Zozi Crizi -le 'wɩ 'nɔnnɔn nɛn Luk -a crɛn -tɛ 7:21 - Yaouré

²¹ Tʋ 'bɔ zɩɛ -a wlu bɛ, te Zozi man "yaa 'nɔn "kaga beli, ɛn e -cɛ -tɛnɔn "kaga beli, ɛn e -yʋ -wlidɩ "pin min "kaga -sru, ɛn e yiɛ 'winɔn "kaga yiɛ 'lɛ 'sʋ.

Zozi Crizi -le 'wɩ 'nɔnnɔn nɛn Luk -a crɛn -tɛ 7:21 ပူးပေါင်းရင်းမြစ်များ

Matie 4:23

Zozi ciɩ Galile 'lɛglɔn pɛɛnɔn 'ji. E 'wɩ paa minnun ji Zuif 'nɔn 'le cin yɩ 'kɔnnun -ji. E Bali 'le 'wɩ 'nɔnnɔn 'vɩ -yee mingɔnnɛn -blɩdɩ da. Minnun pɛɛnɔn nɛn -cɛ cɩ o man 'lee minnun pɛɛnɔn nɛn o man "yaaman bɛ e 'o beli.

Matie 4:24

-A -nan nɛn waa 'tɔ 'wɩdɩ 'man Siri 'lɛglɔn pɛɛnɔn 'ji, ɛn minnun -ta o pɛɛnɔn nɛn o cɩ see -blɩnan -cɛ 'tɔ 'tʋdʋ pɛɛnɔn 'lɔ bɛ waa -yrɛ. Min -mienun man 'bɛ "yaaman, ɛn -yʋ -wlidɩ 'bɛ cɩ min -mienun -sru, ɛn -tʋwli "cɛ 'bɛ cɩ min -mienun man, ɛn min -mienun a 'o -srandɩ "tra, o pɛɛnɔn zɩɛ o -ta waa -yrɛ, ɛn e o beli.

Mark 3:10

Fɛ -le "wɛan nɛn e 'wɩ zɩɛ -a 'vɩ bɛ -yɛɛ cɩ 'nan, e min "kaga 'beli, ɛn -cɛnɔn pɛɛnɔn 'o cin -mɛandɩ 'sia 'nan -e 'o klɛ "man.

Mark 5:29

'Nun tɔɔn nyɛn -srandɩ "man 'le 'tɔ, ɛn yaa -kɔnnɛn 'yɩ 'nan 'e beli.

Mark 5:34

Zozi "e 'nan -yrɛ 'nan: «An 'lu, i yi -tɛra 'an da, -yee "wɛan nɛn i beli. 'I 'kʋ -trɔɔ! 'Yie -cɛ 'si 'i man.»

Zozi Crizi -le 'wɩ 'nɔnnɔn nɛn Luk -a crɛn -tɛ 7:20

Zɩ o 'bɔ Zozi man bɛ, ɛn o 'nan -yrɛ 'nan: «Min -batize drɛzan 'kʋ 'pa 'sia 'i 'va, 'nan -e 'kʋ laabʋ 'i 'lɔ 'nan, min nɛn kʋa 'man 'nan e -taa "bɛ, -nyrɛn 'yia, -baa 'kʋ min pee -pɛn?»

Ebre 12:6

Kɔɔ 'an 'bɔ Minsan, min nɛn maan ye "yi "bɛ, -a ji nɛn an 'wɩ 'tɔdɩ "paaman sɔnba "a. Ɛn min nɛn maan 'si "va 'mɛn 'nɛn 'a bɛ, -a ji nɛn an sɔnba 'lɛ wo.»