Zozi Crizi -le 'wɩ 'nɔnnɔn nɛn Luk -a crɛn -tɛ 23:2 - Yaouré

² O 'wɩ 'padɩ "da 'sia -a vɩdɩ -a 'nan: «Min 'lagʋɛ, 'e 'wɩ 'fɔla minnun yei -cee 'lɛglɔn 'ji. -Yɛɛ 'vɩ 'nan, te minnun 'o 'sukɔlɛ -pan wʋ Rɔm 'nɔn 'le mingɔnnɛn Seza lɛ dɩ. Ɛn yaa 'vɩ 'e 'fli man 'nan, 'yɛɛ cɩ 'kʋe mingɔnnɛn -a, ɛn Bali 'e 'pa 'sia 'nan -e 'e 'kʋ 'si 'wɩ 'ji.»

Zozi Crizi -le 'wɩ 'nɔnnɔn nɛn Luk -a crɛn -tɛ 23:2 ပူးပေါင်းရင်းမြစ်များ

Matie 17:27

'Pian -te kʋa drɛ ɛn 'wɩ 'nan o man bɛ, e 'ka "yi "dɩ. -Yee "wɛan 'i 'kʋ 'yi man, 'i -kopa -fɔla 'yia. Pɔ tɛdɛ nɛn e -kopa zɩɛ -a "siala bɛ 'i -tɛ. 'I yiɛ 'tɔ -a 'le! 'Lein 'wlɛ nɛn -nan bɛ, 'i 'si -e 'i -nɔn -wlɛ 'mɛn vɛ 'lee 'yie vɛ -a.»

Matie 22:21

O 'nan -yrɛ 'nan: «Rɔm 'nɔn 'le mingɔnnɛn Seza nɛn.» Ɛn Zozi "e 'nan -wlɛ 'nan: «Fɛ nɛn Seza -le vɛ -a bɛ, 'cɛɛ 'nɔn Seza lɛ! Ɛn fɛ nɛn Bali -le vɛ -a bɛ, 'cɛɛ 'nɔn Bali lɛ!»

Matie 27:11

Zɩ minnun 'bɔla Zozi 'a -kɔnmandan 'lɛ bɛ, ɛn -kɔnmandan 'wɩ laabʋ -yrɔ. Yaa laabʋ -yrɔ 'nan: «Zuif 'nɔn 'le mingɔnnɛn nɛn 'yia?» Zozi "e 'nan -yrɛ 'nan: «-Nyrɛn, yia 'vɩ 'i 'bɔ 'a bɛ.»

Mark 12:17

Ɛn Zozi -a 'vɩ -wlɛ 'nan: «Fɛ nɛn Seza -le vɛ -a bɛ, 'cɛɛ 'nɔn Seza lɛ! Ɛn fɛ nɛn Bali -le vɛ -a bɛ, 'cɛɛ 'nɔn Bali lɛ!» 'Wɩ zɩɛ -a mandɩ o 'plo 'fɔ.

Mark 15:2

Pilati -a laabʋ Zozi 'lɔ 'nan: «Zuif 'nɔn 'le mingɔnnɛn nɛn 'yia?» Zozi "e 'nan -yrɛ 'nan: «-Nyrɛn, yia 'vɩ 'i 'bɔ 'a bɛ.»

Zozi Crizi -le 'wɩ 'nɔnnɔn nɛn Luk -a crɛn -tɛ 23:14

Ɛn e 'nan -wlɛ 'nan: «Ka -ta min 'gʋɛ -a 'mɛn, ɛn ka 'nan e ya 'wɩ 'fɔlanan minnun yei. -Yee "wɛan an 'wɩ laabʋ -yrɔ 'ka yiɛ man. 'Pian 'wɩ pɛɛnɔn nɛn kaa 'pa "da "bɛ, ma'an yɩlɛ -a drɛzan -a dɩ.

Zozi Crizi -le 'wɩ 'nɔnnɔn nɛn Luk -a crɛn -tɛ 23:5

'Pian o kɔala "man te waa ve 'nan: «E 'wɩ 'fɔla minnun yei 'wɩ "paadɩ -a Zude 'lɛglɔn pɛɛnɔn 'ji. Yaa pou 'sia Galile ɛn e 'bɔla Zeruzalɛm 'gʋ.»

Zozi Crizi -le 'wɩ 'nɔnnɔn nɛn Zan -a crɛn -tɛ 18:29

-Yee "wɛan -kɔnmandan Pilati 'bɔ 'bɛ 'bɔla ɛn e -kʋ o va. Yaa laabʋ -wlɔ 'nan: «-Mɛ "wɩ nɛn min 'labɛ yaa drɛ, ɛn ka 'wɩ -tɔa "man?»

Zozi Crizi -le 'wɩ 'nɔnnɔn nɛn Zan -a crɛn -tɛ 18:30

Ɛn o 'nan Pilati lɛ 'nan: «"Te 'wɩ 'wlidɩ "drɛzan "cɛɛ dɩɛ, "te kʋa 'talɛ -a 'i 'va 'gʋ dɩ.»

Zozi Crizi -le 'wɩ 'nɔnnɔn nɛn Zan -a crɛn -tɛ 19:12

Zɩ Pilati 'wɩ zɩɛ -a 'man bɛ, ɛn yaa -wɛɛdɩ 'sia 'nan 'e "sia Zozi man. 'Pian te Zuif 'nɔn -paanman 'nan: «-Te i 'si "man "bɛ, te 'i 'ka Rɔm 'nɔn 'le mingɔnnɛn tazan Seza bee -a dɩ. Kɔɔ min nɛn e 'fli drɛ mingɔnnɛn -a bɛ, te -a pei a 'e 'padɩ "man.»

Drɛwɩ (Actes) 24:13

Minnun 'labɛ, 'wɩ 'bɔ nɛn waa -tɔa 'an man 'gʋɛ, wa'a 'kɔlaman -e 'o -ci -kɔɔn 'wein dɩ.

Drɛwɩ (Actes) 24:5

Kʋa 'yɩ 'nan, min 'gʋɛ -yɛɛ minnun yei "srɛman, e 'wɩnun ve te -sa -dan -fɔala Zuif 'nɔn yei fɛ pɛɛnɔn 'nan. -Yɛɛ cɩ minnun nɛn o cɩ Nazarɛtɩ min Zozi -sru "bɛ o tazan -a.

Rɔmɛn 13:7

Fɛ pɛɛnɔn nɛn 'ka da fiɛn -a bɛ, 'ka 'nɔn minnun lɛ. -A -mie nɛn "le 'sukɔlɛ -pan wʋdɩ -zʋ, 'ka 'pan wʋ. Ɛn -a -mie nɛn "le 'cee fɛnun man -pan wʋdɩ -zʋ, 'ka -pan wʋ. Ɛn -a -mie nɛn "le yiɛ 'nandɩ min man -zʋ, 'ka yiɛ 'e 'nan min man. Ɛn -a -mie nɛn "le min bɔdɩ -zʋ, 'ka min bɔ.