Zozi Crizi -le 'wɩ 'nɔnnɔn nɛn Luk -a crɛn -tɛ 14:13 - Yaouré

¹³ 'Pian -te 'i "ta minnun laabo "fɛdi fɛ man bɛ, 'i 'yalɛ -tɛnɔn laabʋ! Ɛn minnun nɛn -cɛ cɩ o man bɛ 'i o laabʋ! Ɛn minnun nɛn o "tun "bo bɛ 'i o laabʋ! Ɛn minnun nɛn o yiɛ 'wi bɛ 'i o laabʋ!

Zozi Crizi -le 'wɩ 'nɔnnɔn nɛn Luk -a crɛn -tɛ 14:13 ပူးပေါင်းရင်းမြစ်များ

Matie 15:30

Ɛn minnun -tadɩ 'sia "va "kaga. O -ta 'o 'lɔ le minnun nɛn o "tun "bo bɛ waa, 'lee yiɛ 'winɔn, 'lee minnun nɛn o man mɛn -mie -ka o man bɛ waa, 'lee bobonun, 'lee -cɛ -tɛnɔn "kaga "pee "nyian. O -ta waa ɛn o o -sran -a 'lɛ, ɛn e o pɛɛnɔn beli.

Matie 22:10

Mingɔnnɛn 'sunɔn zɩɛ waa drɛla "da. Minnun pɛɛnɔn nɛn o 'bɔ o man bɛ, o -ta waa. Min -wlidɩ oo, min "yi oo, o pɛɛnɔn 'ta, ɛn o 'kɔn zɩɛ -a -ci 'fa.

Zozi Crizi -le 'wɩ 'nɔnnɔn nɛn Luk -a crɛn -tɛ 11:41

-Yee "wɛan fɛ nɛn e cɩ 'cee 'kulenɛn 'lee 'cee -pɔ -ji bɛ, -nyrɛn 'ka -nɔn 'yalɛ -tɛnɔn lɛ, -e 'ka 'kɔn 'saun Bali 'lɛ.

Zozi Crizi -le 'wɩ 'nɔnnɔn nɛn Luk -a crɛn -tɛ 14:12

"Bɛ -sru ɛn Zozi 'wɩ tin 'badɩ 'sia min nɛn e Zozi 'bɔ laabʋ 'nan 'e 'lʋ "fɛdi -blɩ 'e 'va bɛ, -yrɛ. Yaa 'vɩ -yrɛ 'nan: «-Te 'i "ta minnun laabo "fɛdi fɛ man bɛ, te 'i beenun laabʋ dɩ! Ɛn te 'i "bʋɩnun laabʋ dɩ! Ɛn te 'i 'mangulinun laabʋ dɩ! Ɛn te 'i bɔɛnun fɛnɔn laabʋ dɩ! "Tɔgɔ -wee vɛ da, -e 'wei laabʋ te 'e drɛ fɛ 'lɛji bɔladɩ -a.

Zozi Crizi -le 'wɩ 'nɔnnɔn nɛn Luk -a crɛn -tɛ 14:14

-Te i 'wɩ zɩɛ -a drɛ bɛ, Bali -fɛa ve 'i man, kɔɔ wa'a 'lɛji bɔala 'yiɛ dɩ. 'Pian Bali -a 'lɛji bɔala 'yiɛ, tʋ nɛn min tɩglɩ nun wuanla -kanɔn 'va bɛ, -a man.»

Zozi Crizi -le 'wɩ 'nɔnnɔn nɛn Luk -a crɛn -tɛ 14:21

Min 'suzan zɩɛ e 'li 'e da 'e 'tazan -va. 'Wɩ nɛn o pɛɛnɔn -a 'vɩ bɛ yaa 'sinan 'pa -yrɛ. -A -nan nɛn 'bli 'fɔ -a tazan 'bɔ 'ji, ɛn e 'nan 'e 'suzan lɛ 'nan: ‹'I 'kʋ tada 'fla yei, -e 'i vɩ 'yalɛ -tɛnɔn lɛ, ɛn 'i vɩ minnun nɛn -cɛ cɩ o man bɛ -wlɛ, ɛn 'i vɩ minnun nɛn o yiɛ 'wi bɛ -wlɛ, ɛn 'i vɩ minnun nɛn o "tun "bo bɛ -wlɛ, -e 'ka 'ta waa!›

Drɛwɩ (Actes) 9:39

Zɩ o 'bɔ Piɛri man bɛ, waa 'vɩ -yrɛ, 'nun tɔɔn ɛn 'o 'vale waa o -kʋ. Zɩ o 'bɔla 'nan nun bɛ, ɛn o -kʋ Piɛri -a 'kɔn "bʋ "ji lou. Lɩmɔnnun pɛɛnɔn nɛn o -sran -ka 'o da bɛ, o pli Piɛri man te o -wua, ɛn o Tabita -le -tralɛ 'lee -yee sɔnun nɛn yaa drɛ te o ya waa bɛ, -a kɔɔn -yrɛ.

1 Timote 3:2

'Pian e ya 'nan, min nɛn 'e yiɛ -tɔa -leglizi -va bɛ, te 'tɔ 'tʋ 'e 'kɔn 'e 'padɩ "man "dɩ. Lɩ -kɔan -a san wlu -tʋwli. -A san -kɔlaman 'e 'fli 'kundɩ -a, ɛn -a san 'e 'kɔn min tɩglɩ 'a, ɛn -a san drɛ wɩ 'e 'kɔn 'e 'sʋdɩ "ji. -A san 'e 'kɔn min nɛn e min "kuan 'e 'pɛ "fli "a bɛ -a. -A san 'e 'kɔn min nɛn e Bali -le 'wɩ "paaman sidɔ bɛ -a.

1 Timote 5:10

-A 'tɔ "yi 'e 'kɔn min 'le -yee 'wɩ "yinun nɛn yaa drɛ bɛ -a man. -A -mie nɛn "le 'nɛn 'lɛbʋdɩ sidɔ -le 'wɩ 'zʋ, ɛn -a -mie nɛn "le minnun nɛn o bɔala "va "bɛ o 'kundɩ 'e 'pɛ "fli "a -le 'wɩ 'zʋ, ɛn -a -mie nɛn "le Zozinɔn nɛn o bɔala "va "bɛ o cɛin -man "foedɩ -le 'wɩ 'zʋ, ɛn -a -mie nɛn "le minnun nɛn o ya see -ji bɛ, 'padɩ o va -le 'wɩ 'zʋ, 'lee 'wɩ "yi 'tɔ 'tʋdʋ pɛɛnɔn drɛdɩ.

'Fluba nɛn Pɔl -a crɛn -tɛ Tit lɛ 1:8

'Pian 'e 'kɔn min nɛn e min "kuan 'e 'pɛ "fli "a bɛ -a. Ɛn 'e 'wɩ "yi "drɛdɩ yɩ "yi. Ɛn -a san 'e 'kɔn min tɩglɩ 'a, 'e 'ta wʋla Bali wei da tɩglɩ, ɛn 'e -kɔla 'e 'fli 'pladɩ -a.

Filemɔn 1:7

'An "bʋɩ Zozizan, 'yie min yɩdɩ "yi "nɛn yia drɛ ɛn Zozinɔn 'ci yra "tra "bɛ, e ci "nran -nɔn 'mɛn -dan, ɛn yaan "koe "tɔ 'an da.

Ebre 13:2

Te 'wɩ 'gʋɛ -a -cin 'e 'san 'ka 'ji dɩ, minnun nɛn o bɔala 'ka 'va bɛ, 'ka o 'kun 'ka 'pɛ "fli "a! 'Wɩ zɩɛ -a drɛdɩ man bɛ, min -mienun nyinnannan "nɔn Bali -le 'pasianɔn nɛn laji bɛ -wlɛ, wa'a -tɔlɛ dɩ.