Zozi Crizi -le 'wɩ 'nɔnnɔn nɛn Zan -a crɛn -tɛ 4:1 - Yaouré

¹ Zozi -a -tɔ 'nan, Farizɛn 'nɔn -a 'man 'nan minnun nɛn 'e -sru te 'e o -batize dra bɛ, o ya "kaga, ɛn o "mlian Zan -srunɔn da.

Zozi Crizi -le 'wɩ 'nɔnnɔn nɛn Zan -a crɛn -tɛ 4:1 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Luk -a crɛn -tɛ 1:76

'Mɛn 'nɛn, minnun -taa 'i laabʋlɛ Bali nɛn min ta lou "bɛ -a 'lewei vɩzan. Kɔɔ yiɛ -tɔala Minsan 'lɛ -e 'i -yee -si man drɛ.

Zozi Crizi -le 'wɩ 'nɔnnɔn nɛn Luk -a crɛn -tɛ 19:31

-Te min -a laabʋ 'ka 'lɔ 'nan: ‹-Mɛ "le "wɛan nɛn ka cɩ -a baa 'sʋnan bɛ›, 'ka vɩ -yrɛ 'nan: ‹Minsan "e 'nan, -aflumun 'wɩ a 'e man.› »

Zozi Crizi -le 'wɩ 'nɔnnɔn nɛn Luk -a crɛn -tɛ 19:34

Ɛn o 'nan -wlɛ 'nan: «Minsan "e 'nan, -aflumun 'wɩ a 'e man.»

Zozi Crizi -le 'wɩ 'nɔnnɔn nɛn Luk -a crɛn -tɛ 2:11

'Wɩ zɩɛ -nyrɛn 'nan, min nɛn e "ta -daa 'ka 'silɛ 'wɩ 'ji bɛ, waa -ya cɛɛgʋ David fla. Crizi nɛn Minsan -a bɛ -nyrɛn!

Zozi Crizi -le 'wɩ 'nɔnnɔn nɛn Luk -a crɛn -tɛ 7:13

Zɩ Minsan lɩ zɩɛ -a 'yɩ bɛ, -a nyrinda -sɛn "da, ɛn e 'nan -yrɛ 'nan: «Te 'i 'wuɔ dɩ!»

Zozi Crizi -le 'wɩ 'nɔnnɔn nɛn Luk -a crɛn -tɛ 7:19

ɛn e o 'pa 'sia Minsan -va. E 'nan -wlɛ 'nan: «'Ka laabʋ -yrɔ 'nan, -yɛɛ cɩ min nɛn kʋa 'man 'nan e -taa "bɛ -a, -baa 'kʋ min pee man -pɛn tian?»

Zozi Crizi -le 'wɩ 'nɔnnɔn nɛn Zan -a crɛn -tɛ 3:22

"Bɛ -sru ɛn Zozi 'lee 'e -srunɔn 'kʋ Zude 'lɛglɔn 'ji. O -fʋ fɛ zɩɛ -a -nan tʋ "wɛnnɛn 'a, ɛn e minnun -batize drɛdɩ 'sia.

Zozi Crizi -le 'wɩ 'nɔnnɔn nɛn Zan -a crɛn -tɛ 3:26

O -kʋ Zan -va, ɛn waa laabʋ -yrɔ 'nan: «Bali -le 'wɩ "paazan, min nɛn "nɛn ka cɩ 'ka 'vale -a Zudan 'yi -sru, te i -yee 'wɩ ve minnun lɛ bɛ, e ya minnun -batize drɛnan ɛn minnun pɛɛnɔn a -kʋnan "va 'zia.»

Drɛwɩ (Actes) 10:36

Bali -ta 'e wei -a Izraɛl 'nɔn lɛ, ɛn e 'wɩ 'nɔnnɔn 'gʋɛ -a 'vɩ -wlɛ, e 'nan min -fʋdɩ -trɔɔ ye Zozi Crizi 'tɔ 'ji. -Yɛɛ cɩ min pɛɛnɔn 'san -a.

1 Korɛnti 1:17

Kɔɔ Crizi 'ka 'an 'palɛ -sia 'nan 'an 'ta minnun -batize drɛ dɩ. 'Pian yaan 'pa 'sia 'nan 'an 'ta 'yee 'wɩ 'nɔnnɔn vɩ minnun lɛ. Ɛn 'wɩ zɩɛ blamin -le 'wɩ 'tɔdɩ -dandan "cɛɛ maan "sia -e 'an vɩ minnun lɛ dɩ. Maan dra zɩɛ 'nan -e Crizi -le -ka nɛn yaa 'wʋ yiba "plan da bɛ, -yee 'plɛblɛ 'lɛ 'e 'fʋ "man.

1 Korɛnti 15:47

Adan nɛn blamin tɛdɛ -a bɛ, 'trɛ nɛn Bali -a 'si ɛn yaa drɛ. 'Pian Crizi bɛ, e 'si laji.

1 Korɛnti 2:8

Minnun tanɔn nɛn 'trɛ 'gʋɛ -a da bɛ, wa'a Bali -le 'wɩ 'tɔdɩ zɩɛ -a -ci manlɛ dɩ. "Te waa -ci 'man bɛ, "te Minsan nɛn 'tɔ -dan a -yrɔ "bɛ wa'a -pɛinlɛ yiba "plan da dɩ.

2 Korɛnti 4:5

'Kʋ 'bɔ 'fli -le 'wɩ "cɛɛ kʋa ve minnun lɛ dɩ, 'pian Zozi Crizi -le 'wɩ 'nɔnnɔn nɛn kʋa ve minnun lɛ. Kʋa ve 'nan -yɛɛ cɩ Minsan -a, ɛn kʋ 'ka "sua 'wɩ zɩɛ -a Zozi 'bɔ 'le "wɛan.

Zaji 2:1

'An "bʋɩ Zozinɔn, kaa nɛn ka yi -tɛra mingɔnnɛn -kaa san Zozi Crizi da bɛ, te 'ka min bʋ "va "dɩ.

Apokalis 19:16

'Tɔ 'tʋ a 'e 'crɛn -tɛdɩ -yee sɔ da -a "pin "man. Waa crɛn -tɛ 'nan: Mingɔnnɛnnun da mingɔnnɛn, ɛn minsannun da Minsan.