Zozi Crizi -le 'wɩ 'nɔnnɔn nɛn Luk -a crɛn -tɛ 11:39 - Yaouré

³⁹ -A -nan nɛn Zozi "e 'nan -yrɛ 'nan: «'Ka Farizɛn 'nɔn bɛ, ka 'kulenɛn 'lee -pɔ man bei "foeman fɛnyian. 'Pian 'ka 'pɔn -ji a 'e fadɩ crin -pɔan 'lee nyannɛn -pɔan "a.

Zozi Crizi -le 'wɩ 'nɔnnɔn nɛn Luk -a crɛn -tɛ 11:39 ပူးပေါင်းရင်းမြစ်များ

Matie 15:19

Kɔɔ min souba ji nɛn ci "nrɔndɩ -wlidɩ pɛɛnɔn "sia: min -tɛdɩ a -tʋ, min nan -wɛɛdɩ a -tʋ, min -sran -wɛɛdɩ a -tʋ, nyinnandɩ lɩ 'lee -kɔnnɛn -a te wa'a 'o cin 'palɛ dɩɛ e ya -tʋ, crin wʋdɩ a -tʋ, 'wlu 'sɛndɩ minnun man a -tʋ, 'wɩdɩ min man -wlidɩ "a -tʋ.

Matie 7:15

«'Ka yiɛ 'tɔ 'ka 'fli -va, minnun nɛn waa ve 'nan Bali 'lewei vɩnɔn nɛn waa, 'pian te o 'ka 'a dɩɛ -wee "wɛan. 'O 'fli dra 'ka yei "le 'blanun -le 'wɩ 'zʋ, "tɔgɔ te plɔ winun nɛn waa.

Zozi Crizi -le 'wɩ 'nɔnnɔn nɛn Luk -a crɛn -tɛ 16:15

-A -nan nɛn Zozi "e 'nan -wlɛ 'nan: «'Ka 'fli dra min yiɛ lɛ min tɩglɩnun -a. 'Pian Bali 'cee ci "nrɔndɩ ye. Ɛn fɛ nɛn minnun -a "siala 'nan, ka ya 'wɩ -dan drɛnan bɛ, Bali "le 'va bɛ, e ya 'wɩ 'wlidɩ "a "fo.

Zozi Crizi -le 'wɩ 'nɔnnɔn nɛn Luk -a crɛn -tɛ 7:13

Zɩ Minsan lɩ zɩɛ -a 'yɩ bɛ, -a nyrinda -sɛn "da, ɛn e 'nan -yrɛ 'nan: «Te 'i 'wuɔ dɩ!»

Zozi Crizi -le 'wɩ 'nɔnnɔn nɛn Luk -a crɛn -tɛ 7:19

ɛn e o 'pa 'sia Minsan -va. E 'nan -wlɛ 'nan: «'Ka laabʋ -yrɔ 'nan, -yɛɛ cɩ min nɛn kʋa 'man 'nan e -taa "bɛ -a, -baa 'kʋ min pee man -pɛn tian?»

Zozi Crizi -le 'wɩ 'nɔnnɔn nɛn Zan -a crɛn -tɛ 12:6

'Yalɛ -tɛnɔn 'le 'wɩ "cɛɛ "naan "man -yee "wɛan e 'wɩ zɩɛ -a 'vɩ dɩ. 'Pian crinzan nɛn, ɛn -wee "lala nɛn yaa "paala bɛ, yaa "sia "va te yaa -ble.

Zozi Crizi -le 'wɩ 'nɔnnɔn nɛn Zan -a crɛn -tɛ 13:2

Yi zɩɛ -a funninmlan nɛn Zozi 'lee 'e -srunɔn a fɛnun -blɩnan 'e cin va. Tʋ zɩɛ -a man bɛ, te Satan ci "nrɔndɩ 'pla Simɔn -pɩ Zudazi Karioti man. Yaa -cin -trɔa "ji 'nan 'e Zozi 'nɔn 'e 'nanmannɔn lɛ.

Drɛwɩ (Actes) 5:3

Tɔɔn ɛn Piɛri "e -yrɛ 'nan: «Anania, -mɛ "le "wɛan nɛn 'i 'fli 'tʋɩ ɛn Satan wla 'i 'ji, ɛn i 'wlu 'sɛn Bali lei 'saun lɛ, ɛn i 'yie -yɔ man "lala -mie 'pla 'yie vɛ -a?

Galatɩ 1:14

An 'ta 'wʋla Bali wei da "le 'an tranun zʋ, e 'mlin 'an 'pɛ "kaga "da. 'An tranun drɛ wɩ bɛ -a -nan wɩ a 'an man 'kpa tɩglɩ.

2 Timote 3:5

'O 'fli dra "le 'o 'ta wʋla Bali wei da, 'pian -a tɩglɩ da bɛ, o 'ka "va 'nan Bali -le 'plɛblɛ 'e 'nyranman 'pa 'o man dɩ. Minnun zɩɛ te 'i -pli "o man "fo "dɩ.

'Fluba nɛn Pɔl -a crɛn -tɛ Tit lɛ 1:15

-A -cin 'e 'kɔn 'i 'ji 'nan, minnun nɛn o ya 'saun Bali 'lɛ bɛ, fɛ -tʋ 'ka o "tri 'tɔa Bali 'lɛ dɩ. 'Pian minnun nɛn o ya 'o "tri "tɔdɩ Bali 'lɛ, te wa'a yi tɛala Zozi da dɩɛ, fɛ pɛɛnɔn o "tri -tɔa Bali 'lɛ. Kɔɔ -wee ci "nrɔndɩ pɛɛnɔn drɛ 'wlidɩ Bali 'lɛ, ɛn ya'a tin tɛa o da dɩ.

Zaji 4:8

'Ka -pli Bali man, -e 'e -pli 'ka man! 'Wɩ 'wlidɩ "drɛnɔn, 'ka 'pɛ 'e 'si 'wɩ 'wlidɩ -sru! Kaa nɛn 'ka 'ci -fɔɔman Bali -sru 'ta wʋdɩ -ji bɛ, 'ka 'ci 'si 'fɩdaa -e 'ka 'ta wʋla Bali -sru.