Matie 22:31 - Yaouré

³¹ -Te -a -cin a 'ka 'ji 'nan, minnun nɛn o kaa bɛ wa'a 'wuanla -kanɔn 'va dɩɛ, te ka ya 'ka 'fli see "paanan. 'Wɩ 'nɛn Bali -a 'vɩ 'yee 'fluba 'ji bɛ, ka'a tian -a ta vɩlɛ dʋʋ?

Matie 22:31 ပူးပေါင်းရင်းမြစ်များ

Matie 12:3

Ɛn Zozi -a laabʋ -wlɔ 'nan: «'Wɩ nɛn -kaa tra David -a drɛ 'o 'vale 'yee minnun -a bɛ, ka'a tian -a ta vɩlɛ dʋʋ? Te dra o -tɛa "bɛ,

Matie 12:7

E ya 'e 'crɛn -tɛdɩ Bali -le 'fluba 'ji 'nan: ‹Min nyrinda 'e 'sɛn 'ka da! 'Bɛ cɩ 'wɩ "yi "a, 'pian 'sraga bʋdɩ bɛ, 'bɛ a 'e "tun.› "Te ka 'wɩ zɩɛ -a -ci 'man bɛ, 'mɛn minnun nɛn wa'a 'wɩ 'wlidɩ "tʋ drɛlɛ 'labɛ dɩɛ, "te ka'a 'wɩ 'tɔa o man "fo "dɩ.

Matie 21:16

ɛn o 'wɩ 'pla Zozi lɛ. Waa 'vɩ -yrɛ 'nan: «'Wɩ nɛn o cɩ -a vɩnan 'labɛ, yi'a maan dʋʋ?» Ɛn Zozi "e 'nan -wlɛ 'nan: «Maan maan. -Mɛ "le "wɛan nɛn ka 'wɩ zɩɛ -a laabʋ 'an 'lɔ? 'Wɩ nɛn 'e 'crɛn -tɛdɩ Bali -le 'fluba 'ji bɛ ka'a tian -a ta vɩlɛ dʋʋ? Kɔɔ e ya 'e 'crɛn -tɛdɩ 'nan: ‹Yia drɛ ɛn nannannun 'lee 'nyɔnmlin 'nɛnnun 'i 'tɔ "yi 'vɩ.› »

Matie 21:42

Ɛn Zozi -a 'le 'sran -wlɛ 'nan: «'Wɩ nɛn 'e 'crɛn -tɛdɩ Bali -le 'fluba 'ji bɛ, ka'a ta vɩlɛ dʋʋ? Kɔɔ e ya 'e 'crɛn -tɛdɩ 'nan: ‹-Kɔlɛ nɛn 'kɔn 'tɔnɔn -a tuʋ 'o 'pɛla koda bɛ, -yɛɛ drɛ 'kɔn 'pʋ -fɔ -kɔlɛ -a. Minsan 'bɛ drɛ, ɛn -kɔlɛ zɩɛ 'e drɛ 'kɔn 'pʋ -fɔ -kɔlɛ -a. 'Wɩ nɛn Minsan -a drɛ bɛ, e min 'plo -fɔa.›

Matie 22:30

Kɔɔ tʋ nɛn minnun wuanla -kanɔn 'va bɛ, -klɔnmɔnnun 'ka lɩ paa dɩ, ɛn lɩmɔnnun 'ka -kɔnnɛn paa dɩ. O -kɔan "le Bali -le 'pasianɔn nɛn laji bɛ -wee 'wɩ 'zʋ.

Matie 22:32

Kɔɔ yaa 'vɩ 'nan: ‹An ya Abraam -le Bali -a, ɛn an ya Izak -le Bali -a, ɛn an ya Zago 'le Bali -a.› Tʋ nɛn Bali 'wɩ zɩɛ -a ve bɛ, te -kaa tranun zɩɛ o kaa -a -nan 'mɔn. 'Pian Bali "le 'va bɛ, o yiɛ a "man tian, kɔɔ Bali a minnun nɛn o yiɛ cɩ "man "bɛ -wee Bali -a, e 'ka minnun nɛn o kaa bɛ -wee Bali -a dɩ.»

Matie 9:13

'Ka 'ci "nrɔn 'wɩ nɛn Bali -a 'vɩ bɛ -a da. E 'nan: ‹Min nyrinda 'e 'sɛn 'ka da!› 'Bɛ cɩ 'wɩ "yi "a, 'pian 'sraga bʋdɩ bɛ 'bɛ a 'e "tun. 'Ka -wɛɛ 'nan 'ka 'wɩ zɩɛ -a -ci maan 'kpa! 'Wɩ 'bɔ zɩɛ -yee "wɛan nɛn an -ta. An -ta 'nan -e 'an 'wɩ 'wlidɩ "drɛnɔn laabʋ, -e 'o 'si 'wɩ 'ji. Ma'an 'talɛ minnun nɛn o cɩ tɩglɩ bɛ -wee "wɛan dɩ.»