Matie 20:7 - Yaouré

⁷ O 'nan -yrɛ 'nan: ‹Min -tʋ 'ka 'kʋ 'silɛ 'nan 'kʋ 'yee 'nyranman 'pa dɩ.› Ɛn fei san "e 'nan -wlɛ 'nan: ‹'Ka 'kʋ 'nyranman 'pa 'mɛn rɛzɛn fei!›

Matie 20:7 ပူးပေါင်းရင်းမြစ်များ

Matie 20:1

Zɩ Zozi 'wɩ zɩɛ -a 'vɩ bɛ, ɛn e -kɔnnɛn "tʋ -fɔ -wlɛ. Yaa 'vɩ -wlɛ 'nan: «Bali -le mingɔnnɛn -blɩdɩ min da bɛ, -nyrɛn 'gʋ, e ya "le fei san -tʋ 'bɛ 'bɔla bodrun puunɔn ɛn e minnun -wɛɛdɩ 'sia 'nan -e 'o 'kʋ 'nyranman 'pa 'yee rɛzɛn fei.

Matie 20:6

Zɩ yidɛ 'pla plɔ da bɛ, ɛn e 'bɔla "nyian, e 'bɔ min -mienun man -guada, ɛn yaa laabʋ -wlɔ 'nan: ‹-Mɛ "le "wɛan nɛn ka -fʋ 'ka -nyrandɩ bodrun 'trilii funninmlan, ɛn ka'a 'nyranman 'tʋ 'palɛ dɩ?›

Matie 20:8

Zɩ funninmlan 'pla bɛ, ɛn fei san zɩɛ e min nɛn e yiɛ -tɔa 'yee 'nyranman 'panɔn 'va bɛ -a laabʋ. E 'nan -yrɛ 'nan: ‹'I 'nyranman 'panɔn pɛɛnɔn laabʋ -e 'i o -ko 'pa. 'I 'sia minnun nɛn o -fɔla "da "bɛ o da -e 'i 'le 'sran minnun nɛn o -trɔa -si 'lɛ bɛ o da.›

Zozi Crizi -le 'wɩ 'nɔnnɔn nɛn Zan -a crɛn -tɛ 9:4

'Bɛ nɛn tʋ a tian 'e 'cɛndɩ 'gʋɛ, min nɛn yaan 'pa 'sia bɛ, -kaa -yee 'nyranman 'pa. -Pei -taa "tanlɛ, te min -tʋ 'ka 'kɔlaman -e 'e 'nyranman 'pa "nyian dɩ.

Drɛwɩ (Actes) 4:16

Ɛn waa laabʋdɩ 'sia 'o cin lɔ 'nan: «Kaa dra minnun 'labɛ -wlɛ 'kɔ? Zeruzalɛm 'nɔn pɛɛnɔn -a -ci -tɔa 'wein, 'nan -cɛ -srɔn "wɩ -dan nɛn 'labɛ -wɛɛ drɛ. Ɛn -ka'a 'kɔlaman -a -sa -fɔdɩ -a dɩ.

Rɔmɛn 16:25

-Kaa Bali 'tɔ bɔ! -Yɛɛ 'ka 'man -tɔa 'plɛblɛ 'cee yi -tɛradɩ Zozi da -a. Zozi Crizi -le 'wɩ 'nɔnnɔn nɛn maan ve minnun lɛ bɛ, -a 'bɔ 'a nɛn e 'ka 'man -tɔa 'plɛblɛ. 'Wɩ 'nɔnnɔn zɩɛ -yɛɛ Bali -le 'wɩ yɔɔdɩ nɛn e -fʋ 'e yɔɔdɩ minnun man -a -nan lɛ 'ka lɛ va dɩɛ, -a 'ta bɔala minnun lɛ.

Efɛz 6:8

-A -cin 'e 'kɔn 'ka 'ji 'nan, -te min a nɔan -a oo, ɛn -te e 'ka nɔan -a dɩ oo, e ya 'wɩ "tun "a. 'Pian zɩ min -tʋ 'nyranman 'pa bɛ, -a da nɛn Minsan -a -ko "paa.

Kolɔs 1:26

Bali -le 'wɩ 'bɔ zɩɛ, 'li bɛ te e ya 'e yɔɔdɩ minnun man. 'Pian 'bɛ nɛn 'gʋɛ, Bali -a kɔɔn 'wein minnun nɛn o cɩ -yee vɛ -a bɛ -wlɛ.

Ebre 6:10

Kɔɔ Bali a tɩglɩ, ɛn 'cee 'nyranman nɛn 'ka "paa bɛ -a -cin 'ka 'saan "ji "dɩ. Ɛn "nyian 'cee 'pa nɛn kaa wo Zozinɔn 'va 'cee Bali yɩdɩ "yi "le "wɛan bɛ, -a -cin 'ka 'saan Bali ji dɩ.