Zozi Crizi -le 'wɩ 'nɔnnɔn nɛn Zan -a crɛn -tɛ 16:2 - Yaouré

² Minnun -taa 'ka 'pinlɛ 'wee cin yɩ 'kɔnnun -ji. Ɛn tʋ -mie -taa "bɔlɛ bɛ, minnun 'ka -tɛɛman, te o 'ci "nrɔnman 'nan 'o ya Bali 'sunan.

Zozi Crizi -le 'wɩ 'nɔnnɔn nɛn Zan -a crɛn -tɛ 16:2 ပူးပေါင်းရင်းမြစ်များ

Matie 10:28

Ɛn te 'ka "klan minnun lɔ dɩ! O -kɔlaman min po -tɛdɩ -a, te wa'a 'kɔlaman -a lei -tɛdɩ -a dɩ. 'Pian 'ka "klan Bali lɔ! Kɔɔ e -kɔlaman min po -tɛdɩ -a, ɛn e -kɔlaman min lei -tɛdɩ -a. Yaa dra 'tɛ nɛn ya'a 'driman 'mlɔnmlɔn dɩɛ -a va.

Matie 24:9

Tʋ zɩɛ -a man nɛn minnun 'ka "kuundɩ "siala, te o 'tɛ "paa 'ka da, ɛn te o 'ka -tɛɛman. 'Lɛglɔn pɛɛnɔn 'ji 'nɔn "naan 'ka man, ka drɛ 'an -srunɔn 'a -le "wɛan.

Zozi Crizi -le 'wɩ 'nɔnnɔn nɛn Luk -a crɛn -tɛ 6:22

-Te minnun "naan 'ka man Blamin -pɩ -le "wɛan oo, ɛn -te minnun 'ka 'si o 'va Blamin -pɩ -le "wɛan oo, ɛn -te minnun 'ka "srɔnman Blamin -pɩ -le "wɛan oo, ɛn -te minnun 'ka 'tɔ srɛman Blamin -pɩ -le "wɛan oo, Bali -le -fɛa a 'ka man.

Zozi Crizi -le 'wɩ 'nɔnnɔn nɛn Zan -a crɛn -tɛ 12:42

Zuif 'nɔn 'tanɔn 'bɔ bɛ, o "kaga "yi -tɛala Zozi da. 'Pian Farizɛn 'nɔn 'le "wɛan o 'ka "vale 'o ve 'wein dɩ, "tɔgɔ 'o o -pin cin yɩ 'kuin.

Zozi Crizi -le 'wɩ 'nɔnnɔn nɛn Zan -a crɛn -tɛ 16:25

«'Wɩnun zɩɛ, maan 'vɩ 'cɛɛ -kɔnnɛn "ji. Tʋ -tʋ -taa "bɔlɛ, te ma'an "nyian 'wɩ tin 'baa 'cɛɛ -kɔnnɛn "ji dɩ, 'pian 'an "tɩ "le 'wɩ tin "baa 'cɛɛ 'wein.

Zozi Crizi -le 'wɩ 'nɔnnɔn nɛn Zan -a crɛn -tɛ 16:32

'Pian maan ve 'cɛɛ 'nan, tʋ -tʋ -taa "bɔlɛ, 'ka pɛɛnɔn fuimlan "man -e min -tʋ 'e 'kʋ 'e 'lɛ zia. -A tʋ 'bɔ 'bɔ 'va. Tʋ zɩɛ -a man nɛn kaan "tʋe 'an -tʋwli. 'Pian an 'ka 'an -tʋwli "dɩ, kɔɔ 'an "tɩ -kɔan 'an "srɔn.

Zozi Crizi -le 'wɩ 'nɔnnɔn nɛn Zan -a crɛn -tɛ 4:21

Ɛn Zozi "e 'nan -yrɛ 'nan: «'I "trɔɛn "tɔ 'an wei 'gʋɛ -yrɛ 'kpa. Tʋ -tʋ -taa "bɔlɛ bɛ, te ka'a Bali bɔa pɔn 'gʋɛ -a da dɩ, ɛn ka'a 'ko Bali bɔlɛ Zeruzalɛm dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 4:23

'Pian tʋ -tʋ -taa "bɔlɛ bɛ, ɛn -a tʋ 'bɔ 'bɔ 'va. Tʋ zɩɛ -a man nɛn Bali bɔ 'nɔn tɩglɩ -kaa "tɩ Bali bɔa Bali lei 'saun 'le 'plɛblɛ 'a, ɛn waa bɔa 'e -si tɩglɩ da. Bali bɔ 'nɔn zɩɛ o va nɛn -kaa "tɩ Bali cɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 9:22

-A "tɩ 'lee -a "bʋ "klanman Zuif 'nɔn 'tanɔn 'lɔ -yee "wɛan o 'wɩ zɩɛ -a 'vɩ. Kɔɔ Zuif 'nɔn 'o 'ci 'pa 'nan, min oo min nɛn yaa 'vɩ 'nan, Zozi 'bɛ cɩ min 'sizan 'wɩ 'ji Crizi -a bɛ, 'o -pian 'wee cin yɩ 'kuin.

Zozi Crizi -le 'wɩ 'nɔnnɔn nɛn Zan -a crɛn -tɛ 9:34

Ɛn waa 'vɩ -yrɛ 'nan: «'I 'bɔ nɛn wei 'ya 'wɩ 'wlidɩ va "fo "bɛ, yiɛ 'wɩ "paaman 'kʋ 'ji?» Ɛn waa -pin 'o yei.

Drɛwɩ (Actes) 5:33

Zɩ tin 'banɔn 'wɩ zɩɛ -a 'man o da bɛ, ɛn 'bli 'fɔ o ji 'e 'ciɩla "da, o ya "vale o Zozi 'le 'pasianɔn 'bɔ -tɛɛman.

Drɛwɩ (Actes) 7:56

Ɛn e 'nan: «"Ka 'yiɔ, an labli ye 'e 'lɛ 'sʋdɩ, ɛn an Blamin -pɩ ye 'e 'tɔdɩ lou Bali -pɛ "yi "da.»

1 Korɛnti 4:13

Minnun "we 'kʋ man -wlidɩ, 'pian kʋa "sia "da -wlɛ wei 'nɔnnɔn 'a. Kʋ drɛ 'trɛdanɔn 'lɔ "le bli -le 'wɩ 'zʋ, ɛn kʋ da nɛn o 'wee "tri pɛɛnɔn 'wɛɛnman tian cɛɛgʋ yi -a.

Filipʋ 3:6

An 'ta 'wʋla -pei -tɔ wɩnun da "bʋʋ "le "wɛan, an 'tɛ 'pa -leglizi 'nɔn da. -Te e ya min nɛn e cɩ tɩglɩ 'ta wʋdɩ -a -pei -tɔ wɩnun da bɛ, min -tʋ 'ka 'mlinlɛ 'an da 'bɛ 'nan "fo "dɩ.

Apokalis 6:9

Zɩ Bali -le 'bla 'fluba -yrɩvɛ 'sooluzan cɛɛn bɛ, ɛn an min leinun 'yɩ Bali -pan "davɛ wlu. Minnun nɛn o -tɔ Bali -le 'wɩ -sru 'kpa tɩglɩ minnun yiɛ man, ɛn minnun o tɛɛ bɛ, o leinun nɛn.