Mark 10:43 - Yaouré

⁴³ 'Pian te 'wɩ zɩɛ -nyrɛn 'e 'kɔn 'ka yei "dɩ. Min oo min nɛn e ya "vale 'e dra min -dan a 'ka yei "bɛ, 'e 'fli 'pla min pɛɛnɔn 'wlu o 'sudɩ -a!

Mark 10:43 ပူးပေါင်းရင်းမြစ်များ

Mark 10:42

-A -nan nɛn Zozi o pɛɛnɔn laabʋ, ɛn e 'nan -wlɛ 'nan: «Kaa -tɔa 'nan, min tanɔn 'le min pladɩ 'bɛ cɩ -sa wɩ -a. Ɛn minnun nɛn o cɩ min -dandannun -a bɛ, -wɛɛ -va -ble minnun da.

Mark 10:44

Ɛn min oo min nɛn e ya "vale 'e dra 'ka 'tazan -a bɛ, 'e 'fli drɛ 'ka pɛɛnɔn 'le nɔan -a!

Mark 9:35

-A -nan nɛn Zozi 'nyran, ɛn 'e -srunɔn 'fuda "fli laabʋ. E 'nan -wlɛ 'nan: «Min nɛn, e cɩ "vale 'e dra 'an -sruzan -dan a bɛ, 'e 'fli 'pla min pɛɛnɔn 'wlu 'nan -e 'e o 'su!»

Zozi Crizi -le 'wɩ 'nɔnnɔn nɛn Luk -a crɛn -tɛ 14:11

Ɛn Zozi -a 'le 'sran 'nan: «Min nɛn 'e 'fli drɛ -dan bɛ, Bali -a dra "wɛnnɔn. Ɛn min nɛn 'e 'fli drɛ "wɛnnɔn bɛ, Bali -a dra -dan.»

Zozi Crizi -le 'wɩ 'nɔnnɔn nɛn Luk -a crɛn -tɛ 18:14

Ɛn Zozi -a 'le 'sran 'nan: «Maan ve 'cɛɛ 'nan, 'sukɔlɛ 'sizan zɩɛ, 'o 'vale Bali -a o yei "sɛn 'e cin va, ɛn e -kʋ 'yee "kɔnnɛn. 'Pian Farizɛn min 'lee Bali yei 'ka 'sɛnlɛ 'e cin va dɩ. Kɔɔ min nɛn 'e 'fli "siala -dan bɛ, Bali -a dra "wɛnnɔn. Ɛn min nɛn 'e 'fli drɛ "wɛnnɔn bɛ, Bali -a dra -dan.»

Zozi Crizi -le 'wɩ 'nɔnnɔn nɛn Luk -a crɛn -tɛ 22:26

'Pian 'cee vɛ bɛ, te 'e 'kɔn zɩ dɩ! Min nɛn e cɩ min -dan a 'ka yei "bɛ, 'e 'fli drɛ "le 'nɛn "wɛnnɛn 'zʋ. Ɛn min nɛn e cɩ min tazan -a 'ka yei "bɛ, 'e 'fli drɛ "le min 'suzan 'zʋ.

Zozi Crizi -le 'wɩ 'nɔnnɔn nɛn Luk -a crɛn -tɛ 9:48

ɛn e 'nan -wlɛ 'nan: «Min nɛn e 'nɛn "wɛnnɛn 'gʋ -a 'kun tɩglɩ 'mɛn "wɛan bɛ, te 'an 'bɔ nɛn yaan 'kun tɩglɩ. Ɛn min nɛn yaan 'kun tɩglɩ bɛ, te min nɛn yaan 'pa 'sia 'trɛda bɛ, -a 'bɔ nɛn yaa 'kun tɩglɩ. Maan ve 'cɛɛ 'nan, 'an -sruzan nɛn 'e 'fli drɛ 'nɛn "wɛnnɛn 'a bɛ, -a san 'bɛ cɩ -dan.»

Zozi Crizi -le 'wɩ 'nɔnnɔn nɛn Zan -a crɛn -tɛ 18:36

Ɛn Zozi "e 'nan: «'Trɛda minnun "cɛɛ 'an 'tɔ mingɔnnɛn -a dɩ. "Te -wɛɛ 'an 'tɔ mingɔnnɛn -a bɛ, "te 'an 'sunɔn 'an 'ta kuli -tan, -e minnun 'o vɩlɛ 'waan 'nɔn Zuif 'nɔn 'tanɔn lɛ dɩ. 'Trɛ 'gʋɛ -a da minnun "cɛɛ 'an 'tɔ mingɔnnɛn -a dɩ.»

Rɔmɛn 12:2

'Wɩnun nɛn minnun -a dra 'trɛ 'gʋɛ -a da bɛ, te 'ka o si drɛ dɩ! 'Pian 'ka Bali 'tʋɩ -e 'e 'cee 'wɩ 'tɔdɩ pɛɛnɔn lila 'e -trɛ! -Te kaa drɛ zɩɛ, -a -nan nɛn 'wɩ nɛn Bali cɩ "va "bɛ, kaa -ci maan, -e 'ka 'wɩ nɛn e cɩ "yi "bɛ -a -tɔ, -e 'ka 'wɩ nɛn e 'sɔ Bali lɛ bɛ -a -tɔ, -e 'ka 'wɩ nɛn e cɩ tɩglɩ bɛ -a -tɔ.

Galatɩ 5:13

'An "bʋɩ Zozinɔn, Bali 'ka laabʋ 'nan, -e 'ka vɩlɛ 'ka 'kɔn fɛ -tʋ -lɔ nɔan -a dɩ. Te 'ka 'pa 'wɩ zɩɛ -a da, -e 'ka blamin ci 'sɔ wɩ -wlidɩ "drɛ dɩ! 'Pian 'ka cin yɩdɩ "yi "a nɛn, 'ka cin man wɩ drɛ!