Zozi Crizi -le 'wɩ 'nɔnnɔn nɛn Zan -a crɛn -tɛ 19:4 - Yaouré

⁴ Pilati 'bɔla "nyian, ɛn e 'nan Zuif 'nɔn lɛ 'nan: «An "ta -a bɔala 'cɛɛ bei -e 'ka -tɔ 'nan ma'an 'wɩ 'tʋ yɩlɛ "man -e 'e 'ka -a 'wɩ 'ji dɩ.»

Zozi Crizi -le 'wɩ 'nɔnnɔn nɛn Zan -a crɛn -tɛ 19:4 ပူးပေါင်းရင်းမြစ်များ

Matie 27:19

Pilati a 'e -nyrandɩ 'yee tin 'ba pɛin -da tin -sru, ɛn -a nan min 'pa 'sia -yrɛ. E 'nan: «Min 'labɛ ya'a 'wɩ 'tʋ drɛlɛ -wlidɩ "dɩ. Te 'i 'pɛ wʋ -yee 'wɩ 'ji dɩ. Kɔɔ paan 'pei -man nyrin nɛn maan -tɛ bɛ, 'an "koe 'nyan -yee "wɛan 'kpa tɩglɩ.»

Matie 27:24

Pilati -a 'yɩ 'nan, 'e 'ka o 'klɩnan 'wɩ 'a dɩ, te minnun plaman "bʋʋ. -A -nan nɛn e 'yi 'si, 'e 'pɛ -man foe minnun pɛɛnɔn yiɛ man, ɛn e 'nan -wlɛ 'nan: «Mɛɛn "cɛɛ vɩ 'nan o min 'lagʋɛ -a -tɛ dɩ. -Te e -ka bɛ, 'ka 'bɔ 'lɔ 'wɩ nɛn.»

Matie 27:4

E 'nan -wlɛ 'nan: «An 'wɩ 'wlidɩ drɛ min nɛn ya'a 'wɩ 'tʋ drɛlɛ -wlidɩ "dɩɛ, -a -nɔndɩ -a 'cɛɛ.» -A -nan nɛn minnun zɩɛ o 'nan Zudazi lɛ 'nan: «"Kʋe 'man wɩ 'ka 'ji dɩ. 'I 'bɔ 'lɔ wɩ nɛn.»

Matie 27:54

'Sounjanun tazan 'lee 'yee minnun nɛn 'o yiɛ 'tɔ Zozi 'va bɛ, zɩ 'trɛ nyɔɔn waa -nan 'yɩ bɛ, ɛn 'wɩ pɛɛnɔn nɛn e drɛ waa -nan 'yɩ bɛ, -a "klan o -tɛdɩ 'sia. -A -nan nɛn waa 'vɩ 'nan: «'Wɩ 'kpa nɛn, min 'labɛ Bali -pɩ nɛn.»

Zozi Crizi -le 'wɩ 'nɔnnɔn nɛn Luk -a crɛn -tɛ 23:4

Ɛn Pilati "e 'nan Bali -pannɔn 'tanɔn 'lee minnun lɛ 'nan: «Ma'an 'wɩ 'wlidɩ 'ye min 'gʋɛ -yee 'wɩ 'va -e 'o 'kun "man "dɩ.»

Zozi Crizi -le 'wɩ 'nɔnnɔn nɛn Luk -a crɛn -tɛ 23:41

'Pian 'kʋe yra yɩdɩ bɛ, -a -nɔan da nɛn. Kɔɔ 'wɩ nɛn kʋa drɛ bɛ, -a "nɛn "nɛn kʋ cɩ -a yɩnan. Min 'labɛ, ya'a 'wɩ 'wlidɩ "tʋ drɛlɛ "fo "dɩ.»

Zozi Crizi -le 'wɩ 'nɔnnɔn nɛn Luk -a crɛn -tɛ 23:47

Zɩ 'sounjanun tazan 'wɩnun zɩɛ -a -nan 'yɩ bɛ, ɛn e 'tɔ -dan nɔndɩ 'sia Bali lɛ. E 'nan: «'Wɩ 'kpa nɛn, min 'labɛ min tɩglɩ nɛn.»

Zozi Crizi -le 'wɩ 'nɔnnɔn nɛn Zan -a crɛn -tɛ 18:33

Tɔɔn ɛn Pilati 'li 'e da 'yee -klɔn -ji. E Zozi laabʋ, ɛn yaa laabʋ -yrɔ 'nan: «Zuif 'nɔn 'le mingɔnnɛn nɛn 'yia?»

Zozi Crizi -le 'wɩ 'nɔnnɔn nɛn Zan -a crɛn -tɛ 18:38

Pilati -a laabʋ -yrɔ 'nan: «-Mɛ "nɛn 'wɩ tɩglɩ 'a?» Zɩ Pilati 'wɩ zɩɛ -a laabʋ bɛ, e 'bɔla, ɛn e -kʋ "nyian Zuif 'nɔn 'va. Ɛn e 'nan -wlɛ 'nan: «Ma'an 'wɩ 'tʋ yɩlɛ min 'gʋɛ -a man, -e min 'e 'ka -a 'wɩ 'ji dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 19:6

Zɩ Bali -pannɔn 'tanɔn 'lee o 'sunɔn -a 'yɩ bɛ, ɛn o -paandɩ 'sia. Waa ve 'nan: «'I -pɛin yiba "plan da! 'I -pɛin yiba "plan da!» Ɛn Pilati "e -wlɛ 'nan: «'Ka 'si, -e 'ka -pɛin yiba "plan da 'ka 'bɔ 'a! Kɔɔ ma'an 'wɩ 'tʋ yɩlɛ "man -e 'e 'ka -a 'wɩ 'ji dɩ.»

2 Korɛnti 5:21

Crizi 'ka 'wɩ 'wlidɩ "tʋwli "drɛlɛ dɩ, 'pian Bali -cee 'wɩ 'wlidɩ "nɛn "wɩ 'bɔ "man. Yaa drɛ zɩɛ 'nan -e -kaa drɛ min tɩglɩ 'a 'e lɛ, 'wɩ nɛn e 'bɔ Crizi man zɩɛ -yee "wɛan.

Ebre 7:26

Bali -panzan -dan nɛn -a 'wɩ cɩ -kaa man bɛ, -a 'bɔ nɛn Zozi 'a. E 'sɔ Bali lɛ, ya'a 'wɩ 'wlidɩ "tʋ drɛlɛ dɩ, ɛn 'tɔ 'ka 'e 'padɩ "man "dɩ. Bali -a 'si 'wɩ 'wlidɩ "drɛnɔn yei, ɛn e -kʋ -a laji lou.

1 Piɛri 1:19

'Pian Crizi nyɛn nɛn e "mlian fɛ pɛɛnɔn da bɛ, -a 'bɔ a nɛn e 'ka 'ta pan 'wʋ. Crizi -ka "le 'nan 'sraga bʋ 'bla fɛnyian nɛn 'tɔ 'ka 'e 'padɩ "man "dɩɛ -yee 'wɩ 'zʋ.

1 Piɛri 2:22

«Ya'a 'wɩ 'wlidɩ "tʋwli "cɛ "drɛlɛ dɩ, ɛn 'wlu wɩ -tʋwli "cɛ 'ka bɔlɛa -a 'le dɩ.»

1 Piɛri 3:18

Kɔɔ Crizi 'bɔ 'e yra 'yɩ min pɛɛnɔn 'le 'wɩ 'wlidɩ "le "wɛan. Ya'a 'wɩ 'wlidɩ -tʋwli "drɛlɛ dɩ, ɛn e -ka 'wɩ 'wlidɩ "drɛnɔn 'lɛji 'e 'pa -a -tʋwli 'li "fo "le vɛ -a. Yaa drɛ zɩɛ 'nan, -e 'e 'ta 'ka 'a Bali va. Waa -tɛ "le 'nan min nɛn e ya blamin -a bɛ -yee 'wɩ 'zʋ, ɛn e wluan -kanɔn 'va "le 'nan min nɛn e ya Bali lei -a bɛ -yee 'wɩ 'zʋ.

1 Zan 3:5

Ɛn kaa -tɔa 'nan Crizi -ta -e 'e -cee 'wɩ 'wlidɩ pɛɛnɔn bɛ -a "nɛn "wɩ yɩ, te ya'a 'wɩ 'wlidɩ "drɛlɛ dɩ.