Zozi Crizi -le 'wɩ 'nɔnnɔn nɛn Zan -a crɛn -tɛ 3:3 - Yaouré

³ Ɛn Zozi "e 'nan -yrɛ 'nan: «Maan ve 'yiɛ 'wɩ tɩglɩ 'a 'nan, min 'ka 'kɔlaman -e 'e Bali -le mingɔnnɛn trɛ yɩ, te wa'a -yalɛ 'e 'trɛ dɩ.»

Zozi Crizi -le 'wɩ 'nɔnnɔn nɛn Zan -a crɛn -tɛ 3:3 ပူးပေါင်းရင်းမြစ်များ

Matie 16:17

Ɛn Zozi "e 'nan: «Zonas -pɩ Simɔn, 'yie 'wɩ a "yi. Kɔɔ blamin "cɛɛ 'wɩ zɩɛ -a -cin -tɔ 'i 'ji dɩ, 'pian 'an "tɩ "nɛn laji bɛ -yɛɛ -cin -tɔ 'i 'ji.

Matie 19:24

Ɛn maan ve "nyian 'cɛɛ 'nan, -wi -dan nɛn waa laabo shamo bɛ, ya'a -kɔlaman -wladɩ -a 'mɛnzrɛn -yrɛ ji dɩ. -A -tʋwli "nɛn "nyian fɛnɔn 'le vɛ -a. Drɛdɩ Bali -le mingɔnnɛn trɛdavɛ -a bɛ, e ya -wlɔ 'plɛblɛ 'wlidɩ.»

Matie 21:31

'Nɛnnun "fli zɩɛ o yei "bɛ, -tɩɛ 'e "tɩ "ci 'sɔ wɩ drɛ?» Minnun tanɔn nɛn o cɩ 'wɩ zɩɛ -a mannan bɛ, o -yrɛ 'nan: «'Nɛn ceje 'nɛnzan nɛn.» Ɛn Zozi "e 'nan -wlɛ "nan: «Maan ve 'cɛɛ 'wɩ tɩglɩ 'a 'nan, 'sukɔlɛ 'sinɔn 'lee -kɔnnɛn -wɛɛnɔn -tɔala 'ka 'lɛ -wladɩ -a Bali -le mingɔnnɛn trɛda.

Matie 5:18

Maan ve 'cɛɛ 'wɩ tɩglɩ 'a 'nan, -te labli 'lee 'trɛ 'ka tian 'nyanlɛ dɩɛ, te -pei -le 'wɩ "wɛnnɛn 'tʋwli "cɛ 'ka 'sia "da "dɩ -trilii, -e 'wɩ pɛɛnɔn nɛn -pei -a 'vɩ bɛ 'e 'lɛ sɔɔ.

Mark 10:14

Zɩ Zozi 'wɩ zɩɛ -a -nan 'yɩ bɛ, e 'nan "man, ɛn yaa 'vɩ 'e -srunɔn lɛ 'nan: «'Ka nannannun 'tʋɩ 'o 'ta 'an 'va! Te 'ka 'si -tɔ -wlɔ "dɩ! Kɔɔ minnun nɛn "le -wee 'wɩ 'zʋ bɛ, Bali -le mingɔnnɛn trɛ a -wee vɛ -a.

Mark 9:47

Ɛn -te 'i yiɛ 'bɛ -maan i 'wɩ 'wlidɩ "dra bɛ, 'i 'si "ji! Kɔɔ -te i -wla 'i yiɛ -tʋwli "a Bali -le mingɔnnɛn trɛ da bɛ, 'bɛ "yi mlin -kʋdɩ 'tɛ 'va te 'i yiɛ a "fli "bɛ -a da.

Zozi Crizi -le 'wɩ 'nɔnnɔn nɛn Zan -a crɛn -tɛ 1:13

Wa'a drɛlɛ Bali -le 'nɛnnun -a "le zɩ min 'nɛn -yaa 'e 'pɔn -ji bɛ -yee 'wɩ 'zʋ dɩ. Ɛn min "cɛɛ o drɛ Bali -le 'nɛnnun -a dɩ. 'Pian Bali 'bɔ 'bɛ o drɛ 'yee 'nɛnnun -a.

Zozi Crizi -le 'wɩ 'nɔnnɔn nɛn Zan -a crɛn -tɛ 1:5

'Tɛ zɩɛ -a -san -sɛn klun va, ɛn klun 'ka -tɔlɛ -a 'lɛ dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 1:51

Ɛn Zozi -a 'vɩ "nyian 'nan: «Maan ve 'cɛɛ 'wɩ tɩglɩ 'a 'nan, ka -taa labli yɩlɛ 'e 'lɛ 'sʋdɩ -e 'ka Bali -le 'pasianɔn yɩ, te o -ko laji, ɛn te o "sia laji -e 'o -sɔɔn 'an Blamin -pɩ da.»

Zozi Crizi -le 'wɩ 'nɔnnɔn nɛn Zan -a crɛn -tɛ 12:40

«Bali o yiɛ 'wi, -e 'o vɩlɛ 'o fɛnan 'yɩ dɩ, ɛn e o -pɔan "da -tɔ 'plɛblɛ, -e 'o vɩlɛ 'o 'wɩ 'wɩ man dɩ. E drɛ zɩɛ 'nan "tɔgɔ 'o -sɔɔnla 'e -sru, -e 'e o 'si 'wɩ 'ji.»

Zozi Crizi -le 'wɩ 'nɔnnɔn nɛn Zan -a crɛn -tɛ 3:4

-A -nan nɛn yaa laabʋ Zozi 'lɔ 'nan: «Min nɛn e drɛ ceje 'gʋɛ, waa dra 'kɔ -e 'o -ya? E -wlaman "nyian 'e "bʋ 'pɔn -ji -e 'o -ya 'e 'pee?»

2 Korɛnti 4:4

Wa'a yi tɛala Zozi da dɩ, kɔɔ Satan nɛn e cɩ minnun zɩɛ -wee bali -a bɛ, e -wee 'wɩ 'ci mandɩ 'lɛ 'wʋ. Yaa drɛ zɩɛ 'nan -e 'o vɩlɛ 'o Zozi 'le 'wɩ 'nɔnnɔn 'ci man dɩ. -Yee "wɛan Zozi Crizi nɛn e Bali -kɔɔnman minnun lɛ bɛ wa'a -yee 'tɛ 'san ye dɩ.

2 Korɛnti 5:17

Fɛ nɛn maan ve zɩɛ -yɛɛ cɩ 'nan, -te min drɛ Crizi -le vɛ -a bɛ, e ya "le Bali a drɛ min -trɛ -a. Min nɛn e cɩ -a 'e tɛdɛ bɛ, 'bɛ yi -ka. 'Bɛ nɛn 'gʋɛ -yee 'wɩ pɛɛnɔn drɛ 'e -trɛ.

Galatɩ 6:15

-Te min -fɔ -klɔnmɔn -va oo, e ya 'e "tun. Ɛn -te min 'ka 'fɔlɛ -klɔnmɔn -va dɩ oo, e ya 'e "tun. 'Pian 'bɛ nɛn 'bɛ cɩ 'wɩ -dan -a bɛ, -nyrɛn 'nan Bali 'e -kaa drɛ min -trɛ -a.

Efɛz 2:1

'E tɛdɛ bɛ, ka'a 'ta 'wʋla Bali wei da dɩ, ɛn ka 'wɩ 'wlidɩ "dra, -yee "wɛan Bali "le 'va bɛ, te ka ya 'ka 'kadɩ.

'Fluba nɛn Pɔl -a crɛn -tɛ Tit lɛ 3:5

-a -nan nɛn e -kaa 'si 'wɩ 'ji. Ya'a drɛlɛ 'nan 'wɩ "yinun nɛn -kaa drɛ bɛ -a man nɛn dɩ, 'pian -kaa nyrinda 'bɛ 'sɛn "da. E -kaa ya 'e 'pee Bali lei 'saun 'le 'plɛblɛ 'a 'nan -e -kaa drɛ min -trɛ -a. 'Wɩ zɩɛ -a drɛdɩ bɛ, e ya "le -kaa -srudɩ -le 'wɩ 'zʋ.

Zaji 3:17

'Pian 'wɩ 'tɔdɩ nɛn e "sia Bali va bɛ, e ya 'wɩ 'tɔdɩ tɩglɩ 'a. E min dra min -trɔɔ -a, ɛn e min dra min ci "yizan 'a. Min zɩɛ e min wei maan, min nyrinda -sɛan "da, ɛn e "yi "dra min lɛ. Ya'a min bo "va "dɩ, ɛn ya'a 'wɩ 'dra -dawli a dɩ.

1 Piɛri 1:3

-Kaa Bali 'tɔ 'bɔ! -Yɛɛ cɩ -kaa san Zozi Crizi "tɩ "a. E -kaa nyrinda 'si, ɛn e -kaa drɛ min -trɛ -a. Zozi Crizi wluan -kanɔn 'va, -yee "wɛan -kaa 'bli 'e 'kɔn "da 'nan -kaa wuanla -kanɔn 'va "nyian.

1 Zan 2:29

Zɩ kaa -tɔa 'nan Zozi Crizi a min tɩglɩ 'a bɛ, -a -tʋwli "nɛn 'ka -tɔ "nyian 'nan min nɛn e 'wɩ tɩglɩ dra bɛ, te Bali -le 'nɛn nɛn -a san -a.

1 Zan 3:9

Min nɛn e cɩ Bali -le 'nɛn a bɛ, ya'a 'wɩ 'wlidɩ 'dra dɩ, kɔɔ Bali -le 'belidɩ a -a san lɔ. Ya'a 'kɔlaman te e 'wɩ 'wlidɩ "dra dɩ, e ya Bali -le 'nɛn 'a -le "wɛan.

1 Zan 5:1

Minnun nɛn o yi -tɛala "da 'nan Zozi 'bɛ cɩ min 'sizan 'wɩ 'ji Crizi -a bɛ, te Bali -le 'nɛnnun nɛn waa. Ɛn -te min 'e "tɩ ye "yi "bɛ, yaa ci 'nɛnnun ye "yi "nyian.

1 Zan 5:18

-Kaa -tɔa 'nan Bali -le 'nɛn 'ka 'wɩ 'wlidɩ dra te yaa dra dɩ. Bali -pɩ 'bɔ 'bɛ yiɛ -tɔa "va -e Satan 'e vɩlɛ 'e 'wɩ 'tʋ drɛ -yrɛ "dɩ.

1 Zan 5:4

kɔɔ min nɛn Bali -le 'nɛn 'a bɛ, e 'trɛda fɛnun klɩ. Fɛ nɛn yaa -maan 'lɔɔ -kaa 'trɛda fɛnun klɩ bɛ, -cee yi -tɛradɩ Bali da nɛn.

Apokalis 3:14

«'Wɩ 'gʋɛ 'i crɛn -tɛ -e 'i 'pa 'sia Bali -le 'pasiazan nɛn Laodize -leglizi -ji bɛ -yrɛ. 'I crɛn -tɛ 'nan: Mɛɛn cɩ Amɛn -a. Mɛɛn cɩ 'wɩ nɛn Bali -a drɛ bɛ, -a -nan yɩzan tɩglɩ 'a, ɛn ma'an 'wɩ 've 'wlu 'a dɩ. Bali ciɩla 'an 'va ɛn e fɛ pɛɛnɔn drɛ. 'An 'bɔ "e 'nan: