Zozi Crizi -le 'wɩ 'nɔnnɔn nɛn Luk -a crɛn -tɛ 1:79 - Yaouré

⁷⁹ Yaa drɛ zɩɛ 'nan -e -yee 'tɛ 'san 'bɔ 'e minnun nɛn o cɩ klun "va, te o "klanman -ka -lɔ bɛ, o man drɛ 'wein. Ɛn "nyian 'nan -e 'e 'wɩ 'tɔdɩ nɛn e blamin -fo -trɔɔ bɛ, -a "paa -kaa 'ji.»

Zozi Crizi -le 'wɩ 'nɔnnɔn nɛn Luk -a crɛn -tɛ 1:79 ပူးပေါင်းရင်းမြစ်များ

Matie 4:16

Minnun nɛn 'o -nyrandɩ klun tiidii 'va bɛ, o 'tɛ 'san -dan 'yɩ. Ɛn minnun nɛn o cɩ -ka -lɔ bɛ, 'tɛ 'san -sɛn o da.»

Zozi Crizi -le 'wɩ 'nɔnnɔn nɛn Luk -a crɛn -tɛ 2:32

-Yɛɛ cɩ 'tɛ 'san nɛn, e 'lɛglɔn pɛɛnɔn 'ji dra 'wein bɛ -a, ɛn -yɛɛ 'yie minnun Izraɛl 'nɔn 'tɔ dra -dan.»

Zozi Crizi -le 'wɩ 'nɔnnɔn nɛn Zan -a crɛn -tɛ 1:9

Min nɛn waa laabo wei bɛ, -yɛɛ cɩ 'tɛ 'san tɩglɩ 'a, ɛn -yɛɛ 'ta 'trɛdanɔn pɛɛnɔn 'man drɛlɛ 'wein.

Zozi Crizi -le 'wɩ 'nɔnnɔn nɛn Zan -a crɛn -tɛ 12:46

Mɛɛn cɩ 'tɛ 'san -a, an -ta 'trɛda 'nan -e min nɛn e yi -tɛra 'an da bɛ, -a san 'e vɩlɛ 'e 'fʋ klun va -trilii dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 8:12

Tʋ pee -a bɛ, ɛn Zozi 'wɩ tin 'badɩ 'sia "nyian minnun lɛ. Yaa 'vɩ -wlɛ 'nan: «'An 'bɔ 'bɛ cɩ 'tɛ 'san nɛn e 'trɛdanɔn 'man dra 'wein bɛ -a. Min nɛn e sɔɔnla 'an -sru "bɛ, te ya'a "nyian 'ta wo klun va dɩ, ɛn 'tɛ 'san nɛn e 'belidɩ -nɔan "min lɛ bɛ e ya -a san -le vɛ -a.»

Zozi Crizi -le 'wɩ 'nɔnnɔn nɛn Zan -a crɛn -tɛ 9:5

'Bɛ nɛn an ya tian 'trɛda 'gʋɛ, mɛɛn cɩ 'tɛ 'san nɛn e 'trɛdanɔn 'man dra 'wein bɛ -a.»

Drɛwɩ (Actes) 10:36

Bali -ta 'e wei -a Izraɛl 'nɔn lɛ, ɛn e 'wɩ 'nɔnnɔn 'gʋɛ -a 'vɩ -wlɛ, e 'nan min -fʋdɩ -trɔɔ ye Zozi Crizi 'tɔ 'ji. -Yɛɛ cɩ min pɛɛnɔn 'san -a.

Drɛwɩ (Actes) 26:18

-e 'i o yiɛ 'lɛ 'sʋ, 'dʋ -e 'o 'si klun va, -e 'o 'ta 'tɛ 'san da, -e 'o 'si Satan -le 'plɛblɛ 'wlu, -e 'o 'ta Bali va. -Te o yi -tɛra 'an da -e Bali 'e -wee 'wɩ 'wlidɩ 'fui, -e 'o -nyrannan "yɩ minnun nɛn o cɩ Bali -le vɛ -a bɛ o va.›

Rɔmɛn 3:17

-Si nɛn e -fʋdɩ -trɔɔ -nɔan "min lɛ bɛ, o 'ka "vale 'o -tɔa "dɩ.

Efɛz 5:8

'E tɛdɛ bɛ, ka 'bɔ te "ka "ya wo "nyian klun va. 'Pian 'bɛ nɛn 'gʋɛ ka ya 'tɛ 'san da, ka drɛ Minsan -le vɛ -a -le "wɛan. -Yee "wɛan 'cee 'ta wʋ -pɛ 'e -kɔɔn 'nan ka drɛ 'tɛ 'san -le vɛ -a!