -pɛ 'e -kɔɔn 'nan Minsan -sru "nɛn ka cɩ, -e 'e 'sɔ -yrɛ. Ɛn kʋa trʋ 'ba "nyian 'nan -e 'ka 'wɩ "yi 'tɔ 'tʋdʋ pɛɛnɔn drɛ, 'nan -e 'cee Bali -tɔdɩ bɛ 'e 'pa "da!

2 Tesalonik 2:17

'o 'ka "koe "tɔ 'ka da "fo. Ɛn kʋa laabo -wlɔ "nyian 'nan, 'o 'plɛblɛ 'nɔn 'cɛɛ, -e tʋ pɛɛnɔn man 'ka 'wɩ "yi "drɛ, ɛn 'ka 'wɩ "yi "vɩ.

1 Timote 3:1

-Te min a "va 'nan 'e yiɛ -tɔa -leglizi -va bɛ, te 'wɩ "yi "nɛn yaa -si 'sia. 'Wɩ zɩɛ e ya 'wɩ tɩglɩ 'a "fo.

1 Timote 5:10

-A 'tɔ "yi 'e 'kɔn min 'le -yee 'wɩ "yinun nɛn yaa drɛ bɛ -a man. -A -mie nɛn "le 'nɛn 'lɛbʋdɩ sidɔ -le 'wɩ 'zʋ, ɛn -a -mie nɛn "le minnun nɛn o bɔala "va "bɛ o 'kundɩ 'e 'pɛ "fli "a -le 'wɩ 'zʋ, ɛn -a -mie nɛn "le Zozinɔn nɛn o bɔala "va "bɛ o cɛin -man "foedɩ -le 'wɩ 'zʋ, ɛn -a -mie nɛn "le minnun nɛn o ya see -ji bɛ, 'padɩ o va -le 'wɩ 'zʋ, 'lee 'wɩ "yi 'tɔ 'tʋdʋ pɛɛnɔn drɛdɩ.

2 Timote 2:21

Maan ve 'yiɛ 'nan, -pɔnun zɩɛ -wɛɛ cɩ "le minnun nɛn maan 'vɩ 'labɛ -wee 'wɩ 'zʋ. 'Pian min nɛn e cɛɛn o man bɛ, -a san -kɔan "le 'nan -pɔ nɛn waa bɔala 'ji min "fli yaa cin yɩnan bɛ -yee 'wɩ 'zʋ. E -kɔan 'e 'pladɩ 'e 'tazan -le vɛ -a, ɛn -a 'pa 'nyranman -kɔan 'e 'tazan lɛ, ɛn 'wɩ "yi 'tɔ 'tʋdʋ pɛɛnɔn nɛn yaa dra.

'Fluba nɛn Pɔl -a crɛn -tɛ Tit lɛ 1:16

Waa ve 'o 'fli man 'nan o ya Bali -le vɛ -a. 'Pian 'wɩnun nɛn waa dra bɛ, yaa -kɔɔnman 'nan o 'ka Bali -le vɛ -a dɩ. Wa'a 'ta 'wʋla Bali wei da dɩ, ɛn o -pɛ 'ka 'sɔa 'wɩ "yi "tʋ drɛdɩ -a dɩ. Minnun zɩɛ Bali 'ka o ye "yi "fo "dɩ.

'Fluba nɛn Pɔl -a crɛn -tɛ Tit lɛ 2:14

E wɩɩ "man ɛn e -kaa 'lɛji -ka 'wʋ. Yaa drɛ zɩɛ 'nan -e 'e -kaa 'si 'wɩ 'wlidɩ pɛɛnɔn 'le nɔanba -ji. Ɛn "nyian 'nan -e 'e -kaa drɛ minnun 'saun nɛn o cɩ 'e 'saza 'le vɛ -a bɛ waa. Yaa drɛ zɩɛ 'nan, -e -kaa kɔn minnun nɛn o cɩ 'o kɔaladɩ 'wɩ "yi "drɛdɩ man bɛ waa.

'Fluba nɛn Pɔl -a crɛn -tɛ Tit lɛ 3:1

'I -cin -tɔ Zozinɔn pɛɛnɔn 'ji 'nan, 'o 'ta wʋla minnun tanɔn wei da, ɛn 'wɩ nɛn waa ve bɛ 'o drɛ! Ɛn o man 'e 'kɔn 'e wʋʋdɩ tʋ pɛɛnɔn man 'wɩ "yi "drɛdɩ -a!

'Fluba nɛn Pɔl -a crɛn -tɛ Tit lɛ 3:14

Ɛn -kaa "bʋɩ Zozinɔn "nyian bɛ, e ya "le "o 'wɩ "yi "drɛdɩ -tranla fɛ nɛn -a 'wɩ a min man bɛ, -a -nɔndɩ -a -yrɛ! -Te o ya 'wɩnun zɩ -a drɛnan bɛ, te o 'ka 'trɛda 'e "tun "dɩ.

'Fluba nɛn Pɔl -a crɛn -tɛ Tit lɛ 3:8

'Wɩ zɩɛ, e ya 'wɩ tɩglɩ 'a, ɛn e ya "le min 'e yi -tɛra "da "fo! An ya "vale 'i 'tɔ 'wɩnun zɩɛ -a da 'kpa tɩglɩ, -e minnun nɛn o yi -tɛra Bali da bɛ, 'o yiɛ -trɔa 'wɩ nɛn e cɩ "yi "bɛ -a drɛdɩ da 'kpa tɩglɩ. 'Wɩ zɩɛ -yɛɛ cɩ "yi, ɛn -yɛɛ "paa min va.

Ebre 13:21

Bali zɩɛ 'e 'pa 'ka 'va, -e 'ka -kɔla 'wɩ "yi pɛɛnɔn nɛn e cɩ -a ci 'sɔ 'a bɛ, -a drɛdɩ -a. Zozi Crizi 'e 'plɛblɛ 'nɔn 'cɛɛ -e 'ka 'wɩnun zɩɛ -a drɛ. 'Tɔ -dan 'e 'kɔn Zozi 'le vɛ -a 'li 'trilii! Amɛn!

1 Piɛri 2:12

'Ka drɛ wɩ 'e 'kɔn 'e 'sʋdɩ "ji minnun nɛn wa'a Bali tɔa dɩɛ o va. -Te minnun 'wɩ 'wlidɩ 'tɔ -tʋdʋ pɛɛnɔn ve 'ka man oo, 'ka drɛ wɩ "yinun bɛ 'wɛɛ yɩ, -e tʋ nɛn Bali 'bɔ 'e 'fli -kɔɔnman -wlɛ "bɛ, 'o -yee -dan sɩ -fɔ.